To Sumar wenne Knjillis Wytses. Dy wist mear fan kwalen ôf as alle dokters meielkoar. Hy hat de koaninginne ek better makke. 't Wie Wilhelmina. Dy wie hielendal giel en dat wie har yn 'e wei. By de dokters foun se gjin baet. Knjilles Wytses makke har wer better.
"Wolle jo wite hwa't it is, dy't jo wer better makke ha?" sei se.
"Né," sei Knjillis Wytses,...
nl.verhalenbank.17325
Hjir net sa fier ôf matte reuzen wenne ha. Dy wennen yn 'e bosk. Yn 't doarp kom altomets in greate reus mei in lytsen-ien, dy't er by de hân beet hie. Sy stapten dan fan it iene hûs op it oare. Sy ha echt bistien.
nl.verhalenbank.18215
Sterke Hearke wie hjir ris oan 't ploeijen.
Doe kom der in man om utens wei, dy hie fan Hearke heard.
Hy woe wolris mei him prate. Hy gong nei 't hûs fan Sterke Hearke ta. De frou sei tsjin him: "Sjoch, dêr is er, hy is oan 't ploeijen."
Doe gong dy man nei Hearke ta. Hy bearde dat er net wist dat it Hearke wie en frege him oft er ek wiste hwer't Sterke...
nl.verhalenbank.36049
Sterke Hearke wie op 't lân oan 't ploegjen. Doe kommen der in pear mannen oan dy bleauwen by him stean to praten. Sy woenen wite, hwer't Sterke Hearke wenne.
Hearke stie even stil. Doe heakke er de hynders út, krige de sturt fan 'e ploech beet en tilde de hiele ploege op en doe sei er: "Hjir stiet er en dêr wennet er." En hy wiisde mei de ploege it hûs oan.
nl.verhalenbank.24375
Yn 'e Smoarhoeke yn 'e Harkema hat men de Liuwe-poel. Dêr ha wy flakby wenne yn in hiel lyts húske. Guon ha dêr no út dy poel hiel dúdlik "Help, help!" roppen heard. De minsken wolle ha dat dat foartsjirmerije wie. Mem warskôge ús as bern altyd: "Kom net to ticht by de poel, hwant dêr mat noch ien fordrinke."
nl.verhalenbank.17593
Us heit hat wol mei Sterke Hearke arbeide.
Op in kear doe wie Hearke oan 't ploeijen. Doe kom der in keardel oan. Dy frege him: "Hwer wennet Sterke Hearke? Dêr wol 'k mei prate."
Hearke hie 't hynder foar de ploege wei dien. Doe hied er de ploech optild mei ien hân en hy hie der mei wiisd.
"Dêr wennet er," hied er sein, "en hjir stiet er."
De keardel wie...
nl.verhalenbank.25512
Sterke Hearke wenne yn de Ham oan 'e Lytse Wei. Op in kear wie er oan 't ploeijen. Doe kom der ien by him. Dy frege of hy ek wiste hwer't de sterke man wenne.
"Hwa bidoele jo?" frege Hearke.
"Ik bidoel Sterke Hearke", sei er. "Ik woe dy man wolris sjen en wite hwer't er wenne."
Doe hie Hearke de ploech opnom by de sturt.
"Sjoch, dêr wennet er," hied er...
nl.verhalenbank.25098
Janne Durkje wenne oan 'e Spekloane. It wie in tsjoenster. 't Wie doe noch in sânpaed. Heit kom dêr freed-to-nachts altyd mei de hounekarre lâns, as er nei Ljouwert ta west hie.
As de hounen oan 'e dammen ta wienen dy't nei 't hûs ta gongen woenen se net mear lûke, dan hienen se 't binaud.
Dan moest heit de karre mei lûke. Wienen se 't hûs foarby, dan...
nl.verhalenbank.38697
Op in kear wie er oan 't ploeijen. Doe kamen der twa man fan 't Bildt by him. Dy fregen him: "Hwer wennet hjir eins Sterke Hearke?" Doe spande Hearke de hynders út en tilde de ploech op. Dêr wiisde er mei nei syn hûs en sei: "Dêr wennet Hearke en hjir stiet er."
nl.verhalenbank.32236
Hjir oan 'e Bethlehemsreed hearden guon ris yn 'e nacht dat it op in timmerjen gong. Letter kom der op dat plak in hûs to stean. 't Wie foartjirmerije.
nl.verhalenbank.28328
Yn syn eigen hûs gong it ek op in timmerjen yn 'e nacht, sûnder dat der hwat to sjen wie. Hy koe 't him net bigripe hwat dat wie. Letter woarde it hûs fortimmere.
nl.verhalenbank.17721
It gebeurde ek wol dat Durkje har man jouns bûtendoar foar hûs siet. Doe wied er al dea. Durkje seach him sitten. Dan wie se bang. Dêrom moesten der nachts guon by har wêze.
nl.verhalenbank.38699
Oan 't Skoalpaed seach ús heit faek in ljochtsje. Dêr is doe ek in hûs kom to stean.
nl.verhalenbank.15910
De flearbeammen achterfolgje de minsken. De flearbeam dy't hjir njonken 't hok stie, stiet der nou al hast ûnder. Dêr't minsken binne, dêr lûkt ek de flear hinne. Men mat him noait útroegje.
nl.verhalenbank.26102
In tige sterke keardel wie ek Piter Scheper. Dy wenne op Luchtenveld by Houtigehage.
Op in kear wied er mei hynder en wein op 'e dyk. 't Wie net sa'n bêste wein mear. Doe hearde er dat de fjilden bigounen to knappen. "Owé," tocht er, "aenst bijowt it spul him." Doe hied er mei beide hannen de bûkberje fan 'e wein optild, sadat de fjilden neat to dragen...
nl.verhalenbank.37769
As de spegel falt en dêr komme diggels, dan komt der in sterfgefal yn 'e hûs of der gebeurt oars hwat slims.
nl.verhalenbank.17725
Sterke Hearke wie in boer. Op in kear wie er oan 't ploegjen op it lân. Doe kom dêr in man oan. Dy frege him: "Witte jo ek hwer't Sterke Hearke wennet?" Hearke hie de ploech út 'e groun helle en dy tilde er op en hâldde him foar him út. "Hjir stiet er," sei er, "en dêr wennet er." En doe hied er mei de ploech nei syn hûs wiisd.
nl.verhalenbank.37768
Ek haw ik it saegjen en timmerjen heard, foardat der by ús in skjippehok boud is. Dat wie ek foartsjirmerije.
nl.verhalenbank.19593
Ik roan us mei in stik of hwat oaren op in joune de Loane del. Doe seagen wy it hûs fan Piter en Sijke yn 'e brân. Wy der hinne om to sjen. Doe't wy der kommen leinen de minsken op bêd to sliepen en der wie alhielendal gjin brân. Mar in wike of hwat letter brânde it op.
nl.verhalenbank.25255
Ik ha faek heard dat de minsken seinen: dat en dat hûs mat nochris ôfbrânne. Dy en dy ha 't brânnen sjoen.
Sa hearden se ek faek timmerjen op plakken dêr't neat wie, mar dêr't letter in hûs kom to stean. Dat wie hjir yn 'e Boelensloane algemien.
nl.verhalenbank.36183
