Datasets - ISEBEL

Hjir wie in bern, dat wie slim siik. Doe gongen se nei Wopke ta, mar dy sei: "Jimme komme to let, jimme hienen in pear dagen earder komme matten. 't Bern is to folle bitsjoend." 't Wie ek sa, it bern stoar.

betoverd

nl.verhalenbank.23713

Berntsjes dy't stoarn binne en gjin bjirklean meikrigen ha, kinne de rêst net fine. Dy komme wer.

begraven

nl.verhalenbank.24322

Hjir waerd froeger in hiele bulte braekt troch de earme minsken. Liet men in hânfol flaechs ûnder 'e brake sitte, dan hearde men yn 'e nacht de brake gean.

arbeid

nl.verhalenbank.23699

Doe't wy in skoftsje troud west hienen, krigen wy in famke. Dat bern tsjirme fan bigjin ôf oan. Dokter kom geregeld, mar hy wist der neat op. 't Bern tsjirme mar troch. Us buorwyfke kom faek by ús, dy sei, 'k moest mei 't bern nei Oentsjerk ta, nei de duvelbander. Dat wie in boer. Mar dêr hie ik net folle mei op, dat wimpele ik altyd ôf. Mar op 't lêst...

aanraden

nl.verhalenbank.24323

Frijmitselers binne kûgelfrij. Sy ha noait gebrek oan sinten. Mar sy kinne net wer by har partij wei. Om 'e safolle jier mat der ien dea. En sy matte it kristendom ôfswarre.

christendom

nl.verhalenbank.23712

Hjir hat in greate rogmoune stien. Dy is letter ôfbarnd. Heit wie noch feint, 't wie op in nacht yn Moarmwâld. Doe't heit by de moune kaem, tocht er: "Hea, dêr stean trije man yn to terskjen. Dat binne trije duten. (Ik kon niet gewaarworden wat 'duten' zijn A.A.J.) Sy tursken alle trije moai op 'e slach. Heit sei: "Ik gong der hinne, en doe wie der niks....

drie

nl.verhalenbank.23706

Hjir wienen froeger in hiel soad tsjoensters. As in minske mar in doekje om 'e holle hie, dan wie 't al in tsjoenster.

doek

nl.verhalenbank.23702

Hjir wienen guon dy krigen in flesse drank foar in spylkaert, dy't se fuortstjûrden. Yn Damwâld, yn 't café, smiet ien in rest spylkaerten omheech. Ien dêrfan bleau tsjin 'e souder oansitten.

drank

nl.verhalenbank.23716

Ien fan sawn dochters, dêr't net in jonge tusken sit, is in tsjoenster. In tsjoenster kin har foroarje yn in kat. It is wol gauris gebeurd, dat se in fremde kat tramtearren. Dan hie de tsjoenster de oare deis in seare earm of skonk of sa.

afranselen

nl.verhalenbank.24327

Ik ha wolris heard dat de koarts as in wolkje ta de mûle fan 'e minsken yn giet.

koorts

nl.verhalenbank.24326

Dy't net ta stjerren komme kin hat soms klean oan dy't op snein makke woarn binne. Of hy hat in moart op syn geweten, dy't er noait bekend hat. Dan mat er dat earst sizze, earder kin er net stjerre.

bekennen

nl.verhalenbank.23717

Guon hjirre wienen mei de helm geboaren. Dy seagen dan bigraffenissen fantofoaren. Sy moèsten it sjen, sy gongen der yn 'e nacht ôf. Myn neef hie forkearing mei in dochter fan âlde Ritske Vellinga. Ritske wie soms de hiele nacht der op út, dat hat myn neef my sels wol forteld. Ritske wie mei de helm geboaren.

bed

nl.verhalenbank.23703

Tsjoensters komme troch 't kaeisgat yn 'e hûs. Om 'e sawn jier matte se ien deatsjoene, oars geane se sels dea. Se dienen hjir duveldrek ûnder 'e drompels.

binnenkomen

nl.verhalenbank.23715

Ik haw wol ris heard, dat hjir in beam omspokke. Dy gong dan samar oer de wei.

boom

nl.verhalenbank.23701

Sterke Hearke wenne dy kusten fan Twizel, Droegeham út. Der kom us ien de wei del, dy woe wite hwer't Sterke Hearke wenne. Hy kom tafallich by Sterke Hearke. Dy wie op 't lân oan 't ploeijen. Hy frege: "Hwer wennet Sterke Hearke?" "Nou," sei er, en doe krige er de ploege, en dêr wiisde er mei, "ik leau, dat er dêr wennet."

aanwijzen

nl.verhalenbank.24318

Ik ha wolris heard, dat as de skipper op sé in mearmin sjocht, dat dat in min teken is omdat syn skip dan forgiet.

meermin

nl.verhalenbank.24324

Der wurdt hjir tsjin 'e bern sein: "Tink der om, kom net by 't wetter, hwant de kikkerts lûke jimme der yn."

kikker

nl.verhalenbank.24325

De reuzen ha hjir de fearten groeven. De groun moest der út. Dat dienen se mei skeppen, dat wienen heale preammen.

graven

nl.verhalenbank.24319

Berkeley

Meertens Institute

Sagnagrunnur