Organizations
Keywords
There are no Keywords that match this search
Danish Keywords
There are no Danish Keywords that match this search
Dutch Keywords
Show More Dutch Keywords
German Keywords
There are no German Keywords that match this search
Place Mentioned
There are no Place Mentioned that match this search
Place of Narration
Show More Place of Narration
Narrator Gender
Dedde kom op in joun thús, doe hied er in weinfol tsiis ophelle. 't Wienen allegear dikke fjirtich-pouners.
Mar doe rekke de wein yn 't sân en kom tsjin in dampeal oan. Dedde fan 'e wein ôf. 't Hynderke koe neat mear dwaen.
Dedde set de wein samar even oan kant troch der achter tsjin oan to stean, mei de rêch en de beide hannen der ûnder.
Sa fortilde hy...
nl.verhalenbank.27386
Eibert Veenstra wenne ek yn 'e Westerein. Dy wie ek ôfgryslike sterk. Hy wie boer en fékoopman tagelyk. 't Wie yn 'e hjerst en om by him to kommen moest men in hiele smoarge modderreed lâns. 't Wie in hiel ein en 't wie ien en al brabze.
Hindrik van der Veen ried altyd mei bargen nei Ljouwerter merke ta.
Op in kear soed er bargen fan Eibert ophelje. 't...
nl.verhalenbank.27387
Dêr't âlde Jille Pultrum wenne, wenne earder syn heit Durk. Dy lei op in nacht op bêd, doe hearde er planken ratteljen.
In healjier letter troude Bareld Pultrum, in broer fan Durk. Doe moesten se hout leegje yn 'e nacht. Doe hearde Durk krekt itselde lûd wer, mar nou wie 't werklikheit. Doe kom Bareld Pultrum dêr to wenjen. Dêr bouden se in hûs foar.
nl.verhalenbank.23724
Sterke Hearke wie ûnder tsjinst yn den Helder.
Der leinen twa swiere ankers by de kaserne. It iene woech sawnhûndert poun, it oare fjirtsjinhûndert. Der wie in sterke keardel, dy tilde op in kear it anker fan sawnhûndert poun op. Mar Hearke wie noch mear mâns. Dy tilde dat fan fjirtsjinhûndert poun op. Doe't er dat die, barstten him de soallen ûnder 'e...
nl.verhalenbank.20830
It gebeurde ek wol us dat sterke Ynse foar de gek it ambyld út 'e smederij wei helle en stikum achter yn 'e tún delsette, as de smit der tafallich net wie. Yn Bakkefean gebeurde dat. Hy moest it sels ek wer toplak sette, hwant der wie net ien, dy't dat oars koe.
nl.verhalenbank.19685
Ik zel begunnen joe te verteln, dat ik joarn scheepsjoager west bin; bie tied en ontied bie t pad sjouwd heb en nog nooit wat teegn komen bin, woor ik mie baange veur moakt heb.
Ik wait wel, dat er in mien jonge tied n hoop mensn wazn, dei zok van alles en nog wat inbeeln en biegeleuvig wazzen.
Bieveurbeld: in hail mien levend heb k nooit n wit peerd veur...
nl.verhalenbank.44582
Hearke sels kroade mei sân achter op 'e tún. Dat kroade min, dan krige er soms de kroade mei sân op 'e earm en sjoude him nei hûs.
nl.verhalenbank.26139
Hjir yn Sumar hat in tige sterke smid wenne. Meensma hiet er. Dy tilde samar fjouwerhûndert poun op.
Yn 'e oarloch wie de brant tige krap. Der wie in boer, dy hie in grouwe beam. Meensma hie forlet fan branhout en hy frege dy boer om hout.
"Jo meije dy beam ha," sei de boer, "as jo him nei hûs ta sjouwe."
Dat nom Meensma oan, en hy hat it dien.
nl.verhalenbank.25636
Ek in kear kaem er ris by de smid. Yn 'e hûs wienen se oan 't kofjedrinken. Doe krige hy gau it ambyld fan sa'n fjouwerhûndert poun en sette dat achter yn 'e tún del.
Doe't de smid letter yn 'e smitterij kaem, wied er deaforlegen sûnder ambyld. Doe moast Ynse helle wurde om it wer to plak to krijen.
nl.verhalenbank.20821
Sterke Hearke wie lulk op 'e smid. Hy tilde 't aembyld fan it blok, sjoude it nei bûten ta en sette 't op 'e wei del.
"Sjesa," sei er tsjin 'e smid, "nou matte jo mar sjen dat jo it wer toplak krije."
nl.verhalenbank.26074
In man of fjouwer wienen ris dwaende mei in swier ambyld, dat stie op 'e wein en dat moest yn 'e smidderije droegen wurde en op 't houtblok set. It wie min wurk en 't ambyld wie eins net to tillen. De mannen wienen der hwat mei oan.
Doe kom Sterke Hearke dêr lâns. "Soestû ús net eefkes helpe kinne?" fregen se.
Dat wie Hearke goed. Hearke nom it swiere...
nl.verhalenbank.34470
Froeger hienen se greate kettingeiden (= eggen). Dy dingen wienen hiel swier. Der wienen twa man foar noadich om sa'n kettingeide op 'e wein to lizzen en dan hienen se der nòch tillen oan.
Dyselde luije boer hie sa'n kettingeide by Jan Welling, de smid fan Aldegea. Dêr hie hwat oan mankeard en de smid hie 't makke. De boer kom dêr om de kettingeide op to...
nl.verhalenbank.33337
Myn âldomke Atse dy wie ek tige sterk. Dy naem samar in kynsens koer fol jirappels (dêr koe sahwat 35 poun yn) tusken tûme en finger en sa droech er dy koer út it âld skuorke wei troch 't bûthús hinne yn 'e hûs.
nl.verhalenbank.33445
Hearke wie ek stille plysje. Op in kear moest er mei in protte jild op 'e rêch nei Ljouwert ta.
Underweis kaem der in man by him, dat wie in rover. Dy woe it jild ha en oars soed er Hearke deahouwe. Mar Hearke rêdde mei him. En doe boun er dy rover ek noch it jild op 'e rêch.
"Draech dû dit mar foar my nei Ljouwert ta", sei er.
nl.verhalenbank.20834
Sterke Ynse kaem ris mei in jong bist delsetten, dat hied er kocht op 'e Drachtster Merke. Doe moest er dêrmei oer de draei. Dat woe net rjocht. Doe naem er it bist oer de nekke en sa is er der mei oer de draei komd.
nl.verhalenbank.20820
Op 't Amelân wenne in keardel dy wie ôfgryslike sterk. Hy wie njoggen en tweintich jier en woech twahûndertfiifensechstich poun. Syn earmen wienen like grou as myn billen.
Der stienen tonnen fol hearrings ûnder yn 't skip. Elke tonne woech trijehûndert poun. Fiif man tilden dy altyd op. Hy tilde sa'n tonne allinne samar ûnder út it skip wei.
nl.verhalenbank.28111
Sterke Hearke wie ûnder tsjinst to Ljouwert. By de kaserne lei in anker, dat woech tûzen poun. Hearke krige it beet en tilde it op. Doe wienen de naden út 'e skuon barst.
Doe hied er sein tsjin 'e kaptein, as se him frij lieten, dan soed er 't anker om 'e kaserne hinne drage.
nl.verhalenbank.27585
Myn pake, greate Kobus (= K. v.d. Heide, mem har heit) wie tige sterk.
Sy skoaiden froeger in protte. Dat die pake ek. Op in kear hied er mei oaren to skoaijen west nei Aldegea. De giften bistienen faek út ierpels (= aardappelen) of twa sinten ofsa.
Al mei al hie pake dy kear in mudde ierpels opskoaid. Dy ierpels hied er yn in sek op 'e nekke lizzen. In...
nl.verhalenbank.33335
Sterke Ynse wenne yn Bakkefean. Ik ha wolris heard, as Ynse baeltsjes rogge losse moest fan 'e wein, op in skip, dan krige er se mei ien hân by de tûfe beet en sette se sa op 't skip.
nl.verhalenbank.27520
By deselde boer wie Hearke mei in arbeider oan 't siedsjouwen. Dat sied moest yn baeltsjes nei de siedsouder sjoud wurde; Hearke moest dan de hiele mjilling earst delrinne. Hearke krige syn nocht fan dat rinnen en sei: "Gean dû ris op 'e siedsouder stean, dan smyt ik dy de sekken sied ta." Dat ha se dien en Hearke hie doe it sied yn in omsjoch toplak.
nl.verhalenbank.20139
