Spûkgûlet in houn dan giet er mei koartens ien dea.
nl.verhalenbank.36763
Guon hearden de trein fan Ljouwert nei Grins fier fan to foaren al, foardat der noch sprake wie fan in trein, al to Sânbulten riden. Dat wie foartjirmerij.
nl.verhalenbank.32663
Ik wie noch gjin 25 jier doe kom ik to wenjen op 'e Skieding tusken Oerterp en Grinzerpein. Doe wienen dêr minsken dy seagen dêr ljochtsjes, sa nou en dan.
"Hjir komt hwat," seinen se, "dat kin net útbliuwe." En it bleau ek net út.
De tram kom dêr lâns. 't Wie tjirmerij.
nl.verhalenbank.33535
Traepje net op in pod. Dan komt der tonger.
Meitsje gjin kikkerts dea. Dan wurdt it min waer.
Traepje gjin slakken dea. Dan komt der tonger.
nl.verhalenbank.36765
To Burum wenne in boer Jan Melles Kooistra. Dêr wenne in faem by de boer, dat wie Tet. Mei dy faem haw ik forkearing hawn.
Der sloech yn dat hûs nou en dan in klok, dy't der net wie. De faem hie 't my forteld, mar ik woe 't earst net leauwe.
Op in kear sieten wy yn 'e keuken. Doe sloech der in klok twa ûre.
"Hearst it nou wol?" sei Tet.
Ja, doe hearde ik...
nl.verhalenbank.29291
Dêr't in swel nestelt, dêr komt gelok.
nl.verhalenbank.21671
As men nachts in swarte kat moetet, dan is dat in min teken. Wêz dan op jou hoede!
nl.verhalenbank.21682
As kikkerts sjonge komt der oar waer.
nl.verhalenbank.21575
As der in spegel delkomt, dan komt der in sterfgefal. Dat giet altyd troch. It is faker as ien kear by ús gebeurd. As de spegel net stikken is, dan is 't fier fan jin ôf. As er stikken is, dan tichteby.
nl.verhalenbank.21603
Trape men op in pod, dan kaem der tonger, seinen se froeger.
nl.verhalenbank.29700
As der in ekster op 't hiem komt, dan komt der hwat nijs. In ekster is in nijs-bringer.
nl.verhalenbank.21661
As de kat him wasket, komt der bisite. De minsken matte goed achtslaen op 'e kat.
nl.verhalenbank.21662
Us mem en dy soenen us in kear nei 't Fean ta. Dêr roannen se hinne. Sy hienen in lytse jonge by har. Doe seagen se ûnderweis in lykstaesje oan 'e oare kant de wei. Dat doogde lang net. Sy binne fuort werom gong.
nl.verhalenbank.22316
By Mountsjetille oan 't Knjillisdjip seagen se froeger ljochtsjes by jountiid. Doe seinen se: "Dêr komt in wei lâns skielk." En dy wei is der èk kom.
nl.verhalenbank.32662
In minske moat by joun of by nacht noait midden op 'e wei rinne, hwant dan kin er in rare reis meitsje. Dan rinne jy by in lykwein op en ploffe der achter wer by del.
Men kin ek wol oan kant skoud wurde.
nl.verhalenbank.22317
Yn Limburch seinen se: (Hoensbroek): As der in ekster op in hekkepealtsje komt to sitten, dan komt der in deaden.
nl.verhalenbank.32666
Yn 'e Liuwepoel ha se us in stem heard. "Help, help!" rôp der ien. Mar der wie neat to sjen. 't Hat foartsjirmerije west. Dêr mat altyd noch ien yn fordrinke. Soks kin wol hûndert jier duorje.
nl.verhalenbank.22321
Yn 'e Harkema stie in hûske, dêr wenne froeger Jan Hamstra yn. Dy syn wiif dat moest yn 'e kream fan har earste bern.
Sy seach in lykstaesje. Der lei in wite doek achter oer de kiste hinne. Alle minsken dy't achter de kiste oan roannen, koe se wol. 't Wienen lju út har buorren. (buorreplicht!)
Hja is yn 'e kream stoarn. Sy hie har eigen lykstaesje sjoen....
nl.verhalenbank.22318
Yn Surhuzum wie froeger in soad foartsjirmerij.
Iksels ha 't ek us meimakke. Ik wie doe sa'n twintich jier. It wie sahwat sawn ûre op 'e joun doe hearde ik hiel dúdlik timmerjen, in lyts eintsje fan ús ôf. Ik gong der hinne om to sjen. Mar der wie neat.
Letter kom op dat plak in hûs to stean.
nl.verhalenbank.20684
As der in ramp komt fan it iene of oare flychtúch of sa, dan wyt ik dat ek altyd fan tofoaren. Dan hear ik dat oan 'e radio. Dan siz ik: "Der komt wer in ûngelok." It komt altyd nei.
nl.verhalenbank.21441
