Us mem kom fan Hurdegaryp. Mem fortelde, sy hienen dêr dúdlik it puffen fan 'e trein al heard, fier fantofoaren foardat hy der wie. Krekt deselde lûden.
nl.verhalenbank.27552
Alde Fije turfskipper wenne op Uleflecht ûnder Sumar. Dy seach faek wylde lantearnen. Dat wienen de lettere fytsljochten, sei er.
nl.verhalenbank.23613
Yn Jistrum is ris in hûs ôfbrând, dat hienen guon fan tofoaren al brânnen sjoen.
nl.verhalenbank.27555
Ik wyt ek noch dat er us sei: Hedzers Baeije Hedzer is nou noch soun, mar dat duorret net lang mear. Ik ha sjoen dat er to hôf brocht wurdt. It is neikom. It duorre mar in pear wiken doe woarde er siik en doe is er stoarn.
nl.verhalenbank.27550
Doe't ik noch faem wie moest ik faek oppasse by in minske dat swier siik wie. Der siet ek in kear in frou by. Dy frou sei tsjin my: "Hearst it wol, der tikket hyltyd in horloazje. Nou duorret it net lang mear."
En dochs wie der gjin horloazje. Men neamt dat in wyld horloazje.
Deselde nachts noch is it sike minske stoarn.
nl.verhalenbank.27553
Wy ha hjir yndertiid in nij bûthús krigen. Fan tofoaren doe ha wy en ús folk it wol timmerjen heard by nacht. Wy ha der wol binaud fan west.
nl.verhalenbank.23608
Us mem gong noch wol gau us to praten nei de Burgumer Nijstêd, dêr't har âlden kwekerije hienen.
Foardat se wer thús wie, hearden wy ús mem har fuotten al yn 'e gong slepen, en op it matsje ôffeijen.
Dan seinen wy: "Dêr is mem ek wer." Mar dan wie 't sa net. In skoft letter kom se earst werom.
nl.verhalenbank.23609
Myn pake en dy oan memme kant wienen Bosgra's. Hja hienen kwekerije en siedhandel. Dat sied waerd altyd waegen op skealjes en yn pûden oerdien.
Dan gongen de reizgers der mei op stap dy't it ûnderweis forkochten.
Lammert Kromkamp moest it sied altyd wage.
Mem en har suster wienen doe noch bern, mar dy hearden faek fantofoaren hwat der gebeure soe.
Mem...
nl.verhalenbank.23606
Us heit wie mei de helm geboaren. Hy moest nou en dan út bêd wei nachts, dan moest hy der út om hwat to sjen.
Wy hienen in famke dat siik wie. Hy sei tsjin my: "Jimme hâlde dat famke net, hwant ik haw de lykstaesje sjoen."
nl.verhalenbank.27549
Yn Burgum mat it gebeurd wêze, dat guon yn 'e winter mei iis in stim hearden: De tijd is verschenen, de man is der niet. Doe is dêr fuort dêrnei ien op redens yn in wak riden.
nl.verhalenbank.31285
Myn suster en ik binne ris op in nacht tige kjel woarn. De buorlju soenen oan 't forbouwen en hienen de ljedder by ús weihelle. Yn 'e nacht hearden wy, hoe't de ljedder by ús tsjin 'e muorre oan set waerd. Wy tochten: hwat in nuvere tiid, om dat yn 'e nacht to dwaen.
Mar der woarde net in ljedder delset. En doch hearden wy it dúdlik.
It gebeurde de oare...
nl.verhalenbank.38158
Us mem wie tige min, mar sy leefde noch. Doe hearden wy in lûd, krekt as woarde der mei hout tsjin 'e muorre oan skaefd.
Doe't mem in skoftsje letter dea wie, leinen se har yn 'e kiste en doe brochten se dy kiste nei 't sliepkeammerke ta. En doe skaefde dy kiste dêr tsjin 'e muorre oan. Dat wie krekt itselde lûd dat wy tofoaren al heard hienen. Doe wie...
nl.verhalenbank.38159
Alde Jan Abrahams van der Werf fan Sumar fortelde ús - doe wienen wy noch bern - :
De kant nei de krúswetters út ried in man op it iis. Hy wie allinne.
Doe hearde er samar ynienen in lûd: De tijd is er, de man is er niet.
Hy woarde kjel en seach om him hinne, hwer't dat lûd wei kom. Hy bleau stean, mar der wie nergens hwat to sjen.
Doe kom der ien...
nl.verhalenbank.23604
Wy hawwe in broer hawn, dy hiet fan Okke. Hy is fordronken wylst er to riden wie op 't iis.
Ik en myn suster slepten yn 'e keamer hjir foar yn 't bêdsté. Wy ha in pear nachten fan tofoaren alles dúdlik heard. Wy hearden guon by de doar kommen en ien dy't hiel bot kleide.
In nacht letter hearden wy dat guon de fuotten fagen by de foardoar en dat der hwat...
nl.verhalenbank.23611
Gâns minsken fan Sumarreheide ha fan to foaren de ljochtsjes fan 'e tram sjoen, foardat dy noch ried.
nl.verhalenbank.17123
Sudema's jonges har heit, âlde Knjillis Sudema hat sjoen dat it hûs fan Douwe Veenstra yn'e brân stie. Hy sei altyd: "Dat brânt nochris in kear op." Mar it is noch net gebeurd.
nl.verhalenbank.17122
As jy in kikkert deameitsje, dan komt der swier waer.
nl.verhalenbank.31020
Men mat noait op in pod traepje, oars komt der tonger.
nl.verhalenbank.31320
Us mem sei, as der in pod yn 'e hûs kaem, dan soe de húshâlding, dy't dêr wenne, forsmoargje. (dat hie hja heard yn 'e Harkema)
nl.verhalenbank.31019
It barnende lân is fan it Sumarre tramstasjon oant Sumarreheide. Jouns 10 ûre ried dêr in ding lâns mei twa gleone eagen. Dat wie de foarboade fan de lettere tram. In soad lju ha him fantofoaren sjoen. Hy ried by de beamwâl lâns.
nl.verhalenbank.31316
