Datasets - ISEBEL

Sa'n fyftich à sechstich jier lyn seagen guon út 'e Kompenije fan tofoaren de ljochten en sy hearden de lûden fan 't spoar, dat dêr lâns komme soe. Ek oan 'e Folgerster loane ha guon it wol heard en sjoen. ('t Wie de tram)

geluid

nl.verhalenbank.26931

Myn omke fortelde, hy roun ris fan Drachten nei Lippenhuzen. Hy wie sahwat healwei Beetstersweach en de Trijehoek, doe gong der him ynienen in wynpûst foarby en krekt as rattele der hwat by him lâns. Trije jier letter ried de tram dêr lâns, krekt op 't selde plak.

onderweg

nl.verhalenbank.37140

Wy wennen by de Skieding ûnder Drachtster Kompenije. Mem fortelde op in moarn. Nou haw ik justerjoun twa ljochtsjes oer de heide kommen sjoen, dy gongen fan Mearum nei Trimunt ta. Dat wie noch foardat de tram dêr lâns ried. Letter is dy dêr kaem. It wie foartsjirmerije.

heide

nl.verhalenbank.36950

Myn omke Harm wie skieppehoeder. Dy hat yn 't fjild by Grinzer Pein wylde lantearnen sjoen. 't Wienen allegear ljochtsjes. Mar in lyts skoftsje dêrnei, yn 1912 woarde der in nije tramlijn oanlein fan Grins nei Drachten. Dat wienen de ljochtsjes dy't hy sjoen hie.

lantaarn

nl.verhalenbank.27489

Alde Bearn van der Woude sei op in kear yn 't foarige: "Ik koe fannacht net sliepe. (Hy wenne doe op Driemunt). Der komt fêst hwat. 't Wienen allegear ljochten en in leven dat der wie - der komt fêst hwat." Nou is de greate Rykswei 43 der troch. Flak njonken it plak, dêr't hy mei syn woanwein stie. Der binne ek forskeidene dy't de tram fan tofoaren riden...

horen

nl.verhalenbank.28253

Ik hie in feint, dat wie Tseard Jongsma, dy hat njoggen jier lang by my tahâlden. Op in kear doe wied er achter hûs, doe rôp er: "Kom hjir us even." Dat is nou in fiif en fjirtich jier lyn. 't Wie yn Aldegea. Ik dêr hinne. "Sjochst wol?" sei er. Der ried in tram achter ús lâns, dy gong op Garyp yn. Wy seagen him krekt salang nei as wy koenen. Der wie doe...

aanleggen

nl.verhalenbank.24865

Berkeley

Meertens Institute

Sagnagrunnur