Gâns minsken fan Sumarreheide ha fan to foaren de ljochtsjes fan 'e tram sjoen, foardat dy noch ried.
nl.verhalenbank.17123
Sudema's jonges har heit, âlde Knjillis Sudema hat sjoen dat it hûs fan Douwe Veenstra yn'e brân stie. Hy sei altyd: "Dat brânt nochris in kear op." Mar it is noch net gebeurd.
nl.verhalenbank.17122
As jy in kikkert deameitsje, dan komt der swier waer.
nl.verhalenbank.31020
Men mat noait op in pod traepje, oars komt der tonger.
nl.verhalenbank.31320
Us mem sei, as der in pod yn 'e hûs kaem, dan soe de húshâlding, dy't dêr wenne, forsmoargje. (dat hie hja heard yn 'e Harkema)
nl.verhalenbank.31019
It barnende lân is fan it Sumarre tramstasjon oant Sumarreheide. Jouns 10 ûre ried dêr in ding lâns mei twa gleone eagen. Dat wie de foarboade fan de lettere tram. In soad lju ha him fantofoaren sjoen. Hy ried by de beamwâl lâns.
nl.verhalenbank.31316
De foarboaden fan 'e tram neamden se yn 'e Sumarreheide ek wol wylde lantearnen. Dy gongen by de wâl lâns.
nl.verhalenbank.31318
Mem sei froeger: Traepje noait op in pod, hwant dan krije wy swier waer.
nl.verhalenbank.31237
Ik ha wolris heard dat der op guon plakken, samar yn 'e iepen loft wijde musyk heard waerd. Dan waerd der letter op sa'n plak in tsjerke boud.
nl.verhalenbank.29655
By de Wartenster dyk ried in glêzene wein lâns. Dy waerd samar ynienen mei hynder en al oan kant set.
Letter mei it bouwen fan 'e nije Foanejachtsbrêge is de wei dêr forlein. 't Forkear gong doe de nije wei lâns.
nl.verhalenbank.31580
Skoppenboer bringt immen yn great gefaer of hy bringt de dea.
nl.verhalenbank.31025
Doe't de tram der noch net wie kaem Hedzer-om op in joun om in ûre of tsien fan Wergea werom op 'e Sumarreheide. "Hark," sei er, "hwat is dat?" It wie in gerattel en gebolder fan jewelste. En dêr wie neat to sjen.
"Dat ha wy wol honderten kearen heard," sei heit, "altyd om tsien ûre hinne." Letter ried de 10-ûre tram dêr oer de heide.
nl.verhalenbank.31572
Tusken Earnewâld en Garyp wienen wy yn 'e âlde feanen oan 't wurk. Gjert van der Iest hie dêr in protte âlde feanen kocht. Hy woe dêr wol hinne to wenjen, mar elkenien sei, hy krige dêr noait in hûs, hwant hy hie gjin jild.
Mar op in joun seach heit it fjild oer dy kant út nei Earnewâld en doe sei heit: "Gjin hûs? Sjoch, dêr stiet in hûs: in stjelp." En...
nl.verhalenbank.31315
Op it Heechsân yn Eastemar stie de pleats fan Tsjerk-om en Piter-om. In wike foardat dy pleats opbrând is seach ien fan 't Heechsân him yn 'e nacht yn 'e brân stean. Dat wie foartsjirmerij.
nl.verhalenbank.31309
Men mat nachts noait midden op 'e wei rinne. Men rint dan de kâns dat men troch in lykstaesje oan kant reage wurdt.
nl.verhalenbank.31325
Yn it Bûtenfjild is it ris gebeurd dat guon minsken ien roppen hearden om help. Doe't se dêr by kamen, wie der neat to sjen. In dei of hwat letter forsoop dêr ien.
nl.verhalenbank.29653
It gebeurt my wolris, hwannear't ik by in tsjerkhôf lâns kom, dat ik in lyklucht yn 'e noas krij. Dan kin men der mar wis fan op oan, dat dêr mei gauwens ien op 't hôf komt.
nl.verhalenbank.31008
Douwe en Det wennen yn in hûs op Sumarreheide, dêr waerd fan sein dat it nochris opbrânne soe. Knjillis Sudema hie it brânnen sjoen, mar it stiet der altyd noch.
Hy mat fier foarútsjen kind ha -
nl.verhalenbank.31961
Heit en âlde pake Tamme wienen ris by de Prikwei oan 't meanen. De Earnewâldster polder wie der doe noch net.
Hja hienen de tinte, dêr't se yn slepten, deun tsjin 't kanael oan stean.
Doe sei pake yn 'e nacht: "Jelle, wy matte hjir wei."
"Och," sei heit, "hwat merakels binne dat nou wer. Jow jo dochs del."
Mar de âld man hâldde oan. "Wy matte hjir wei,"...
nl.verhalenbank.31578
Alde Tsjibbe Westra wenne op 'e Sumarreheide. Alle jounen hearde hy timmerjen, mar dêr wie neat to sjen.
It wie de Aldegeaster dyk út dêr't er it hearde. In skoft letter waerd dêr in rige huzen set fan 'e woaningbou. It wienen huzen fan 'e gemeente.
nl.verhalenbank.31579
