There are no Keywords that match this search
There are no Danish Keywords that match this search
There are no German Keywords that match this search
There are no Icelandic Keywords that match this search
There are no Place Mentioned that match this search
There are no Narrator Gender that match this search
In hekse mat om 'e sawn jier ien deatsjoene, oars giet se sels dea.
Tsjoensters foroaren har yn katten. Krige sa'n kat in opdonder, dan krige de tsjoenster in seare earm of skonk.
De tsjoensters matte op syn minst yn sawn jier tiid ien deatsjoend ha. Oars geane se der sels oan.
In tsjoenster kin oeral trochhinne. Dat komt, sy kinne har oeral yn foroarje. Yn mûskes en fûgels en neam mar op.
Tsjoensters foroarje har nou en dan yn katten. Dan hâlde se forgaderingen yn 'e buert. Dêr psalmsjonge se dan.
't Gebeurde wol dat se in kat ôfseamen. Dan hie de tsjoenster de oare deis skeel.
Der wienen tsjoensters dy koenen fleane op 'e biezemstok.
Sa'n ien wenne der ek yn Twizelerheide.
De minsken leinen duveldrek ûnder 'e drompel. Dêr koe in tsjoenster net oerhinne komme.
Greate Wopke fan Kûkherne joech meastal in drankje as der guon bitsjoend wienen. Men moest gâns noed stean foar sa'n drankje.
As men in apel fan in tsjoenster krijt, mat men dy apel noait hielendal opite. Hwant oars krijt men in levende pod yn 't liif.
Wy mochten ek noait trije kear achter elkoar "ja" sizze. Hwant dan hie de tsjoenster jin yn 'e macht.
Der wie froeger in jonkje, dêr boarten wy wol mei. As der in âld minske foarby gong, dan sei er altyd:
"Ien âlde duvel, twa, âlde duvel, trije, âlde duvel.
Né, âlde heks, dû krijst my net!"
Dat hie syn mem him leard.
Tsjoensters kinne har yn in kat foroarje.
Ik haw yn Twizelerheide in tsjoenster kend, dy fleach samar op 'e biezemstok oer in hûs hinne. Dat die se yn de regel by nacht.
In tsjoenster moest om 'e sawn jier ien deatsjoene, oars gong hja der sels oan. Hja droegen froeger allegear in stikje duveldrek yn 'e klean. Dat wie om net bitsjoend to wurden. Der wie duveldrek it middel foar.
De tsjoensters kinne har yn in wite kat foroarje. Dy katten hâlde nou en dan in forgadering op it lân. En dan sjonge se. Ien hat de lieding. Dan ha se in soad wille. Ik haw wolris in stik of fiif katten sa byelkoar sjoen. Dat wie yn 'e Westerein. Dy katten songen ek.
In tsjoenster kaem troch 't kaeisgat yn 'e hûs.
Tsjoensters kinne troch 't kaeisgat komme. Dêrom lieten de lju de kaei meast yn 'e doar sitte.
Tsjoensters foroaren har yn swarte katten.
Tsjoensters foroaren samar yn katten.
Tsjoensters hâlde forgaderings yn 'e gedaente fan katten. Dêr sjonge se psalms by.
In tsjoenster lieten se noait troch de skuorre en sy mocht foaral net yn 'e molkenkelder komme. Hwant dan krigen se gjin bûter.
As bern it himd achterstofoar oan hienen, seinen de minsken: der hat in tsjoenster by him west. Dat mienden se echt.
Men die algemien duveldrek ûnder 'e drompel om 'e tsjoenster to kearen.
Tsjoensters matte om 'e sawn jier ien deatsjoene.
Oars geane se sels dea.
