Organizations
Keywords
There are no Keywords that match this search
Danish Keywords
There are no Danish Keywords that match this search
Dutch Keywords
Show Only Popular Dutch Keywords
German Keywords
There are no German Keywords that match this search
Place Mentioned
There are no Place Mentioned that match this search
Place of Narration
Show More Place of Narration
Narrator Gender
Doe't de tram der noch net wie, seagen de minsken al gleone ljochten. Dat wienen de ljochten fan 'e tram.
nl.verhalenbank.24511
As wy froeger yn 'e Westerein op 'e hoeke stienen seagen wy jouns wolris wylde lantearnen, skean oer de greiden. Dat wienen foartekens fan 'e auto's.
nl.verhalenbank.36277
Edze-om wie mem har jongste broer, dy is yn Limburch forstoarn. Dy hearde fan tofoaren al de lûden fan 'e auto's en de fleanmesines. Ek seach er ljochtsjes fan 'e tram. Dat is allegear neikom.
nl.verhalenbank.32821
Noch foardat de tram fan Grins nei Drachten der wie, ha gâns minsken by joun de ljochten al sjoen en guon hearden him ek wol oankommen yn de Pein.
nl.verhalenbank.32015
Op 'e Sumarreheide hearden se, foar dat de tram dêr kaem, de lûden al dy't er makke. En sy seagen jouns hwat foarbytuffen dat der útseach as in bargehok, fjouwerkant mei twa gleone ljochten der foar. Dat wie de lettere tram.
nl.verhalenbank.31641
Ien seach yn 't foarige yn Sumar in pear ljochten skean de heide oer kommen en hy hearde dêr in gerommel by. Dat wie de tram, dy't letter kaem is.
nl.verhalenbank.24614
In âld minske hjir sei us: 't Is allegear wylde lantearnen op 'e wegen. It wurde skielk allegear ljochten. Dat wie krekt foar de tiid dat de fytsen útkamen. It wienen de fytslantearnen, dy't hja sjoen hie fan tofoaren.
nl.verhalenbank.36358
Alde Melle Wolters wenne op 'e Sumarreheide. Hy hie wol gauris jounpraters. Op in kear hienen der twa froulju west. Dy rekken der yn 'e skimerjoun wer wei.
"Hwat komt dêr oan?" sei de iene tsjin 'e oare.
Der kom in great lang hok op it lân oan oan 'e westkant mei twa greate ljochten op.
Der woarde net wer oer praet.
Mar jierren letter kaem dêr de tram...
nl.verhalenbank.32458
Dêr't nou de rondwei oer de Noarderdwarsfeart hinnegiet seach ús heit froeger oan beide kanten gleone ljochten. Dan sei er: "Dêr komt nochris hwat." Hwant dy gleone ljochten, dat wienen de lettere auto's by joun en by nacht.
De man hat gelyk krigen. De rondwei is der kaem en it rydt dêr altyd troch.
nl.verhalenbank.37118
Doe't de tram foar 't earst oer de Sumarreheide ried, tochten se dat it in bargehok wie mei twa gleone ljochten der oan.
nl.verhalenbank.31583
Op de Taange was vrouger oal Kupers, dai haile riegen lichten achter mekoar aan dansen zag. Loater, toun de Tangerweg verhaard was en de auto’s d’r langs stoven, zee ‘e: “Kiek, dat is ’t west.”
In de Beetse het hai de woatermeuln ook van te veurn heurd.
Hai har al laank wat rappeln en soezen woarnomen, man wus nich, wat ’t was, totdat de meuln d’r kwam.
nl.verhalenbank.45542
Op 'e Gariperheide woarde eefkes foar 1900 wol faek sein: "Sjoch, dêr sweeft hwat hinne." Dat wienen de fytsen, dy't letter kommen (foartsjirmerije).
nl.verhalenbank.24630
Yn Harkema seagen se ljochtsjes, dy't der yn werkelikheit net wienen. Letter biriddenearden se dat it de foarboaden fan 'e fytsen west ha.
nl.verhalenbank.37099
Wy wennen hjir yn 'e Harkema yn in hûs oan 'e Warmoltsstrjitte. Myn man sei op in moarn: "'k Ha de hiele nacht timmerjen heard hjir op 'e tún. En der woarde mei balken omsmiten en mei stiennen. Hjir kin wol ris hwat komme."
In pear jier letter woarden der trije greate timmerhokken boud op 'e tún. Doe wienen wy 't hiele gefal al forgetten, mar 't kom myn...
nl.verhalenbank.22250
Myn swager wenne yn 'e Grinzer Pein. Op in nacht kaem er hwat let thús. Doe seach er dêr yn 'e Pein in lange wein mei ljochten. Hy wist net hwat it wie.
Letter kaem de tram dêr. "Dat is nou datselde hwat ik dy nachts sjoen ha", sei er. Dat wie likernoch 1 jier nei tiid.
nl.verhalenbank.31984
Doe't heit in great jonge wie, seach er gleone ljochten oer de heide. En 't wie ek krekt as rattele der hwat oer de heide. Dat wienen foarboaden fan 'e tram dy't dêr letter kaem is.
nl.verhalenbank.32492
Foardat de tram fan Drachten nei Feanwâlden der wie, seinen de lju fan Sumarreheide dat se de ljochten al sjoen hienen.
nl.verhalenbank.22778
De Spekloane del yn 'e Boelensloane seagen forskeidene lju by jountiid ljochten. Letter die bliken dat se de ljochten sjoen hienen fan 'e huzen dy't dêr doe letter boud binne. Dat wie foartsjirmerije.
nl.verhalenbank.31117
Jierren lyn wennen wy op in buorkerij oan 'e Dwarsfeart.
't Wie op in joun dat wy bûten stienen. Och, och, sei 'k, hwat in ljochtsjes oer de wereld yn 'e lânnen. Allegearre wylde lantearnen. Myn man wie doe krekt wei, skoanheit ek. Ik haw faek oer dy ljochtsjes neitocht.
Kom ik nou jouns bûtendoar dan sjoch ik allegear ljochtsjes fan 'e rondwei. Dy komme...
nl.verhalenbank.36900
Us pake fortelde ek dat se froeger in ljocht seagen, dat foarby fleach. Dat seagen se wol faker en op allerhande plakken. Hja biwearden dat dit de lettere ljochten fan 'e fytsen wienen.
nl.verhalenbank.29613
