Organizations
Keywords
There are no Keywords that match this search
Danish Keywords
There are no Danish Keywords that match this search
Dutch Keywords
Show More Dutch Keywords
German Keywords
There are no German Keywords that match this search
Place Mentioned
There are no Place Mentioned that match this search
Place of Narration
Narrator Gender
Op it Heechsân yn Eastemar stie de pleats fan Tsjerk-om en Piter-om. In wike foardat dy pleats opbrând is seach ien fan 't Heechsân him yn 'e nacht yn 'e brân stean. Dat wie foartsjirmerij.
nl.verhalenbank.31309
De foarboaden fan 'e tram neamden se yn 'e Sumarreheide ek wol wylde lantearnen. Dy gongen by de wâl lâns.
nl.verhalenbank.31318
Men mat nachts noait midden op 'e wei rinne. Men rint dan de kâns dat men troch in lykstaesje oan kant reage wurdt.
nl.verhalenbank.31325
Yn it Bûtenfjild is it ris gebeurd dat guon minsken ien roppen hearden om help. Doe't se dêr by kamen, wie der neat to sjen. In dei of hwat letter forsoop dêr ien.
nl.verhalenbank.29653
It gebeurt my wolris, hwannear't ik by in tsjerkhôf lâns kom, dat ik in lyklucht yn 'e noas krij. Dan kin men der mar wis fan op oan, dat dêr mei gauwens ien op 't hôf komt.
nl.verhalenbank.31008
Douwe en Det wennen yn in hûs op Sumarreheide, dêr waerd fan sein dat it nochris opbrânne soe. Knjillis Sudema hie it brânnen sjoen, mar it stiet der altyd noch.
Hy mat fier foarútsjen kind ha -
nl.verhalenbank.31961
Heit en âlde pake Tamme wienen ris by de Prikwei oan 't meanen. De Earnewâldster polder wie der doe noch net.
Hja hienen de tinte, dêr't se yn slepten, deun tsjin 't kanael oan stean.
Doe sei pake yn 'e nacht: "Jelle, wy matte hjir wei."
"Och," sei heit, "hwat merakels binne dat nou wer. Jow jo dochs del."
Mar de âld man hâldde oan. "Wy matte hjir wei,"...
nl.verhalenbank.31578
Alde Tsjibbe Westra wenne op 'e Sumarreheide. Alle jounen hearde hy timmerjen, mar dêr wie neat to sjen.
It wie de Aldegeaster dyk út dêr't er it hearde. In skoft letter waerd dêr in rige huzen set fan 'e woaningbou. It wienen huzen fan 'e gemeente.
nl.verhalenbank.31579
Doe't wy op Gariperheide wennen, seagen wy wolris in wylde lantearne. As jonge wie ik dêr bang foar hwant it praet fan 'e greate minsken gong dêr gauris oer. It tsjutte op dingen dy't komme soenen, lyk as de tram en sa.
nl.verhalenbank.31960
It gebeurde op in winterdei, dat der gjin iis yn 't wetter lei. Ik wie doe noch jong. Doe hearde ik de minsken riden op it iis. Dúdlik hearde ik it streekjen fan 'e redens en de minskestemmen dêrby. En 't wie doe noch iepen wetter.
In dei of hwat letter lei der iis en doe gong 't op in riden.
nl.verhalenbank.29652
Yn Jistrum wenne in man, dy moest altyd bigraffenissen fan tofoaren sjen. Heit hat dat wol faek forteld, mar ik wit de namme fan dy man net mear. Wit hoe faek gebeurde it yn 'e nacht, dat hy der út moest om sa'n bigraffenis to sjen. Hy moest der soms hiele einen om rinne. Soms koed er krekt sizze hwa't it wie, dy't yn 'e kiste lei. Dat seach er dan oan 'e...
nl.verhalenbank.31180
Ik ha wolris heard dat der op guon plakken, samar yn 'e iepen loft wijde musyk heard waerd. Dan waerd der letter op sa'n plak in tsjerke boud.
nl.verhalenbank.29655
Op 'e wei fan Gariperheide nei Garyp hawwe se ris yn 'e nacht de lykstaesje sjoen fan in broer, dy't 14 dagen letter stoarn is. Syn beide foshynders rieden foar de wein.
Dy't dat seach wie mei de helm geboaren, seinen se, dy wy heldersynde.
nl.verhalenbank.31973
By de Wartenster dyk ried in glêzene wein lâns. Dy waerd samar ynienen mei hynder en al oan kant set.
Letter mei it bouwen fan 'e nije Foanejachtsbrêge is de wei dêr forlein. 't Forkear gong doe de nije wei lâns.
nl.verhalenbank.31580
Ien seach yn 't foarige yn Sumar in pear ljochten skean de heide oer kommen en hy hearde dêr in gerommel by. Dat wie de tram, dy't letter kaem is.
nl.verhalenbank.24614
Op 'e helling yn Feanwâldsterwâl hearden se froeger gauris jouns let allegearre leven. Dan gong 't op in timmerjen en skaven. Dan duorre it net lang of it wie dêr allegearre wer wurk.
nl.verhalenbank.29654
Yn Jistrum is it wol gebeurd dat minsken fan to foaren in hûs yn 'e brân seagen, dat in dei of hwat letter yn werklikheit ôfbrânde.
nl.verhalenbank.31179
Wat Tamme Wobbes efter de Eastermarre mûne seach
It spilet yn 'e twadde helte fan 'e foarige ieu, mar wannear kin ik net krekt sizze. Tamme Wobbes wie in âld skipper en hy mocht graach fiskje. Op in jûne yn it begjin fan augustus gong er efter de mûne
sitten te poeren. It hie in waarme dei west, de sinne wie al lang weisakke efter de Burgumer tsjerke, de...
nl.verhalenbank.12978
Ik haw it wol meimakke dat der by ús ien by de doar kaem. Ik hearde dan oan 'e stap wol hwa't it wie. Ik gong dan nei de doar ta en sei: "Bistû dêr?" Mar dan wie der net ien. In skoftsje letter kaem dan dyselde.
nl.verhalenbank.29656
Froeger gebeurde it wol gauris dat guon gedaenten sjoen hienen dy't sweven. Dat ha foarboaden west fan 'e lettere fytsers.
nl.verhalenbank.31582
