Organizations
Keywords
There are no Keywords that match this search
Danish Keywords
There are no Danish Keywords that match this search
Dutch Keywords
Show More Dutch Keywords
German Keywords
There are no German Keywords that match this search
Place Mentioned
There are no Place Mentioned that match this search
Place of Narration
Narrator Gender
Imke de Jong kaem stéfêst op Drachtstermerke.
Op in kear hied er kaerten yn 'e hân. Yn 'e foarm fan in koker hied er se yn 'e fûst.
Doe sei er: "Skoppenboer, kom der út!" De kaert stoude wit hoe fier fuort út syn hân wei.
Sa kommandearde hy de iene kaert nei de oare. Allegearre gehoarsamen en fleagen ien foar ien in ein fuort.
nl.verhalenbank.25591
Ik tsjinne yn Gaaikemaweer. 't Leit yn Grinslân, achter Niehove. Ik wenne doe by myn skoanâlden yn. Skoanheit en ik wienen arbeider by deselde boer en syn dochter wie dêr faem. It arbeidershúske dêr't wy yn wennen stie in twintich menuten geans fan 'e plaets ôf. Skoanheit krige wurden mei de boer (Tilma) en rekke lulk fuort. Doe makke ik my ek lulk, hwant...
nl.verhalenbank.19849
Thomas en Klare hienen nei Eastemarre merke ta west, mei de hounekarre mei guod. Werom reizgen se oer de Mûzegroppewei en de Langewyk.
Underweis hipte der in kat by har op 'e karre. Thomas soe dy kat der ôf wippe, mar doe koe syn pols net fierder, 't wie krekt as woarde de hân him stiif.
"Gean wei, Satan", sei er.
Doe woarde er yn 'e wâl smiten.
nl.verhalenbank.23482
Twa betsjoende kij
Alde Broersma dy wenne te Kollum, mar letter yn Eastermar. Dêr te Kollum hie er in keppel beestjes, mar twa wienen betsjoend, sei er. Alle nachten gongen dy út it lân. Oan 'e printen op 'e âld reed koenen se wol sjen, dat se dêr omtrape hienen, mar de oare moarns rûnen se wer yn 't lân.
Doe tocht er, dit wol ik ûndersykje, en hy bleau...
nl.verhalenbank.12462
Heit hat mei Ymke de Jong ûnder tsjinst west to Ljouwert. Hy woe net ûnder tsjinst. Hy sette it altyd tsjin 'e oerheit yn 'e kant. "Hier temt men leeuwen en beren, maar mensen niet", sei er, doe't se him opsluten yn 'e sel. Hy wie der samar wer út. Der wie net in doar tsjin him bistand.
Dienen se him de boeijens om, hy hie se samar wer ôf.
Se koenen him...
nl.verhalenbank.37135
Oan 'e Dwarsfeart by Drachten wenne âlde Okke. Hy foer mei de môlkpream de Marrewyk lâns nei 't molkfabryk ta. Dêr wie in nachtmerje, dy't wenne yn in holle wylgenbeam, midden oan 'e Marrewyk. It wie in lang frouminsk yn lange klean. Hja sprong soms samar oer syn skouders hinne. Hja moasten altyd tige hoeden en stil wêze, om dy nachtmerje net to steuren.
nl.verhalenbank.11533
Reade Atse (= Atse de Groot) wie hurdrider op iis. Hy wie net to biriden. Hy woan altyd de earste priis. Guon gunden him dat net. Op in kear wie er to hurdriden yn Grins. Wylst er oan 't riden wie skoude ien gau in slide yn 'e baen. Hwant hy gunde Atse de priis net. Mar hwat Atse to dwaen hie, dy sprong al ridende oer de slide hinne.
nl.verhalenbank.23635
Tryn Snipel fan 'e Boelensloane liet soldaetsjes ta de hurddobbe útkomme. Dy liet se springe en dânsje.
nl.verhalenbank.22918
Adam Hurdrider sprong oer alle wekken hinne.
nl.verhalenbank.23637
Heit en dy sieten us yn 't loazjemint to kaertspyljen. Ien fan har stjûrde skoppenboer fuort om in flesfol drank. Skoppenboer kom even letter mei de jenever werom. De flesse sweefde troch 't loazjemint. De man, dy't him fuortstjûrd hie sei: "Hy mat pakt wurde, oars springt er út elkoar!"
nl.verhalenbank.19743
Wy leinen us yn Koudum tsjin 'e brêge oan. Hja hienen ús ris forteld, dat dêr yn 'e nacht in keardel fan 'e brêge yn 'e feart sprong.
Ik en myn maet leinen yn 't skip. 't Wie moai waer, doe hearde ik om in ûre of tolve, ien in greate plouns yn 't wetter. Ik sei tsjin myn maet: "Dêr springt dy keardel fan 'e brêge. Dat wol 'k sjen."
Ik der út, myn maet...
nl.verhalenbank.24550
Op 'e Aldwâldumersilen stiet oan 'e iene kant fan it wetter in minskefoet en oan 't oare kant in hynstefoet. De boaze is dêr oer 't wetter hinne sprong, wurdt der biweard. Hy hat twa leasten achterlitten.
nl.verhalenbank.25060
Piter Alma fan 'e Harkema gong nachts faek to murdzjen. Hy gong de lânnen del en kom by in fuotpaedtsje. Dêr stie in hekke. Dêr moest er oer. Mar de houn doarst net. Dy hie de sturt tusken de poaten. Hy wie bang.
Doe seach Piter dat der in neaken berntsje oansweven kom. It bliuwt foar de hekke stilstean en it sjocht Piter oan.
"Leave, stean 'k op dyn...
nl.verhalenbank.23014
Rypke Atsma fan Eastemar moest in bern ha by de faem. Mar hy liet har mei it bern sitte. Doe is hja mei har bern yn 't wetter sprong en fordronken. Op 'e dei fan 'e bigraffenis woe Rypke de klok net lieden hearre. Hy soarge der foar dat er út 'e wyn wie. Mar krekt op 'e ûre, dat it lyk op it tsjerkhôf brocht woarde, draeide de wyn en klonk it lieden sa...
nl.verhalenbank.26154
It is ris in kear gebeurd dat der op 'e Trije Roede yn Feanster heide in man stoar. It wie doe noch buorreplicht en Germ Smous moest dy man biklaeije. Dy man wenne yn in spitkeet mei muorren fan heideplaggen. Germ wie noait net in helt en doe't er mei dy man to set soe en him de holle omheech die, joech dy man lûd. Germ woarde sa binaud, dat hy is dwars...
nl.verhalenbank.27920
Imke en Durk fan Imke
Op Eastermarre merke sprong er oer trettjin hynders hinne en yn 'e loft die er in slach oer de kop. Op Sybren Hazenbergs hiem die er dat.
Hy smiet in tou yn 'e loft en dêr klom er yn op.
nl.verhalenbank.13017
Ik haw yn 'e Noard-oastpolder wurke. Dêr wie doe ek in man oan 't wurk dy hiet fan Majoor. Dy fortelde my: Ik hie ris in hiele rare droom op in nacht. Ik droomde dat der wie in bern yn 't wetter fallen. De heit wie dat bern neisprong en doe wienen se beide forsûpt. Dat wie de droom. De oare deis krige ik biricht dat myn skoansoan en syn bern wienen beide...
nl.verhalenbank.37014
Beppe sei altyd: Hwat gebeure mat, sil gebeure. Dat kinne minsken net keare.
Hja wenne tichte by minsken, dy hienen in lyts bern. Der wie in feart by it hiem en der wie sein woarn yn it wetter fan dy feart soe nochris ien dea reitsje. Dêrom hienen dy lju it bern altyd oan 't tou, dan koe it net by 't wetter komme.
Op in kear doe hie der in houn - in rûge...
nl.verhalenbank.36915
By Dokkumernijesilen is de duvel oer de feart sprong, tichte by de slûs. Syn fuotleast kin men hjoed-de-dei noch yn in stien sjen.
nl.verhalenbank.25161
Ielke Forwoest wenne yn Kûkherne. Omdat it sa'n forwoesteling wie neamden de minsken him sa. Hy joech nergens om. Hy sei om 't oare wurd in flokwurd en spotte mei alles. Op in kear wie er mei it jongfolk oan 't fierspringen. 't Wie by de Kûkhernster feart.
"Gjin duvel dy't tsjin my springe kin", sei er.
Mar doe kaem der ien dy koe fierder as hy. Dat wie...
nl.verhalenbank.32009
