Datasets - ISEBEL

Op 'e merken hienen se wol gauris in swarte spegel. Dêr krige men jin hiele libbensskiednis yn to sjen. As der in deakiste foar kaem, hie men der gau west.

dood

nl.verhalenbank.20799

Der kaem ris in âld man by ús heit, dy gong yn 'e hoeke sitten en skriemde. "Hwat nou," sei ús heit, "is der hwat Jurjen?" It wie oars sa'n flink âld man. "Ja", sei er "ik ha sjoen dat de moune mar mei ien roede draeide." Ien à twa jier letter sloech de tonger yn 'e moune hjir yn Haulerwyk. Doe hat er mar mei ien wjuk draeid.

bliksem

nl.verhalenbank.20822

Hjir wienen twa, dy't mei de helm geboaren wienen: Graanstra en âlde Merk. Sy seagen nou en dan lykstaesjes.

geboren

nl.verhalenbank.20714

Alde Merk wie mei de helm geboaren. Hy seach ek lykstaesjes. By 't Súdlaerdermeer moat hy ris sitten ha to fiskjen. Hy wie plysje. 't Wie tsjuster. Mar samar ynienen wie 't ljocht woarn. "En seagen wy dêr de wettermoune net yn 'e brân stean oan 'e kant fan 'e Súdlaerder Meer?" sei er. "'t Wie sa ljocht, dat wy koenen de dobber en alles goed sjen. Krekt as...

agent

nl.verhalenbank.20648

Der wennen trije tsjoensters yn Haulerwyk. Boppe Haulerwyk wenne Jan Betten. Dat wie de iene. Op in kear wienen wy oan 't stobberoaijen op Koudenburg by Anne Vondeling. Wy sieten to kofjedrinken. Jan v.d. Heide wie der ek by. It praet gong oer tsjoenen. Jan v.d. Heide fortelde: "Jan Betten hat in bern fan Koene Gerritsen bitsjoend. 't Bern groeide net en...

bed

nl.verhalenbank.20715

Ik haw in omke hawn, dat wie Ynse Graanstra. Dy hat fan tofoaren sjoen dat se hjir oarloch hienen. It bloed roan ta de feart yn, sa waerd der fochten. Mar dat is net gebeurd.

bloed

nl.verhalenbank.20711

Trije jonges kuijeren sahwat omtrint Beneden-Haulerwyk. Ien fan 'e trije is troud. Ien fan dy jonges sprong samar ynienen oerside. "Hwerom dochstû dat?" fregen de oaren. "Der komt in swarte wein oan mei twa hynders der foar", sei de jonge. De oaren seagen it net.

jongeman

nl.verhalenbank.20710

Soms sjocht men in rounte fan poddestuollen yn it lân. Se neame dat in 'heksekring'. Dat is eins in tsjernmoune. De tsjernmoune fan 'e hynders dy't al jierren dea binne. Dy moatte dêr dan noch altyd yn 'e rounte rinne.

dood

nl.verhalenbank.20709

It wie op Haulerwykster merk. Ik siet op in snein-to-joun yn 'e herberch. Doe seach ik Jan Sterk dêr. "Wij hebben ons kampien ook verkocht, hoor", sei er. "Oan hwa?" frege ik. "'t Is een Bergsma; Jannes heet-ie." "Wat wil die kerel daarmit?" frege ik. "Hij is bakker", sei er. Doe kaem âlde Merk der yn. "Wat he'k nou wat beleefd", sei er. "Ik kwam meester...

bakker

nl.verhalenbank.20644

Alde widdou Bergsma wenne op 'e Skieding. Hja hie dêr nachten lang timmerjen heard, mar yn werkelikheit wie der neat. Mar letter hat har swager Germ Bergsma dêr timmere. 't Kaem dus wol út.

familielid

nl.verhalenbank.20645

Jochum Dykstra wie net al to goed wiis. Syn mem sutele mei lapkes. Sy kaem ek wol us by ús. Op in kear sei se: "Jochum hat in brân sjoen by Jehannes der Mooy, of dêr flak by. Twa jier letter wie der brân yn in hûs by de brêge. It brânde hielendal ôf. Ik der hinne. Ik wie sahwat fyftsjin jier, tink. It wie it hûs fan Jehannes der Mooy, dat ôfbrânde.

nl.verhalenbank.20647

Wy wennen froeger achterút. Ik wie sahwat in twintich jier âld. Ik seach de kant nei de brêge út. "Mem," sei 'k, "dêr by de brêge stiet in hûs yn 'e brân." Mar mem seach neat. Ik hie my omdraeid, doe't mem der oankaem, mar doe't ik wer seach, wie der neat mear fan de brân to bispeuren. Presys twa jier letter rekke de plaets fan Jan de Boer troch de...

nl.verhalenbank.20646

Kobus Freeling wenne yn Haulerwyk. Op in kear kom er oansketten thús. Doetse en Frederik soenen him bang meitsje. Kobus hie syn wiif Bart by him. Hy moest oer in planke. It wie altyd in toer dêr oer to kommen, as men net to stevich op 'e skonken stie. En dat hie der dit kear wol oan. Hy die in koart gebedtsje en sei: "Och lieve Heer, laat mij der toch...

angst

nl.verhalenbank.20999

Berkeley

Meertens Institute

Sagnagrunnur