Organizations
Keywords
There are no Keywords that match this search
Danish Keywords
There are no Danish Keywords that match this search
Dutch Keywords
Show More Dutch Keywords
German Keywords
There are no German Keywords that match this search
Place Mentioned
There are no Place Mentioned that match this search
Place of Narration
Show More Place of Narration
Narrator Gender
Ien fan sawn famkes is in nachtmerje.
Sy komme troch 't slotsgat. Se ride ek op hynders om. Dan krije dy dieren 't ôfgryslike binaud, dan skoppe se der oer. En har bealch wurdt dweiltrochwiet fan swit. Dy nachtmerjes meitsje flechtsjes yn 'e moanjes.
Nachtmerjes kin men net fange, se binne glêd.
Men kin 't bêst moal op bêd struije om se to kearen.
Ik...
nl.verhalenbank.19525
Ik wie noch yn 'e hûs en 'k lei op bêd. Doe hearde ik de nachtmerje oankommen. Hy kom troch 't kaeisgat. Ik hearde him dúdlik stappen. Doe sprong er op bêd en hy gong oer myn fuotten hinne. Op 't lêst doe hied er my al.
Hy hat faek by my west.
Sy sizze wol dat de nachtmerje ien fan sawn dochters is.
Der wurdt wol sein dat men de klompen forkeard foar de...
nl.verhalenbank.25752
Ien fan Roel Bakkers jonges, Peters, hat forkearing hawn mei Harmke fan Knjillis Hut. Mar doe ha se Peters forteld, dat Harmke wie ien fan sawn dochters (letter binne der noch trije by kom), doe hat Peters de forkearing útmakke. Hy woe 't net riskeare om mei in nachtmerje to trouwen.
nl.verhalenbank.20954
Fan sawn soannen yn in húshâlding, dy't achter elkoar oan geboaren wurde, sûnder in dochter der tusken, is ien in nachtmerje. In nachtmerje komt troch 't kaeisgat yn 'e hûs.
Der wurdt biweard dat men de skuon mei de hakken nei 't bêd keare mat, dan komme se net by jin.
Ik ha ek wolris heard dat ien fan sawn dochters in nachtmerje is.
nl.verhalenbank.26038
Durk Laurens wie stuolwynder. Hy kom fan Boelensloane. Hy hie galanteryën ensa to keap. Dy kom wol by ús yn 'e Tynje. Dy fortelde ús, fan 'e sawn opelkoar folgjende dochters wie ien in nachtmerje. Dy koe troch 't kaeisgat by de minsken yn 'e hûs komme.
Fan 'e sawn jonges wie ien in wjerwolf.
nl.verhalenbank.23800
As der sawn famkes binne yn ien húshâlding, òf sawn jonges, dan sit dêr in forkearden ûnder.
Wol men gjin lêst fan 'e nachtmerje ha, dan mat men de toffels oarsom sette, sadat de nachtmerje der net yn stappe kin.
nl.verhalenbank.28362
Fan sawn op elkoar folgjende dochters is de âldste of de jongste in nachtmerje. Sa'n nachtmerje giet faek nei ien fan 'e buorlju ta. Sy kin troch alle lytse gatsjes. Meastal giet se troch 't slotsgat. Men struit moal op 't gesicht om de nachtmerje to kearen. Duveldrek lizze se ûnder 'e drompel.
nl.verhalenbank.26200
Fan sawn op elkoar folgjende dochters wie de jongste in nachtmerje. Om der gjin lêst fan to hawwen, dienen se moal op 'e stoel foar 't bêd. Dan kom de nachtmerje net, hwant as se dan sitten gong bleau se oan 'e stoel fêst. De nachtmerjes kommen ek by de hynders. Dy dienen se flechtsjes yn 'e moanjes.
nl.verhalenbank.27686
Ien fan sawn dochters is in nachtmerje.
Ien fan sawn soannen is in wjerwolf.
In nachtmerje komt troch 't kaeisgat yn 'e hûs. De minsken gongen hinne en stoppen 't kaeisgat ticht. De kaei waerd yn in fodtsje rolle en yn 't tafelslaed dien.
De toffels kamen omkeard foar 't bêd to stean.
nl.verhalenbank.36574
In nachtmerje wie in frommeske. Ien fan sawn famkes dy't opelkoar folgje yn in húshâlding is in nachtmerje. Sy kinne oeral troch; troch 't kaaisgat, ûnder 'e doar troch en troch kieren. Sa komme se by de lju yn 'e hûs. Se komme ek by hynders.
Se leinen wol in wiete dweil foar de doar del om der gjin lêst fan to hawwen. Se struiden ek wol moal op 't...
nl.verhalenbank.25921
Geale bakker hie altyd lêst fan nachtmerjes. Op in kear tocht er: "Nou wòl 'k fannacht wekker bliuwe. Dan sil 'k sjen dat ik har fange kin."
Hy hie wekker op bêd lein. 't Duorre net lang, doe wie dêr in frommes oankaem. Dy hied er beetpakt. Hy koe har tige skoan - 't wie ien út 'e Westerein - mar hy woe net sizze hwa 't it wie.
Hja wie troch 't kaeisgat...
nl.verhalenbank.36544
Sy sizze wol fan 'e sawn froulju út ien húshâlding is ien in nachtmerje. Sy komme meastal troch 't kaeisgat by jin yn 'e hûs.
Myn wiif woe net langer yn dat hûs bliuwe. Sy sei: "Ik wol hjir wei." Hy kom wyks wol twa kear. Wy binne dêr doe wei gong to wenjen, allinnich om dy nachtmerje. Der wurdt wolris moal struid om de nachtmerje to kearen, ek wol kaf,...
nl.verhalenbank.26187
Nachtmerjes kommen troch 't kaeisgat yn 'e hûs. 't Wienen froulju en meast ien fan sawn susters. De minsken moesten in breakoarste mei op bêd nimme om der gjin hinder fan to hawwen. Sy leinen ek wol duveldrek ûnder 'e drompel.
nl.verhalenbank.18095
Ien fan 'e sawn dochters, sizze se, is in nachtmerje, ien fan 'e sawn soannen in wjerwolf.
In nachtmerje, sizze se wol, is in soart dier, dat de minsken nachts op bêd pleaget. Froeger dienen se duveldrek ûnder 'e drompel om der gjin lêst fan to hawwen.
In wjerwolf is ek in soart dier.
nl.verhalenbank.21411
Ik haw yn 't sikenhûs lein. Der lei in wyfke njonken my, dat wie in nachtmerje.
Ien fan sawn dochters is in nachtmerje, sizze se, en ien fan sawn jonges is in wearwolf.
De nachtmerje komt troch 't kaeisgat. Sy struiden wol moal op 'e stoel dy't foar 't bêd stie, om de nachtmerje to kearen. Sy setten de toffels mei de hakken tsjin 't bêdsket oan.
De...
nl.verhalenbank.26021
In nachtmerje is in frommeske. Ien fan sawn susters.
Binne der sawn jonges, dan is ien in wolfmerje.
By Epema yn 'e Westerein wienen acht jonges. Dêr wie in wolfmerje tusken.
In nachtmerje giet der nachts op út. Dan giet se by oare minsken troch 't kaeisgat en dan pleaget se sokke minsken. Dy krije 't dan hiel binaud.
nl.verhalenbank.25835
In nachtmerje krijt jin mei de beide hannen by 't boarst beet. Ik ha faek ien by my hawn. Men mat de klompen omkeard foar 't bêd sette, dan komme se net, wurdt der sein.
Fan 'e sawn famkes út ien húshâlding is ien in nachtmerje.
Fan 'e sawn jonges út ien húshâlding is ien in wjerwolf.
In wearwolf mat hwat forskuorre. In wearwolf kin troch 't kaeisgat...
nl.verhalenbank.33138
De jongste of âldste fan sawn op elkoar folgjende jonges is in nachtmerje.
Myn suster hie forkearing mei sa'n nachtmerje. Dat wie Willem Boomsma. Mar sy troude mei in oaren ien. Doe kom Willem Boomsma nachts faek as nachtmerje by har. Doe hat se fleartokken op 'e rânne fan 't bêd lein (oan 'e foarkant) en in brogge foar 't bêd op 'e groun. Doe hie se gjin...
nl.verhalenbank.25171
Nachtmerjes binne froulju. Under ien fan sawn susters sit faek in nachtmerje.
Douwe Feddema (^) fortelde:
Wy soenen ús suster us ophelje. Doe seagen wy ûnderweis in swart hynder yn 't lân. Dat beest waerd sa bot troch in nachtmerje biriden, dat it wie wyt fan skûm. Doe't de nachtmerje ús seach, liet se 't hynder yn 'e steek.
Wy seagen dat se sweefde nei...
nl.verhalenbank.18187
Ien fan sawn dochters is in nachtmerje. Sy komt troch 't kaeisgat yn 'e hûs. Men mat de toffels achterstofoar foar 't bêdsket sette, dan kin men se keare, wurdt der sein.
In nachtmerje is altyd in frommes, noait in man.
nl.verhalenbank.25762
