Organizations
Keywords
There are no Keywords that match this search
Danish Keywords
There are no Danish Keywords that match this search
Dutch Keywords
Show More Dutch Keywords
German Keywords
There are no German Keywords that match this search
Place Mentioned
There are no Place Mentioned that match this search
Place of Narration
Narrator Gender
Ik wie in jongfeint, doe kom ik us op in kear mei myn kammeraet Japik op in joun op 'e fyts thús. (yn 'e Boelensloane) "Sjoch," sei 'k, "dêr stiet in plaets yn 'e brân." 't Wie Veenstra's plaets, dy stie yn ljochte lôge.
Doe't wy der by kommen, wie der neat to dwaen.
Trije wiken letter seach ik it wer. Mar doe brânde de plaets op. 't Wie deselde lôge.
nl.verhalenbank.23491
Wy wennen froeger yn Drachtster Kompenije. Dêr wennen njonken ús lju, dy hienen earder yn 'e Fianen wenne (yn Houtigehage). Dy frou fortelde ús, sy wie us ûnderweis ergens hinne - doe wenne se noch yn 'e Fianen - doe gong se even by minsken oan ûnderweis, doe hie se achterom sjoen doe wie se allemachtige kjel woarn.
"O heden," hie se roppen, "ús keet...
nl.verhalenbank.24660
Yn 'e Harkema is in lytse sawntich jier lyn in arbeidershûs opbrând. Fjouwer bern binne doe yn 'e flammen omkom.
Jan van Zalen hat der noch in sang fan makke.
Trije dagen fan tofoaren hat Sibe Antsje (= Antsje Tabak) sjoen dat dat arbeidershûs yn 'e brân stie.
nl.verhalenbank.33156
Japik van der Kooi yn de Pein (Gr.) seach yn Topweer in hûs yn 'e brân. It wie it hûs fan Wiggele van der Meer. It brânde flink. Hy giet yn 'e hûs om dit to fortellen. 't Hûs stiet yn 'e brân.
Doe't er wer bûten kom, wie der neat. Mar it hat net lang mear duorre, doe is 't opbrând. 't Is wier gebeurd.
nl.verhalenbank.27493
Ik siet us in kear by alde Kei Anne (= Gerrit de Vries) yn 'e hûs to krantlêzen. 'k Wie noch in jonge. Dêr komt ynienen in hiel helle gloede, alles wurdt ljocht. Us beppe har hûs stiet yn'e brân. Sa'n trije wike letter is 't opbrând. Mar ìk hie 't al earder sjoen.
nl.verhalenbank.22928
Doe't myn skoandochter sa'n trettsjin à fjirtsjin jier âld wie, seach se yn 'e nacht yn har droom in brân. Hja seach alles hiel dúdlik. 't Wie hjir yn Drachten op Uleflecht.
De oare nachts is it hûs njonken harres ôfbrând. 't Gebeurde krekt sa as sy it sjoen hie.
nl.verhalenbank.22915
Us heit seach froeger yn Surhústerfean in hûs yn 'e brân. Mar it brânde net yn werklikheit. Folle letter brânde it op.
Hwannear't men it yn 'e foarnacht brânnen sjocht, dan duorret it mar even. Sjocht men it yn 'e neinacht brânnen, dan duorret it noch in hiel skoft foardat it echt opbrânt.
nl.verhalenbank.26051
Myn heit moest ris op in kear lammesturtsjes barre fan Wopke Gerrems de Vries, in boer. Heit dêr hinne op in joun, kofjedrinke, lang prate, doe der wer wei, de gemeentewei lâns. Doe in ein modderwei, en sa troch 't mienskar.
Doe stie er foar in wringe. Doe't er oan 'e wringe ta wie, tocht er: "Jonge, dêr is brân yn 'e ien en twintich mêd by de sleat. Hoe...
nl.verhalenbank.24866
Jan Planting, de kunstskilder fan Drachten, hie in broer. Dat wie Ruerd. Dy wie in bytsje eigenaerdich.
Op in kear stie er op 'e hoeke fan 'e Langewyk en doe seach er de kant út nei Oerterp.
"Hwat dochstû hjir, Ruerd?" frege ik, hwant hy stie dêr mar to sjen.
Earst sei er neat, doe wie it: "Dêr komt brân."
"Hwêrre?" frege ik.
"Dêrre", sei er, en hy wiisde...
nl.verhalenbank.37013
