Organizations
Keywords
There are no Keywords that match this search
Danish Keywords
There are no Danish Keywords that match this search
Dutch Keywords
Show More Dutch Keywords
German Keywords
There are no German Keywords that match this search
Place Mentioned
There are no Place Mentioned that match this search
Place of Narration
Narrator Gender
De sterkste keardel dy't ik kend ha wie Klaes Hearres Zandberg. It wie in sydlingse neikommeling fan Sterke Hearke. Hy wenne op Skûlenburch. By de strietwei lâns stienen grouwe stambeammen. Der woarden guon fan kapt. Klaes en syn broer Sibe leinen dy dikke stambeammen togearre op in boerewein.
nl.verhalenbank.35926
By Bindert Japiks op it Bouwekleaster wie Hearke boerearbeider. Hearke en in oare arbeider stienen by de dongbult en de feint ried de wein mei dong fuort. Mar dy feint wie samar wer werom, dat it gong Hearke hwat to hurd. Hy sei tsjin syn maet: "Dû mast de dong mar splite yn greate stikken. Doe laedde Hearke dy greate stikken dong op 'e sydleiders, op 'e...
nl.verhalenbank.19947
Op 'e Kromelle dêr stie in herberchje. Dêr wie us op in joun in ploechje jongfolk fan 'e Harkema. Dy woenen dêr it heilich avondmaal fiere. It gong op in spotten fansels. Us heit wie der ek by. Dat wie doe in jonge fan sa'n achttsjin jier.
Sy dienen healwiis en hienen de klean omstrûpt oan.
Mar doe kom Hearke der yn, as stille plysje. Hy krige heit by 't...
nl.verhalenbank.20491
De dokters wienen tige hyt op sokke helmen. Sy setten sa'n helm op sterk wetter of sy forkochten him djûr.
nl.verhalenbank.31210
Sterke Hearke mat yn Droegeham wenne ha. Der kom ris in kear in man by him. Doe wie Hearke krekt op it lân oan 't ploegjen.
Dy man frege him: "Hwer wennet Sterke Hearke?"
Doe tilde Hearke de ploech op en krige him by de sturt beet. En doe sei er: "Dêr wennet er." Hy wiisde it sté mei de ploech oan. "En hjir stiet er", sei er.
nl.verhalenbank.36027
Sterke Hearke kom us op it Wytfean, doe moest er de moarns bitiid in bolle nei de Eastemarre boat bringe. It wie by de plaets, dêr't letter Piter Tammes Oosterhof wenne. Hearke hie de bolle oan twa splinternije touwen fêst. Mar de bolle rekke los.
De koopman sei: "Hoe ha jo dit sa hawn, Hearke?"
Hearke sei: "De bolle rekke in slach om 'e beam hinne en doe...
nl.verhalenbank.19946
Rixt wie syn dochter. Dy wie ek o sa sterk. Se tsjinne by de boer, njonken de smid. Dy smid hie in feint, dy stuts har de gek oan. "Ik krij dy wol wer", tocht Rixt. Doe't der net ien yn 'e smederij wie, krige se it ambyld en naem it fan 'e klosse ôf en sette it op strjitte.
Doe wienen se deaforlegen, hwant net ien koe dat ambyld wer op syn plak krije.
nl.verhalenbank.19950
It is ris gebeurd, dat it Jistrumer folk hwat oerstjûr rekke. Pake wie der ek by. Ien fan 't jongfolk sette 't bot yn 'e kant. Doe woarde Hearke helle.
Hearke sei: "Jonge, dû mast sa lulk net wurde."
Hy krige de jonge by de hân. Doe kom dy it bloed ta de fingerseinen út.
nl.verhalenbank.22087
Hearke kom us by âlde Arjen Kuipers to jounpraten. Arjen Kuipers hie in tsiis fan tritich poun, dy sette er op 'e tafel en doe sei er tsjin Hearke: "Snij der mar in stikje ôf om op to iten."
Doe nom Hearke de tsiis op 'e iene hân en 't mes yn 'e oare en sa snie hy der in stik ôf.
nl.verhalenbank.20492
Sterke Hearke wie oan 't wurk yn 'e buert fan 'e Skeltepaden ûnder Droegeham. Hy hie in kroade fol sân, dy moest er forkroadzje oer de bou, mar dat kroade o sa min. Hy hie de kroade better lûke kind as foarútskouwe. Mar hy die noch oars. Hy tilde de kroade fol sân op en sette him op 't skouder en sa sjoude er him nei de reed ta.
nl.verhalenbank.20487
Sterke Hearke krige de sekken sied by de tûfen beet, sa smiet er se op 'e wein.
nl.verhalenbank.22086
Der wienen, twa man, dy sprutsen togearre ôf, de earste de bêste dy't se tsjinkommen, soenen se neisjen. Tafallich wie dyselde Sterke Hearke. Sy pakten Hearke en soenen him oer de wei smite, mar dat koenen se net rêdde.
Hearke krige de beide maten topakken en hy sloech se mei de koppen tsjin elkoar oan en luts se doe wer útelkoar. Doe hienen se har...
nl.verhalenbank.19945
Sterke Hearke ploege op 'e Dunen yn 'e Harkema.
Der kom ien oer 't paed by him lâns.
"Hwer sille jo hinne?" frege Hearke.
"Ik sil nei sterke Hearke", sei er.
Hearke sei: "Doch even geduld." Doe helle er de hyns út, hy krige de ploege fan achteren beet en tilde him op mei ien hân. Mei dy ploege wiisde er nei syn hûs. Hy sei: "Sjoch, dêr wennet er."
En doe...
nl.verhalenbank.20596
De flaeijekloppe dêr sieten gatten yn. Dy sloegen wol us út, dan wienen se neat mear wurdich. Hearke die der in kerfke yn mei 't mes, oan elke kant ien, en dan bruts er se foar de knibbels.
nl.verhalenbank.21883
Sterke Hearke hie in poppe by 't wiif krige. Doe rekke hy al ier yn 'e moarn op redens fan Droegeham nei Ljouwert ta om in widze to keapjen. Werom ried er mei de widze boppe de holle. Dy widze fangde sa in protte wyn, dat Hearke fleach der oar. Fóár njoggenen dyselde moarns wied er al wer yn 'e Ham.
nl.verhalenbank.12520
Hearke wie sa sterk, dat hy hâldde twa swiere gewichten, dy't er fan 'e groun optilde samar mei de earms rjochtút tsjin 'e muorre oan.
nl.verhalenbank.12521
't Mat us in kear gebeurd west ha dat se in hynder spanden foar in wein dy't swier laden wie mei jirpels. Mar it hynder koe 't net lûke. Doe ha se Sterke Hearke fan de Ham der by roppen. Dy sette de rêch tsjin 'e wein oan en dêr gong 't hinne. De silen fan 't hynder hongen slop, sa sterk wied er.
nl.verhalenbank.21882
