Organizations
Keywords
There are no Keywords that match this search
Danish Keywords
There are no Danish Keywords that match this search
Dutch Keywords
Show More Dutch Keywords
German Keywords
There are no German Keywords that match this search
Place Mentioned
There are no Place Mentioned that match this search
Place of Narration
Show More Place of Narration
Narrator Gender
Dêr't letter de tram ried, dêr seagen wy in twa en fyftich jier lyn al ljochten.
"Sjoch, dêr is dat ljocht wer", seinen wy dan.
't Wienen wylde lantearnen.
nl.verhalenbank.32416
Us heit seach froeger wylde lantearnen oer de heide, op in rige. Letter wie dêr de trambaen. De ljochtsjes, dat wienen de forljochte coupé's.
nl.verhalenbank.33251
Piter Prikke biwearde altyd, dat er, foardat de tram ried, hy de lantearnen wol oankommen sjoen hie. 't Hienen wylde lantearnen west.
nl.verhalenbank.25627
Alde Bearn v.d. Woude wenne yn 'e Parken. Hy fortelde, dat hy seach dêr in ljocht, dat biweegde fan Oast nei West. 't Wie op in joun. Syn frou wie syklik, dy lei op bêd, dy rôp hy der ek by, doe seach dy it ek. 't Wie in wylde lantearne. Letter kaem de tram dêr lâns, dêr wie 't de foarboade fan.
nl.verhalenbank.31939
Myn wiif har folk seagen froeger allegear wylde lantearnen op 'e Folgersterloane. 't Wie in rige ljochtsjes achterelkoar. "Sjochris," sei skoanmem, "sa'n weinen achterelkoar." Dat woarde letter de tram fan Drachten nei Grins.
nl.verhalenbank.17652
De foarboaden fan 'e tram neamden se yn 'e Sumarreheide ek wol wylde lantearnen. Dy gongen by de wâl lâns.
nl.verhalenbank.31318
In omke fan myn mans kant wie skeper op Driemunt. Dêr wie 't doe yndertiid allegear noch heide.
Op in kear sei er tsjin my: "Ik ha justerjoun in wylde lantearne sjoen. Hy kom fan Mearum en gong de kant út nei Drachten."
Hy hat it letter noch faker sjoen. "Der komt hwat to rinnen fan Mearum op Drachten yn", sei er.
Ik sei: "Merakels allegear."
Mar letter...
nl.verhalenbank.27483
Doe't wy op Gariperheide wennen, seagen wy wolris in wylde lantearne. As jonge wie ik dêr bang foar hwant it praet fan 'e greate minsken gong dêr gauris oer. It tsjutte op dingen dy't komme soenen, lyk as de tram en sa.
nl.verhalenbank.31960
Der wennen hjir minsken dy seagen de tram fan Feanwâlden nei Drachten fier fan tofoaren al, foardat er noch ried. Dan wienen der ljochten skean oer de heide. It wienen letter deselde ljochten.
nl.verhalenbank.22698
Hjir binne faek wylde lantearnen sjoen woarn op 'e heide. Dat wienen greate ljochten, dy kommen Nyegea út wei. Dat ha de foarboaden west fan 'e lettere tram, ha se wol sein.
nl.verhalenbank.33350
Dêr't letter de tramwei kaem seagen guon op 'e Gariperheide wylde lantearnen. "Hjir komt hwat", seinen se. Doe kaem de tram dêr.
nl.verhalenbank.32113
Hja seinen froeger, dêr fleagen twa wylde lantearnen troch de lannen hinne. Dat wie de lettere tram.
nl.verhalenbank.23581
Minsken seagen froeger wylde lantearnen. Dy kant nei de Sweach en de Gordyk út. Dat wienen de foarboaden west fan 'e tram, woarde der sein.
nl.verhalenbank.23810
Doe't de tram der noch net wie, hawwe minsken fan 'e Skieding (ûnder Grinzer Pein) wylde lantearnen sjoen. De iene by de oare seach it. It wienen de ljochtsjes fan 'e lettere tram.
nl.verhalenbank.24182
Myn omke Harm wie skieppehoeder. Dy hat yn 't fjild by Grinzer Pein wylde lantearnen sjoen. 't Wienen allegear ljochtsjes.
Mar in lyts skoftsje dêrnei, yn 1912 woarde der in nije tramlijn oanlein fan Grins nei Drachten. Dat wienen de ljochtsjes dy't hy sjoen hie.
nl.verhalenbank.27489
Op 'e Sumarreheide seagen se froeger wylde lantearnen.
Beppe hat se faek sjoen. Dat wienen de foarboaden fan 'e tram, dy't dêr letter lâns ried.
nl.verhalenbank.29474
Men seach faek wylde lantearnen oer Sumarreheide.
Letter kaem de tram; doe wisten se hwat it bitsjut hie.
nl.verhalenbank.31503
Guon seagen froeger altyd in ljochtsje oer de heide fleanen. Dat waerd letter de tram.
nl.verhalenbank.20397
Eren hellen wy de turf achter Trimunt wei. Dêr wennen minsken, dy seagen ljochtsjes oer de heide. Letter, yn 1913 kaem de trambaen dêr lâns. Doe seinen se: "Sjoch, dat binne de ljochtsjes, dy't wy al lang sjoen ha."
nl.verhalenbank.32792
