Yn 'e Burgumerheide by Oostenbrug roan altyd in grouwe swarte houn by nacht. Dat wie in pleachbeest. Heit en ik binne dêr us lâns kom op in joune let. Doe wie 't al tsjuster. Wy hienen in pear drankjes ophelle achter Hurdegaryp wei. Doe't wy sahwat oan Oostenbrug ta wienen, sei heit: "Nou mastû achter my rinne, hwant wy matte net yn de fuotleasten fan dy...

It is hjir ek al ris bard, dat de bern op in nacht op bêd leine to gûlen. En it wier allegearre katten om hûs. Heit nei bûten. Hy rôp: "As dat gedonder net ophâldt, stek ik jim allegearre dea." Doe wier it ut.