Organizations
Keywords
There are no Keywords that match this search
Danish Keywords
There are no Danish Keywords that match this search
Dutch Keywords
Show More Dutch Keywords
German Keywords
There are no German Keywords that match this search
Place Mentioned
There are no Place Mentioned that match this search
Place of Narration
Narrator Gender
Duvels sweefden oeral om. Yn Zevenhuizen is 't gebeurd, dat in timmerman mei in bak mei spikers ûnder 'e earm samar ynienen optild waerd en oer de feart smiten.
nl.verhalenbank.31651
Twa man fan 'e Boelensloane hienen mei de karre mei hinnen nei Ljouwert ta west. Dy hinnen hienen se op 'e merk to jilde makke - 't wie op in freed - en se hienen der wer smoar foar kocht. Dat kochten se op 'e merk. De oare deis - saterdei - soenen se it togearre útsutelje.
Doe't de beiden ûnderweis wienen fornommen se dat der hwat oan komme moest, hwant...
nl.verhalenbank.29383
By de Boelensloane hat men it Dwarsdjip. Dêr lei in dam yn, dêr moesten de minsken oer. Kom dêr ien by nacht, dan stie der op dy dam in wyt ding, sa great as in skiep. Dat woe de minsken keare.
In man fortelde, hy hie prebearre der lâns to kommen, mar it wie wol mis gien. It wite ding hie him yn it Dwarsdjip smiten.
nl.verhalenbank.23479
Thomas en Klare hienen nei Eastemarre merke ta west, mei de hounekarre mei guod. Werom reizgen se oer de Mûzegroppewei en de Langewyk.
Underweis hipte der in kat by har op 'e karre. Thomas soe dy kat der ôf wippe, mar doe koe syn pols net fierder, 't wie krekt as woarde de hân him stiif.
"Gean wei, Satan", sei er.
Doe woarde er yn 'e wâl smiten.
nl.verhalenbank.23482
As sigeuners dea geane, smite se allegearre jild op 'e kiste.
nl.verhalenbank.27431
Myn omke Auke Schievink wie in raer man. Hy wenne yn 'e Harkema. Hy is tachtich jier woarn. Altdy wied er oan 't flokken.
Op in joune-let soed er nei hûs ta. Doe kom der him ûnderweis ien tomjitte en dy smiet him yn 'e feart. Dat wie de Feanster feart. Deselde dy't him smiet hie gjin hannen hawn, sei er. It is wol sauntich jier lyn dat it gebeurde.
Omke...
nl.verhalenbank.29391
Myn heit wie timmerman. Der kom us in neef fan my, in sekere Aelsen Booi, by heit.
"Hwat is 't der fannacht oan wei gong," sei er, "ik hearde de sage en se smieten mei stiennen de hiele nacht troch. Ik koe der net fan yn 'e sliep komme. 't Wie hjir flak achter."
Heit woe 't net leauwe, mar in healjier letter kom der op dat plak in hûs to stean.
nl.verhalenbank.23483
As guon it raer opseinen en biwearden dat se foar gjin duvel bang wienen, woarden se soms troch de duvel smiten.
nl.verhalenbank.36924
To Eastemar oan 'e Swarte wei mat it gebeurd wêze dat Jan Hinses smiten woarn is. Jan Hinses wie in drankman.
Hy mat doe sa hartstikke dronken west ha, dat de duvel him opnom en him oer de dyk hinne smiet. Hy kom yn 't lân fan Sibe de Jong tolânne. Sûnt hat er net wer sûpt.
nl.verhalenbank.33041
Bearn van der Woude kom op in saterdeijoune út 'e winkel wei. Hy wenne yn Driemunt, yn in âlde woanwein. Underweis woarde er samar fan 'e wei ôfslingere en oer in sleat hinne goaid.
Dêr hie in lykstaesje west. Hy hat it my sels forteld.
nl.verhalenbank.26114
Greate Anders Jelle, dat wie myn pake, die wie ek tige sterk. Hy loek achtsjin koer ierappels troch 't lân.
Op in sneinemiddei sieten wy yn 't hôf. Doe sei pake tsjin heit: "Sjoch us, Jelle, ik gean op 'e knibbels lizzen. Nou mastû sjen datst my achteroer krije kinste." Heit hie in nij learen festje oan.
Doe't heit it prebearre, krige er heit yn 'e siden...
nl.verhalenbank.23495
Yn 'e oare heide achter Surhústerfean wenne Rikele Myt.
Dat wie in tsjoenster. Sy koe har yn in kat foroarje.
Dy kat kom jouns altyd by deselde minsken. 't Wie in dikke, grouwe kat. De man sei: "Dat sil 'k dy kat ôfleare."
Hy hie in fjouwer-tinige gripe.
Doe't de kat der wer oan kom mei syn gleone egen goaide hy ta mei de gripe en hy rekke him. De kat hie...
nl.verhalenbank.29393
Twa doomnys en in joadske rabbi dy wienen by elkoar to praten. Doe sei de joadske rabbi: "As jimme kollekte hâlde, hwat hâlde jimme dêr sèls fan?"
Doe sei de iene doomny: "Dat sil 'k wol earlik sizze. Ik stek der sels tsien persint fan yn 'e bûs."
Doe sei de oare doomny: "Ik sil ek earlik sizze hoe't ik dat ha: ik hâld der sels twintich presint fan."
Doe...
nl.verhalenbank.28310
Achter ús folk wennen oan 'e Houtigehaechster wyk Japik en Jitske. Jitske wie noait goed. De buorfrou kom by har.
Dy sei: "Ik ha in eachje yn 't seil hâlden. Jouns komt hjir altyd in grouwe siferse kat."
"Noustû 't seiste, ja," sei Japik, "dy komt alle jounen by ús yn 't finsterbank to spinnen."
Buorfrou sei: "Dy docht it dat sy hjir op bêd leit. Dàt is...
nl.verhalenbank.25620
Yn 'e Wylgen wenne in tige ûnforskillich man. Dy biwearde, hy wie foar noch gjin duvel bang. Mar dy wurden hat er bilije matten. De duvel hat him letter smiten. Doe wie er lytsman.
nl.verhalenbank.29647
As de earrebarre op 'e skuorrenael syn nêst hat jowt er hier. It earste aei dat er leit is foar de boer, dat smyt er omleech.
nl.verhalenbank.36942
Sterke Hearke siet us in kear mei syn broer ergens by in haven yn 'e polderwurken. Dêr stie in herberch en de kastlein klage syn need us in kear oan Hearke.
"Saterdeijouns," sei er, "dan komme hjir de matroazen fan 'e boaten, en dy slagge hjir altyd alles koart en klien." Doe sei Hearke: "Wy sille jo helpe."
De saterdei-to-jouns dêroan stapten Sterke...
nl.verhalenbank.23634
Reade Atse (= Atse de Groot) wie hurdrider op iis. Hy wie net to biriden. Hy woan altyd de earste priis. Guon gunden him dat net. Op in kear wie er to hurdriden yn Grins. Wylst er oan 't riden wie skoude ien gau in slide yn 'e baen. Hwant hy gunde Atse de priis net. Mar hwat Atse to dwaen hie, dy sprong al ridende oer de slide hinne.
nl.verhalenbank.23635
't Is net like folle hwat men docht of hwat men seit.
Yn it café fan IJe Hulshof yn Surhuzum wienen op in joun in stik of hwat greate spotters byelkoar. Dy praetten ûnderinoar ôf, sy woenen dêr it heilich avondmaal fiere. Dy't foargean soe, hie in swart dûmnyspak oanlutsen en in hege hoed opset. Hy soe 't avondmaal útdiele. Se hienen bôlle en wyn kocht....
nl.verhalenbank.19378
Greate Ynse smiet samar in kuorfol ierpels oer de feart hinne by de slûs to Bakkefean.
nl.verhalenbank.25695
