Ik haw heit wol fortellen heard dat it der hjir yn Eastemar op in nacht ergens tige oan wei gong wie. Op dat selde plak ha se letter in plaets boud. Guon hienen de lûden al fan tofoaren heard.
nl.verhalenbank.37606
In broer fan ús heit kom us op in jountiid let noch troch Sumar. Doe't er dêr de Lânsbuorren lâns roan, hearde er dêr op in plak timmerjen. Hy sjen en sjen, mar der wie neat to rêdden.
Letter woarde der op dat plak in plaets delset.
nl.verhalenbank.34635
Heit hat ek faek forteld dat der minsken wennen oan 'e Hearrewei dy hearden dêr op in plak hyltyd timmerjen en klopjen en mei balken smite ensa. Letter is op datselde plak de grifformearde tsjerke kom. 't Wie foartsjirmerije.
nl.verhalenbank.33850
Der wie hjir yn Nederlân ris in poep, dat wie in greate opskepper. Hy hie in Nederlander by him, dy't him it iene en oar út ús lân sjen liet.
Doe kommen se by in great gebou. De poep frege syn maet: "Hoe lang bouwe se dêr nou oer?"
"Sahwat in healjier, matte jo tinke", sei de Nederlanner.
"Och heden," sei de poep, "sà lang? Dat ha se by ús yn in maend...
nl.verhalenbank.33740
It wie yn 't bigjin fan ús trouwen, wy wennen noch yn Jistrum. Wy leinen de nachts op bêd, doe hearde myn frou ynienen dat it bûten drok op in timmerjen gong. Sy tocht: hoe kin dit nou sa, midden yn 'e nacht?
De oare moarns sei se tsjin Sibbele Tryntsje, de buorfrou: "Ha se by jimme fannacht sa timmere?"
It minske wie forbaesd en sei: "Né minske, hoe...
nl.verhalenbank.29305
Der wie ris in boerke yn 'e stêd. Doe seach er dat se dêr mei in hiel great gebou oan 't bouwen wienen. It boerke wie nijsgjirrich en doe't der krekt in man oan kom, frege er: "Hwat foar in gebou wurdt dat?"
Mar dy man sei neat werom en roan fierder. It wie de architekt.
Even letter kom dyselde architekt werom. Doe frege it boerke nochris: "Hwat foar in...
nl.verhalenbank.33738
It gebeurde faker as iens dat ik jouns let oer Eastemar nei Skûlenburch roan en dan in timmerjen hearde op it plak dêr't nou de dokter wennet, op it Heechsân.
Fuort neitiid woarde dêr it 'Hooghof' delset fan Rypke Atsma. Dat timmerjen hat foartsjirmerije west.
nl.verhalenbank.20219
Us pake wenne op it Wytfean. As er jouns dy kant nei de Harkema útseach, dan seach er dêr allegear ljochtsjes. It wie dêr doe noch heide, en minsken wennen der hast net. Mar letter is Harkema bot oanboud en doe kamen der ek in soad ljochten.
nl.verhalenbank.31211
De Aldehou to Ljouwert is op koehûden boud.
nl.verhalenbank.38311
Myn âlde lju ha faek forteld dat se timmerjen heard hienen yn 'e nacht; dan kom dêr letter op sa'n plak in hûs to stean, mar ik wit net mei hokker huzen as dat it gefal west hat.
nl.verhalenbank.36738
De Aldehou to Ljouwert is op kouwehûden boud, wurdt der altyd sein.
nl.verhalenbank.25063
HK: [We] hebben [...] het gehad over Hunsow. En Hunsow dat is eigenlijk een oude legende. Schrijf je als Hunsow. Eh, waarbij, eh, de gedachte geopperd is, al in 1660 door Picardt, dat is een bron die eigenlijk iedere keer hier terugkeert in Drenthe, eh, dat er ooit een supertechttonische, hoogwaardige, eh, stad heeft gelegen in Drenthe, ergens tussen...
nl.verhalenbank.46152
De Bolswarder tsjerke is boud op oksehûden. Dat binne de fundaminten fan 'e tsjerke, oare sitte der net ûnder.
nl.verhalenbank.33800
Ien kear ha 'k yn 'e nacht in lykstaesje sjoen. Ik wie doe noch in jonge. Ik ha der lange tiid raer fan west. Mar it is by myn witen noait neikom.
nl.verhalenbank.12275
By de Heale Wei rint in fôlle mei in brijpot om 'e hals.
nl.verhalenbank.21867
Ik wyt noch dat wy froeger arbeiders hienen, dy lieten noait de flaeikloppe op 'e tersk lizze. Hwant, seinen se, dan giet it fannacht op in terskjen. De kloppe hongen se foar de nacht altyd op. Mar it lêch lieten se wòl lizze.
nl.verhalenbank.12507
Alde Ealse Sijke fan Eastemar fortelde, der wienen wol berntsjes fan kant makke woarn, dy't de âlden net bigearden. Mar dan kommen dy berntsjes werom en spoeken algeduerigen. Hwant dy berntsjes koenen de rêst net krije omdat se gjin léguod meikrigen hienen.
Der moesten dan twa minsken freegje, hwat se bigearden. Dat wienen de oansprekkers. Ien...
nl.verhalenbank.21873
Doomny van Velzen fan Droegeham hie in protte fijânnen trochdat hy de wiere leare forkondige. Der ha guon west, dy woenen him deameitsje. Mar hy woarde troch Us leaven Hear biskerme. Dat gebeurde sa: Op in kear ried er yn in glêzen wein. Doe soed er nei in oar plak ta to preekjen. Underweis skuort ien de doar fan 'e wein iepen en hy wol doomny in stek mei...
nl.verhalenbank.33734
Hearke hie in bytsje buorkerije en hy hie ek in âld hynderke.
As er dan in wein fol dong laden hie en 't hynder koe de wein net út it skerngat weikrije, dan luts er de wein der sels út.
nl.verhalenbank.37618
Trape men op in pod of slak dan kom der tonger, seinen se.
nl.verhalenbank.37624
