Datasets - ISEBEL

Hjir yn Sumar hat in tige sterke smid wenne. Meensma hiet er. Dy tilde samar fjouwerhûndert poun op. Yn 'e oarloch wie de brant tige krap. Der wie in boer, dy hie in grouwe beam. Meensma hie forlet fan branhout en hy frege dy boer om hout. "Jo meije dy beam ha," sei de boer, "as jo him nei hûs ta sjouwe." Dat nom Meensma oan, en hy hat it dien.

bedelen

nl.verhalenbank.25636

Greate Pier wie in hiele sterke keardel. Op in kear wied er us oan 't ploeijen. Hy hie 't hynder foar de ploege spand. 't Wie noch in âlderwetske ploege mei in houten balke. Doe kom der in fremde man op him ta en dy frege: "Wite jo hwer't greate Pier wennet?" Doe sloech Pier it hynder foar de ploege wei. En hy naem de ploege yn 'e rjochterhân en tilde him...

borst

nl.verhalenbank.21123

Sterke Hearke wie us oan 't ploegjen. Doe wienen der minsken dy kommen by him en dy seinen, dat se dêr en dêr wêze moesten. As hy ek oantsjutte koe hwer't dat wie. Doe nom Hearke de ploege en wiisde der mei nei in hûs en sei: "Asjyblyft, dêr wenje se."

huis

nl.verhalenbank.25635

Der wenne in frommeske yn Sumar, dat wie famylje fan Sterke Hearke. Hja luts samar twa kroadfollen jirpels troch de modder hinne. Net in keardel dy't it dwaen koe, hja die it allinne. Sy nom ek samar op elke earm in sekfol jirpels, dy't se nei de wâl ta sjoude. Hja skreau har Borger.

nl.verhalenbank.25634

Der wie ien dy woe mei Sterke Hearke wrakselje. Mar hy koe Hearke net. Doe't er yn Droegeham kom seach er in man, dy wie op 't lân oan 't ploegjen. "Wytst' ek hwer't Hearke wennet?" frege er. Doe sei dyselde: "Dêr wennet er." En hy tilde de ploege mei sturt en alles omheech en wiisde sa nei syn hûs. "O," hie dy man sein, "dan wit ik it wol." Hy wie...

kracht

nl.verhalenbank.32924

Har broer droech in greate swiere roeiskou op 'e skouders út 'e feart wei nei in oare feart ta. Hy mat ek ûnder tsjinst west ha. Hy woe graech by de soldaten wei en doe frege er de kaptein of er frij fan 'e tsjinst wêze mocht: dan soed er in great anker fan 1400 poun om 'e kaserne tille.

anker

nl.verhalenbank.32922

Yn 'e Rottefalle hat in hiel sterk frommes wenne. Dat wie Jantsje Boom. It wie in skippersdochter. Dy wie sa sterk, dat hja droech samar twa sekfollen ierappels - dat wie 140 poun -, ûnder elke earm ien, fan 'e Rotfalle nei de Folgeren. Dat wie mear as in healûre gean. Dan bleau se ûnderweis ek noch stean to praten sûnder dat se de sekken delsette.

aardappel

nl.verhalenbank.32921

Alde Melle potskipper fan Sumar farde op 't fearskip. Dy wie èk tige sterk. Op in kear hied er in fracht fan 'e smid yn de Pein. Wylst de smid yn 'e hûs siet to kofjedrinken krige Melle 't ambyld fan 't blok en sette 't bûtendoar del. Mei man en macht koenen se it net wer toplak krije. Doe moest Melle komme. Dy sette 't wer op 't blok del.

aambeeld

nl.verhalenbank.36224

Sibe Meeksma wie smid oan 'e Hearrewei to Sumar. Dy wie ek omrake sterk. Op in kear kom Albert de Boer mei in weinfol sân de Hearrewei del. Doe sakke ien fan 'e fjilden der ûnder wei. Albert de Boer nei Meeksma ta. "Kinne jo my ek helpe?" "Mar ris even prebeare", sei Meeksma (hy sei altyd: prebeare). Hy naem in blok mei nei de wein ta. Doe sei er tsjin...

kracht

nl.verhalenbank.36225

Berkeley

Meertens Institute

Sagnagrunnur