Organizations
Keywords
There are no Keywords that match this search
Danish Keywords
There are no Danish Keywords that match this search
Dutch Keywords
Show More Dutch Keywords
German Keywords
There are no German Keywords that match this search
Place Mentioned
There are no Place Mentioned that match this search
Place of Narration
Narrator Gender
Op 'e Sumarreheide ha de minsken wol gauris huzen fan tofoaren yn 'e brân sjoen, dy't letter opbrânden.
nl.verhalenbank.20399
Hjir op 'e heide wennen wol minsken dy't fan tofoaren al wisten dat der gau ien nei 't hôf ta brocht wurde soe.
Se seagen dan fan tofoaren de lykstaesje. Sokken wienen mei de helm geboaren.
nl.verhalenbank.31482
Der hienen minsken to ierappeldollen west, dy kamen op in joun thús fan har wurk. It hûs, dêr't nou Tamme Hedzers Hooijenga wennet (myn broer) stie der doe noch net - it hat sahwat yn 1870 west - doe rounen dy minsken troch in âlde drûge sleat, dwars oer, dat wie it koartste.
Doe sei der ien: "Sjoch, dêr stekt ien de tútlampe op."
Dat wie op 't selde sté,...
nl.verhalenbank.31642
Us mem fortelde, hja soe op in kear in prater ha.
Dat wie Hinke-muoi, dy wenne by it tolhek to Sumar.
Hja hienen ôfpraet, hja soenen elkoar tomjitte rinne. Us mem roan de Burgerreed del. Doe seach se Hinkemuoi oankommen. Doe't se by de hekke wienen sahwat op healwei sei mem tsjin Hinke-muoi: "Kom, dêr wiest al." Hja hie 't net sein of hiele Hinke-muoi wie...
nl.verhalenbank.31483
To Garyp seagen se op in plak jouns hyltiten ljochtsjes.
Twa jier letter kaem op dat plak in boerespultsje to stean.
nl.verhalenbank.31481
Op 'e Sumarreheide hearden se, foar dat de tram dêr kaem, de lûden al dy't er makke. En sy seagen jouns hwat foarbytuffen dat der útseach as in bargehok, fjouwerkant mei twa gleone ljochten der foar. Dat wie de lettere tram.
nl.verhalenbank.31641
Us heit wie noch net troud, hy hie al forkearing mei mem. Op in joun wie er nei har ta, doe ried sa mar ynienen de tram by harren lâns, hoewol dêr hielendal gjin tram wie. Twa jier letter kaem de tram der lâns; hja hienen dat dus fan tofoaren al sjoen.
nl.verhalenbank.31480
Der wie in boerefeint dy slepte yn 't búthûs achter de kij yn in bêdsté. Dy feint hie yn 'e nacht al in pear kear sjoen dat se ûnder yn 't bûthús ien biklaeiden, dy't stoarn wie. Hy koe net sjen hwa't it lyk wie en dat woe er doch graech wite.
Doe wie it wer in kear it gefal dat se mei 't lyk oan 't biklaeijen wienen. Doe gong dy boerefeint dêr mei de...
nl.verhalenbank.31633
De wei oer de heide wie froeger in reed; de Jelke van der Meer-wei hyt er nou. Guon minsken ha dy wei fan tofoaren dêr al sjoen.
Sa ek de trambaen, dy ha guon ek fan tofoaren sjoen.
nl.verhalenbank.32063
Gjert en Griet hienen in stik âlde feanen kocht ûnder Earnewâld en woenen graech in pleats op dat stik lân sette litte. Mar sy hienen der gjin sinten foar. Dat doe't Gjert nei de timmerlju to Garyp gong woenen dy net foar him timmerje. Njonken dat stik lân fan Gjert stie in pleatske.
Op in kear wie omke Jelle mei twa fan syn jonges yn dy buert oan 't...
nl.verhalenbank.32062
Mei Maeije soe in boer fan 'e plaets en in oaren der op.
Hiltsje Hamstra fan Aldegea sei: "Der komt in boer op to wenjen mei in wyt hynder. Ik ha 't foar de ploege sjoen."
En sa gebeurde it ek. Der kom letter in boer, in sekere Rinse Martens de Vries to wenjen mei in wyt hynder. (Hiltsje hie 't fan tofoaren al sjoen.)
nl.verhalenbank.32466
De plaets fan Tsjibbe Deelstra hat ek yn 't ljocht stien. Letter is er ôfbrând.
nl.verhalenbank.32472
Op 'e Tike wenne Anne Tiekstra, dy wie mei de helm geboaren. Hy moest bigraffenissen fan tofoaren sjen.
Tichteby wie in dobbe. "Hjir sil nochris in bern yn dizze dobbe fordrinke", sei er. Dat hie er sjoen.
nl.verhalenbank.31635
De minsken seinen froeger wol us: "Dêr is wer in wylde lantearne. Der sil wer hwat gebeure." Dan woarde der in nije sleat groeven of der kom in nij hûs of sahwathinne.
nl.verhalenbank.20260
Alde Melle Wolters wenne op 'e Sumarreheide. Hy hie wol gauris jounpraters. Op in kear hienen der twa froulju west. Dy rekken der yn 'e skimerjoun wer wei.
"Hwat komt dêr oan?" sei de iene tsjin 'e oare.
Der kom in great lang hok op it lân oan oan 'e westkant mei twa greate ljochten op.
Der woarde net wer oer praet.
Mar jierren letter kaem dêr de tram...
nl.verhalenbank.32458
Myn pake wenne oan 'e Ielke Boonstrawei, yn in spitkeet.
Op in kear sei er: "Hjir gebeurt hwat." Hy hearde hwat hiel fluch foarby ratteljen. "'t Giet hurd," sei er, "en 't hie twa gleone egen."
15 à 16 jier letter is de tram dêr kaem. Krekt yn 'e bocht hie pake 't sjoen. "'k Seach him dúdlik oankommen", sei er.
nl.verhalenbank.32061
Op 'e Tike is in fjûr sjoen woarn boven popelieren. Dy wienen doe noch lyts. Dêr stie in plaets ûnder.
"As de popelieren great wurde sil de plaets opbrânne seinen de lju dy't it fjûr sjoen hienen.
En 't is ek sa útkom. Sa is it ek gebeurd.
nl.verhalenbank.32471
Wytse (van der Meer) en Rinskje wennen yn Burgumerheide. Wytse wie in plezierich man dy't altyd wille hie. Mar dat hâldde samar ynienen op mei Wytse. Hy woarde stil en hy seach altyd mar earnstich. Syn wyfke Rinskje frege him: "Is der hwat?"
"Né," sei Wytse, "hwat soe der wêze?"
Mar hy bleau altyd mar stil en earnstich. Rinskje frege al us wer en us wer,...
nl.verhalenbank.20330
Us pake seach ris in bigraffenis foar him. Dy wie sahwat in meter boppe de groun. Dy sweefde.
nl.verhalenbank.32280
Alde Japik Douwe wie timmerman yn Burgumerheide. Hy wie mei de helm geboaren. Syn âld wyfke plichte wol faek by ús mem to kommen. Hja gong dan oan 'e ein fan 'e tafel op knibbels lizzen en dan fortelde se hwat Japik wer sjoen hie. Ik hearde as jonkje dy forhalen.
nl.verhalenbank.20256
