Organizations
Keywords
There are no Keywords that match this search
Danish Keywords
There are no Danish Keywords that match this search
Dutch Keywords
Show More Dutch Keywords
German Keywords
There are no German Keywords that match this search
Place Mentioned
There are no Place Mentioned that match this search
Place of Narration
Show More Place of Narration
Narrator Gender
Op 'e merk yn Ljouwert hienen se soms in swarte spegel. Twa feinten út Burgumerheide gongen dêr ris hinne. Hja seagen beide yn 'e spegel. Doe seach de iene syn faem en de oare seach in deakiste. De iene is mei dy faem troud, de oare troude net, mar stoar.
nl.verhalenbank.36506
Swarte spegels hie men froeger op 'e merk. Dy't der yn seach krige it portret fan syn takomstige frou to sjen.
nl.verhalenbank.36114
Us mem hat ris by in wiersizter west, dy stie yn in tintsje op Ljouwerter merke. Beppe wie der ek by en noch mear fan ús folk. Doe sei dy wiersizter: "Jimme ha jild yn 'e groun."
Dat kloppe. Hja hienen in stik lân forkocht. Dêr hienen se allegear silverjild foar bard. Dat hienen se yn in âld koekjetromp dien.
Doe wie 't in kear tige swier waer west. Doe...
nl.verhalenbank.33862
De swarte spegel hienen se froeger altyd op 'e merken.
Dêr koe men jin takomstige frou yn sjen. Òf men seach in deakiste. Dat woe sizze dat men net trouwe soe.
Men moest achterstofoar wer ta de tinte út gean.
nl.verhalenbank.25581
Yn 'e Pein, dêr wenne froeger ien, dy wie mei de helm geboaren. Heit frege him us in kear: "Wite jo ek noch hwat fan 'e takomst?"
"Ja," sei er, "de herberch brânt op 'e joun fan Drachtster Merke ôf."
't Kom krekt sa út. 't Wie de maitiids doe't heit him frege hie en yn 'e hjerst, krekt mei Drachtster Merke, is de herberch opbrând. (by de brêge; op itselde...
nl.verhalenbank.24607
Op 'e merken seagen de lju wol us yn in swarte spegel. Dêr seagen se har takomstige frou yn.
nl.verhalenbank.24160
Doe't ik 38 wie, haw ik nei in kaertlizter ta west yn Lukaswoude. Dêr wie it doe merke. Hja sei, ik wie to goed en dêr waerd wol misbrûk fan makke. Ik holp faek oaren en dêr waerd ik net nei bileanne. Ik soe 75 jier âld wurde. Ik bin nou 74.
Doe wie myn maet oan 'e beurt, dat wie Berend Bakker fan Roan. Hja sei tsjin him: "Foar jo ha 'k net sa'n moai...
nl.verhalenbank.19369
Yn Oerterp wenne in boeredochter. Dy rekke der út to tsjinjen by in dûmnysmefrou yn Ljouwert.
Sy hie dêr in bêst plak. Op in kear wie 't Ljouter merke. Doe stie dêr in tinte, dêr wie in toverspegel yn. Dêr koenen se de takomst yn sjen. Doe't dy boeredochter dêr foar kom to stean, seach se ien, dy koe se wol. Dat wie Ruerd Planting. Doe't se him seach,...
nl.verhalenbank.12210
Der wenne in man yn 'e Harkema, dy stie foar de swarte spegel op 'e merk. Doe seach er yn dy spegel syn takomstige frou. It wie Griet, dy't er tige skoan koe. Dy hie in swart plak op 't wang.
"Dat is Griet," hied er sein, "dy wol 'k net ha."
Mar hy hat har àl krige.
nl.verhalenbank.21396
Trije jongemannen út 'e Finnen gongen nei de waarzegster ta.
Hja sei:
De iene sil bern ha.
De oare sil frij feint bliuwe.
De trêdde stiet op 'e swarte kaert.
De lêste, dat wie Meint. 't Is krekt sa útkaem. Meint is mei gauwens stoarn. 't Gebeurde to Ljouwert op 'e merk.
nl.verhalenbank.38598
In skoftsje letter bin 'k nei Hinke ta west mei 't fanke, dêr't ik doe hwat gedoente mei hie. It wie ûngeregelde forkearing, 't gong sa'n bytsje fan 'e hak op 'e tak. Hinke sei tsjin har: "Nou bistû hjir èk. Dû mienste datstû him krijste, mar né, hy krijt in fanke hjir fandinne súd en west."
Dat is ek gebeurd. 't Kom krekt út.
De jouns wie 't sa tûk. Wy...
nl.verhalenbank.23806
Op Feanster merke stie wol us in tinte mei in swarte spegel. Ik ha der ek wol us foar stien. Ik soe in frou ha mei in breed gouden earizer op, mar dêr is neat fan útkom.
nl.verhalenbank.20499
Op 'e merken wienen froeger altyd wiersizzerstinten. Dêr koenen jy yngean, dan kommen je foar de swarte spegel. Je krigen dan it wiif to sjen, dêr't jy mei trouden, of in deakiste. Dat lêste bitsjutte dat jy net trouwe soenen.
nl.verhalenbank.24171
Mei de swarte spegel kom it net altyd út. Yn 'e Ham wenne in al hwat âldachtige fint, dy wie kreupel, net flink. Hy gong mei Hamster merk yn 'e tinte en seach yn 'e swarte spegel. Doe seach er in kiste.
Mar hy is letter doch noch troud. It kom dus net út.
nl.verhalenbank.21380
In protte reizgen froeger nei de merken ta om dêr yn 'e swarte spegel to sjen. Dan krigen se de frou of de man to sjen, dêr't se mei trouwe soenen. Trouden se net, dan kom der in deakiste yn 'e spegel.
nl.verhalenbank.21425
Froeger gong 't jongfolk wol gau us foar de swarte spegel. Dy't gjin wiif krige seach in kiste, dy't trouwe soe seach syn takomstich wiif.
Doe't myn earste man us yn 'e swarte spegel seach, kom der in frommes foar 't ljocht mei lang swart hier. Doe't myn man my letter seach, sei er: Ik woarde kjel. Sa sprekend likestû op dat portret.
nl.verhalenbank.23149
Mem fortelde, hja en har kammeraetske wienen ris op Ljouwerter merke. Doe woenen se yn 'e swarte spegel sjen.
Earst seach har kammeraetske yn 'e swarte spegel. Dêr kaem mem har broer yn to stean. Mar dy hat se net krigen. Mem krige in persoan to sjen, dy koe se net. Mar it kloppe wòl. Letter is se mei dy persoan troud. Hy wie tige donker. It wie myn heit.
nl.verhalenbank.36551
Op 'e merk yn in tintsje koenen jo yn 'e swarte spegel sjen. Dan wisten jy mei hwa't jy trouwe soenen. Mar ik ha noait yn sa'n tintsje west.
nl.verhalenbank.37936
Wy gongen as fammen wol nei de wiersizter. Dat wie de widdou Plantinga. Wy moesten in dûbeltsje jaen om de takomst to fornimmen. Hja koe kopkekike. Hja seach yn 't kofjedik. Hja sei:
Dat acht je net,
Dat foracht je net
En dat ûntgiet je net.
Dêr is in swarte jonge,
dêr is in blonde jonge,
dêr komt in brief.
Froeger op Ljouwerter Merke wie in tinte, dêr...
nl.verhalenbank.33764
Op 'e merken wienen froeger tintsjes, dêr woarde jin de kaert lein en as dat dien wie koe men yn 'e swarte spegel sjen.
Jy krigen dan hwat moais to sjen - rykdom of in moaije faem - òf in kiste. Dat lêste bitsjutte, dat der dan in deaden yn 'e hûs kom.
nl.verhalenbank.25729
