Organizations
Keywords
There are no Keywords that match this search
Danish Keywords
There are no Danish Keywords that match this search
Dutch Keywords
Show More Dutch Keywords
German Keywords
There are no German Keywords that match this search
Place Mentioned
There are no Place Mentioned that match this search
Place of Narration
Show More Place of Narration
Narrator Gender
Op 'e merk yn Ljouwert hienen se soms in swarte spegel. Twa feinten út Burgumerheide gongen dêr ris hinne. Hja seagen beide yn 'e spegel. Doe seach de iene syn faem en de oare seach in deakiste. De iene is mei dy faem troud, de oare troude net, mar stoar.
nl.verhalenbank.36506
De manlju hjir seagen wolris yn 'e swarte spegel. Dat wie yn in tinte op 'e merken. Se koenen dan it wiif sjen, dêr't se mei trouwe soenen. Trouden se net dan kom der in deakiste foar. Sy moesten achterstofoar wer út 'e tinte wei.
nl.verhalenbank.25784
Op Drachtster merke wie froeger in tinte mei in swarte spegel. Dêr kom it portret fan 'e oansteande yn to stean, of in deakiste. Dat lêste bitsjutte dan, dat jy net trouwe soenen.
nl.verhalenbank.37151
Op 'e merken hienen se froeger tintsjes, dêr siet in swarte spegel yn. Dêr gong it jongfolk wol hinne, dan koenen se sjen mei hokker frou se letter trouwe soenen.
nl.verhalenbank.34504
Op 'e merken hienen jy froeger in swarte spegel. Dy't dêr yn seach krige de byltmis fan 'e frou to sjen dêr't er mei trouwe soe.
nl.verhalenbank.36852
Dy't yn in swarte spegel seach woarde it portret fan syn takomstich wiif gewaer. As er net trouwe soe krige er in deakiste to sjen.
Sa'n swarte spegel stie op 'e merken yn in tinte. De minsken moesten achterstofoar wer ta de tinte út gean.
nl.verhalenbank.27368
De swarte spegel hienen se froeger altyd op 'e merken.
Dêr koe men jin takomstige frou yn sjen. Òf men seach in deakiste. Dat woe sizze dat men net trouwe soe.
Men moest achterstofoar wer ta de tinte út gean.
nl.verhalenbank.25581
Op 'e merken seagen de lju wol us yn in swarte spegel. Dêr seagen se har takomstige frou yn.
nl.verhalenbank.24160
Us heit hat as feint us nei Ljouwerter merke ta west, en dear hat er foar de swarte spegel stien.
Allerearst seach er in faem, dy hie roetswart hier. Dat is letter syn wiif woarn. Doe seach er in greate kiste. Dat wie syn eigen deakiste. Doe seach er trije bernekisten achter elkoar. Dat is ek útkom, heit en mem ha de earste trije bern forlern. En doe...
nl.verhalenbank.15632
Op 'e merk wie froeger altyd in tinte mei in swarte spegel. Men seach dêryn in frommes. Dat wie dan deselde dêr't men letter mei trouwe soe. Of de duvel, dêr't men jin oan forkeapje soe. Of in deakiste. Dan soe dyselde net trouwe.
nl.verhalenbank.21554
In swarte spegel hienen se froeger op 'e merken. Dêr koenen se yn sjen mei hwa't se trouwe soenen. Seagen se in deakiste, dan trouden se net.
nl.verhalenbank.27730
Der wenne in man yn 'e Harkema, dy stie foar de swarte spegel op 'e merk. Doe seach er yn dy spegel syn takomstige frou. It wie Griet, dy't er tige skoan koe. Dy hie in swart plak op 't wang.
"Dat is Griet," hied er sein, "dy wol 'k net ha."
Mar hy hat har àl krige.
nl.verhalenbank.21396
Op Feanster merke stie wol us in tinte mei in swarte spegel. Ik ha der ek wol us foar stien. Ik soe in frou ha mei in breed gouden earizer op, mar dêr is neat fan útkom.
nl.verhalenbank.20499
Op 'e merken wienen froeger altyd wiersizzerstinten. Dêr koenen jy yngean, dan kommen je foar de swarte spegel. Je krigen dan it wiif to sjen, dêr't jy mei trouden, of in deakiste. Dat lêste bitsjutte dat jy net trouwe soenen.
nl.verhalenbank.24171
Mei de swarte spegel kom it net altyd út. Yn 'e Ham wenne in al hwat âldachtige fint, dy wie kreupel, net flink. Hy gong mei Hamster merk yn 'e tinte en seach yn 'e swarte spegel. Doe seach er in kiste.
Mar hy is letter doch noch troud. It kom dus net út.
nl.verhalenbank.21380
In protte reizgen froeger nei de merken ta om dêr yn 'e swarte spegel to sjen. Dan krigen se de frou of de man to sjen, dêr't se mei trouwe soenen. Trouden se net, dan kom der in deakiste yn 'e spegel.
nl.verhalenbank.21425
Froeger gong 't jongfolk wol gau us foar de swarte spegel. Dy't gjin wiif krige seach in kiste, dy't trouwe soe seach syn takomstich wiif.
Doe't myn earste man us yn 'e swarte spegel seach, kom der in frommes foar 't ljocht mei lang swart hier. Doe't myn man my letter seach, sei er: Ik woarde kjel. Sa sprekend likestû op dat portret.
nl.verhalenbank.23149
Mem fortelde, hja en har kammeraetske wienen ris op Ljouwerter merke. Doe woenen se yn 'e swarte spegel sjen.
Earst seach har kammeraetske yn 'e swarte spegel. Dêr kaem mem har broer yn to stean. Mar dy hat se net krigen. Mem krige in persoan to sjen, dy koe se net. Mar it kloppe wòl. Letter is se mei dy persoan troud. Hy wie tige donker. It wie myn heit.
nl.verhalenbank.36551
Op 'e merken wienen froeger tintsjes, dêr hienen se in swarte spegel yn. Dy't dêr yn seach koe to witen komme hwat er bileve soe.
As ien jong hjirwei moest, dan kom hy der swart foar. Heit hat der ris mei in kammeraet hinne west, dy kom der doe swart foar. Hy is jong overleden. Heit kom der goed foar.
nl.verhalenbank.33575
Op 'e merk yn in tintsje koenen jo yn 'e swarte spegel sjen. Dan wisten jy mei hwa't jy trouwe soenen. Mar ik ha noait yn sa'n tintsje west.
nl.verhalenbank.37936
