Organizations
Keywords
There are no Keywords that match this search
Danish Keywords
There are no Danish Keywords that match this search
Dutch Keywords
Show More Dutch Keywords
German Keywords
There are no German Keywords that match this search
Icelandic Keywords
There are no Icelandic Keywords that match this search
Place Mentioned
There are no Place Mentioned that match this search
Place of Narration
Narrator Gender
There are no Narrator Gender that match this search
Alle Tet wie in tige bikende tsjoenster. Hja wenne hjir yn 'e Harkema op 'e Bulten. Op in kear brocht Tet in soadtsje apels by minsken. Dat wienen apels dy't duorje koenen. Dy minsken leinen de apels yn 't kammenet en seagen der in dei of hwat net nei om. Doe't se it kammenetslaed op in kear iepen makken, lei der net in apel mear yn, mar it laed siet fol...
Alde Hâns Ale wenne ek yn 'e Harkema. Dat wie in biruchte tsjoenster. Dy bakte altyd pankoeken en dêr fangde se de bern mei. As dy bern sa'n pankoek opieten, dan bigongen se to spuijen. Dan spuiden se allegearre slangehûden út.
Myn man syn suster wie altyd syklik. It bern tsjirme. Hja hie altyd skeel. Doe sei heit: "De boze geest pleaget har. Dy sit ûnder 't bêd." Doe helle er in gripe en reage dêrmei ûnder 't bêd om. Doe kom dêr in kat weifleanen. Dat wie de boaze geast, sei heit. Hy prebearre dy kat to reitsjen mei de gripe, mar dy kat fleach fuort. Heit achter de kat oan, mar...
Harkema
Froeger dienen se hjir duveldrek ûnder 'e drompel om 'e tsjoensters to kearen.
Der wenne ek in tsjoenster yn 'e Harkema dy gong der yn 'e nacht altyd op út. Dan bleau de man op bêd lizzen. As er dan om him hinne taestte, dan lei der in koepânse op bêd. As hy der mei in nuddel yn stutsen hie, hie hja dea west.
Hjir yn 'e Harkema wennen tsjoensters dy hâldden der popkes op nei. Dêr stutsen se mei spjelden en nuddels yn. Dan wienen der minsken, dy krigen pine. Sy ha wol ris sjoen dat sokke tsjoensters dat dienen.
Alle Tet wie in tsjoenster. Dy koe har yn in pod foroarje, seinen se. Wie der in bern bitsjoend, dan gongen se mei in fleske mei pisse fan 't bern nei Wopke fan Kûkherne ta. Dan joech Wopke in drankje mei. En dan sei er: "Tink der om, hear, op heilwei komt der in swarte kat by dy, dy springt dan by dy op en dy wol 't fleske stikken meitsje." Dat is hjir...
Harkema
Doe't ús heit stoar wie 'k in jonge fan acht jier. Ik kom út skoalle wei, doe moest ik hwat nei âlde Jouk tabringe. Ik moest de reed del. Alde Jouk wie noch by Anders Janne, dat seach ik ûnderweis, mar ik tochte: ik rin troch nei Jouk har hûs, dan liz ik it pakje dêr del. Dat ik roan fierder. Doe't ik by har hûs kom, mar in hiel lyts eintsje fierder, stie...
In nachtmerje, sizze se, is ien fan sawn dochters. Sy komt ta 't slotsgat yn 'e hûs.
Docht men in krús foar de drompel, dan kin se der net yn komme. Dan hat se gjin macht. Guon dienen ek wol duveldrek ûnder 'e drompel. Dat dienen se ek om tsjoensters to kearen.
Harkema
Yn Droegeham wenne in man, dy sei: "Myn wiif is in tsjoenster. Yn 'e nacht giet hja der op út. Dan haw ik in pânse njonken my op bêd lizzen."
Doe't wy yn Stiensgea wennen hienen wy ris op in kear to jounpraten west. Doe't wy weromkamen, wie der my hyltyd in kat foar de fuotten. Mar it fremde wie, dat ik him net seach, mar myn wiif wol. "Pas op, dû stiest der hast op", sei se. Ik sei: "Hwer is dat ding, dan traepje 'k him yn 'e sleat." Mar ik koe him net sjen. Hy hat mei ús oan hûs ta west. Myn...
Harkema
Soms hâlde de katten in forgadering.
Harkema
De minsken dienen froeger duveldrek ûnder 'e drompel, sa bang wienen se foar tsjoensters. En de bern droegen duveldrek op 't boarst.
In tsjoenster kin har foroarje yn in kat. Ik ha wit hoe faek heard, dat se in kat in opmiter joegen en dat dan de tsjoenster de oare moarns mei in seare holle of sa op bêd lei.
De tsjoensters tsjoene krânsen yn 'e kessens.
As katten hâlde se in forgadering. Us Gerke hat wolris heard, dat de kat sei: 'donderdagavond'.
Harkema
Krige men in apel fan in tsjoenster en men burch dy op, dan foroare dy letter yn in pod.
Trape men op in pod, dan bigoun it to tongerjen.
Wy hienen froeger by ús thús altyd duveldrek ûnder 'e drompel en ûnder 'e bargebakken. Dat wie fanwege de tsjoenderij.
Krijt men in apel fan in tsjoenster, dan mat men oppasse dat men him skylt. Dan kin der jin neat fan oerkomme.
Tsjoensters komme troch 't slotsgat.
Harkema
Se hienen hjir froeger allegear duveldrek ûnder 'e drompels fanwege de tsjoensters. En de bern hienen 't yn pûdtsjes op 't boarst.
Wie der ien bitsjoend, dan founen [se] faek in krâns yn 't holkessen. Dy krâns moesten se forbrânne. As se dat dien hienen, dan kom de tsjoenster net wer.
Sy gongen meastal foar it bern nei de duvelbander ta. Dat wie yndertiid Wopke fan Kûkherne. Dy joech in drankje mei en joech oanwizings foar it bitsjoende bern.
Harkema
