Organizations
Keywords
There are no Keywords that match this search
Danish Keywords
There are no Danish Keywords that match this search
Dutch Keywords
Show More Dutch Keywords
German Keywords
There are no German Keywords that match this search
Place Mentioned
There are no Place Mentioned that match this search
Place of Narration
Show More Place of Narration
Narrator Gender
Deselde mannen, Sikke Hoeksma en myn swager Douwe Wedzinga en dan noch in sekere Jan Klamer - dat wienen doe alle trije noch frijgesellen, soenen ris in kear nei Twizel nei de kroech ta. 't Wie mistich waer. Sy kommen fan Mûntsjetille en roannen op 'e âld dyk. 't Wie joun. Doe gongen se de Twizelerwei lâns, dat wie doe noch in modderpaed, dwars troch de...
nl.verhalenbank.28612
Tsjip van der Bij ^ fan 'e Harkema gong altyd to murdzjen.
Op in nacht wie er wer op stap. Hy hie twa maten by him. Alle trije hienen se in houn. Tsjip hie in lyts hountsje.
Murdehounen rinne altyd in ein fuort, as se in murd fine.
Dêr rinne se dan achteroan.
Doe hearde Tsjip ynienen dat syn hountsje hiel bot jankte. Tsjip gong by de mannen wei en sette...
nl.verhalenbank.28610
Hjir binne wolris guon smiten woarn as se út 'e kroech kommen en it tige raer en mâl opsein hienen.
nl.verhalenbank.25678
Der kaem ris ien út 'e kroech, dy hie 't raer opsein.
Hy wie op 'e Lange Loane hjir, doe waerd er ynienen beetpakt, sûnder dat er hwat seach. Dyselde tilde him op en smiet him yn 'e sleat. Dat wie it wurk fan 'e kweade.
nl.verhalenbank.29718
Der hat yn 'e Harkema in man wenne, dat wie Ruerd van der Veen. Dy wie tige rûch yn 'e mûle. Op in dei hied er oan 't dekken west op ien fan 'e plaetsen fan 't Bomkleaster. De jouns, doe't it dekken dien wie, gong er boven op 'e nael fan 'e skuorre sitten en doe rôp er: "Nou bin 'k net bang, foar de duvel net!" En dêr flokte er by.
Doe gong er nei hûs ta....
nl.verhalenbank.28599
Hanne Foekes wie in Eastemarder. Hy wie de tûkste ielfisker fan syn tiid. Hy fiske faek op 'e Leijen. Hy wenne allinne yn in aekje en geat altyd in ekstra kopke kofje yn foar Jan. Dat wie de duvel. Mar op in kear lei er by de Krúswetters yn 'e buert fan Earnewâld. Doe geat er ek wer in bakje foar Jan yn. Mar doe bigoun 't skipke sa bot to skodzjen, - dat...
nl.verhalenbank.24610
Der wie ien yn Noardermar dy hie op in snein in pear klompen kocht. Underweis nei hûs waerd hy troch ien pakt. Hy waerd omheechsmiten mei de nije klompen oan, like heech as de beammen dy't dêr stienen. 't Gebeurde oan 'e Lange Loane. It wie syn straf, omdat er op snein klompen kocht hie.
nl.verhalenbank.31235
Der wie in feint dy wie och sa ûnforskillich. Dy koe 't neat skele hwat er sei. Sûpe as in kreupel. Op in kear hied er yn beide herbergen fan Twizel west. Dêr hied er 't raer opsein. Hy wie foar de duvel net bang, sei er en dat wie sweare by dit en by dat.
Doe wied er dêr wei kom en doe hienen se him de oare moarns in pear stikken lân fan 'e wein ôf foun,...
nl.verhalenbank.33436
Op 'e Godloas Singel dêr hat de duvel ien de nekke omdraeid. Hy hie yn 'e herberch sitten en dêr hied er tige flokt. De oare deis lei er dea op bêd.
nl.verhalenbank.30856
Doe't Sjoerd Kooij fan Jistrum noch in feint wie, reizge er mei in kammeraet (èk fan Jistrum) nei Garyp nei de froulju ta. Sy hienen dêr elk in faem to wenjen, mar dy fan Sjoerd Kooij wenne hwat fierder.
Sjoerd Kooij wie froeger in los man. It koe him net folle skele hwat er sei en hwat er die.
Op in kear doe gongen se wer nei de faem. Sjoerd sei tsjin...
nl.verhalenbank.29309
Yn 'e Rottefalle is 't ris gebeurd dat in stik of hwat manlju yn 'e herberch it heilich avondmael fierden. Se dienen dat spottenderwize, mei wyn en bôlle derby. Dêr wie ek in broer by fan Foppe Gees; dat wie in sekere Van Dyk, in hiel ûngelovich en ûnforskillich man. Wylst se drok oan 'e gong wienen foel dêr samar ynienen ien fan dy mannen dea del. Dat...
nl.verhalenbank.31546
Hindrik Kobus en Gjert van der Iest fan Sumarreheide kommen ris togearre op in joun mei de hounekarre fan Earnewâld.
Hja hienen yn 'e kroech sitten en dêr hienen se 't raer opsein. Mar ûnderweis rêdde de duvel mei de beide mannen. Sy woarden mei hounekarre en al samar optild en yn 'e feart smiten.
nl.verhalenbank.33345
Der wie ris in manspersoan, dat wie in goddeloazen-ien, dy joech nergens om. 't Wie yn 'e tiid, doe wienen der noch gjin fytsen en auto's. Op in kear hie dy man nei Feankleaster ta west, nei de klearmakker, dy't him in nij pak oanmetten hie. Dy keardel leaude oan neat en hy hie tsjin 'e klearmakker sein: "As der in duvel is, dan kin er my aenst tomjitte...
nl.verhalenbank.32715
Sa likernoch 1890 hienen der guon fan Surhústerfean by ús âlden hjir yn Jistrum west to jounpraten.
Yn dy tiid gong alles noch to foet. De man wie nochal hwat rûch yn 'e mûle. Dy jouns hied er by ús sein, hy joech neat om 'e duvel. Soks is nuodlik praet.
Underweis gongen se oer de Hamsterpaden nei Readskuorre en sa by de feart lâns nei 't Fean ta.
Dêr op...
nl.verhalenbank.25094
Froeger wie 't folk op simmerjounen faek bûtendoar oan 't dobbeljen en oan 't spyljen, samar yn 'e berm of by 't iene of oare boskje. Dan gong 't der soms bot oan wei. Rare flokwurden dat se dan brûkten, dan joegen se om God noch syn gebot. Mar doe is 't in kear gebeurd yn Twizelerheide, dat alles samar, wylst hja der bysieten opbrânde: de dobbelstiennen,...
nl.verhalenbank.33812
Yn Surhuzum stie in kroech, dêr wenne om 1880 hinne in sekere Hulshof yn. Dy wie dêr kastlein. Dêr siet us in ploechje manlju, dy woenen dêr yn 'e kroech it Heilich avondmael fiere. Mar it wie spotten. Der wie ien, dy soe de avondmaelswyn útdiele. De beker hie er yn 'e hân. Mar doe woarde him de beker samar út 'e hannen slein sûnder dat se sjen koenen...
nl.verhalenbank.22738
Jan Huizinga wie slachter yn Burgum. It wie ien dy't gauris in romerfol kochte. Hy wie faek dronken en dan swearde en swetste er mar raek.
Doe wied er op in kear oan 't hûs fan kantonrjochter Schaafsma ta: Glinstra-State. Hy hie 't wer raer opsein. Dêr woarde er ynienen opnom en yn 'e gracht smiten.
Op 'e kop der yn. 't Wie op in joun.
Sûnt hat er noait...
nl.verhalenbank.28639
Oeds Holthuis fan 'e Harkema is ek ris smiten woarn.
Fan tofoaren wie 't in rûch man. Nei dy tiid wie er bikeard.
nl.verhalenbank.28615
To Moarmwâld wenne Japik Keikes, dy hie mar ien foet.
It folgjende hat er my sels forteld. Hy hie yn 'e kroech sitten. 't Wie op in dobbeljen en spyljen gong mei de noadige flokwurden der by. Japik hie om 't hurdste meidien. En in bier dat er opdronken hie!
Doe't er thúskom moest er foar syn mem in fjirdepart roggebrea fan 'e bakker helje. Doe't er op 'e...
nl.verhalenbank.33209
Yn Suwâld wenne in frommeske, dat wie in muoike fan Antsje Kak fan Garyp. Dat frommeske wie in raren-ien. Sy wie ek bot oan 'e drank.
Op in moarn ha se har dea foun mei de nekke omdraeid. Dat hie de boaze dien fanwege har rare streken.
nl.verhalenbank.20275
