Organizations
Keywords
There are no Keywords that match this search
Danish Keywords
There are no Danish Keywords that match this search
Dutch Keywords
Show More Dutch Keywords
German Keywords
There are no German Keywords that match this search
Place Mentioned
There are no Place Mentioned that match this search
Place of Narration
Narrator Gender
In minske mat noait midden op 'e wei rinne. Dat waerd ús faek sein troch heit en dy. Oars kin er soms samar tsjin in lykstaesje oprinne.
nl.verhalenbank.37803
Twa man fan 'e Boelensloane hienen mei de karre mei hinnen nei Ljouwert ta west. Dy hinnen hienen se op 'e merk to jilde makke - 't wie op in freed - en se hienen der wer smoar foar kocht. Dat kochten se op 'e merk. De oare deis - saterdei - soenen se it togearre útsutelje.
Doe't de beiden ûnderweis wienen fornommen se dat der hwat oan komme moest, hwant...
nl.verhalenbank.29383
Der waerd ús altyd foar warskôge noait midden op 'e wei to rinnen by nacht fanwege lykstaesjes.
nl.verhalenbank.36707
Noait midden op 'e wei rinne by joun, seinen de minsken froeger altyd. Ien fan 'e Dwarsfeart roun ris mei syn maet midden op it paed.
Doe sei syn maet: "Even oan kant, even yn 'e berm."
It duorre even, doe sei er: "Gean nou mar wer op it paed. Der gong ús nyskes in lykstaesje foarby; dy is ús nou al passeard."
nl.verhalenbank.37144
Der woarde ús as bern al yndruid: tink der om, rin nachts noait op 't midden fan in paed, mar altyd op 'e kant.
Hwant oars kinne jim oan kant reage wurde troch in lykstaesje.
nl.verhalenbank.29385
Rin noait midden op 'e wei by joun of by nacht, oars kin men troch in lykstaesje oan kant reage wurde.
nl.verhalenbank.27523
Rin nachts noait midden op 'e wei, waerd ús altyd yndruid.
nl.verhalenbank.37122
Achter Surhuzum is in greate poel. Dy is midden yn 't lân, dêr't Piter van Bruggen ^ wenne hat. In famyljelid fan ús hat dêr us op in joun om healwei alven by helder ljochtmoannewaer in stim út 'e poel heard.
Der waerd sein: "De tijd is der wel, maar de man is der niet."
Twa jier letter is dêr in man fordronken. It wie Piterom syn kammeraed. Hy weage him...
nl.verhalenbank.17740
To Houtigehage wenne in tsjoenster, dy hie altyd in swarte doek om 'e kop. Dat hienen de tsjoensters meastal. As dy tsjoenster froeger de Dwarsfeart delkaem makken wy as bern gau in kring op it paed en dêr leinen wy in duit middenyn. Dan koe se net fierder komme, wie 't sizzen altyd.
Under 'e drompel leinen se duveldrek. As in bern bitsjoend wie hie 't...
nl.verhalenbank.37127
Lubbe van Duinen fan 'e Grinzer Pein sei: "Rin nachts noait midden op 'e wei, hwant dan kinne jo tsjin in lykstaesje oprinne."
Ik wyt ek noch dat er ris sei: "Der hat ek wer in houn sa spûkgûld. Der komt wer in sterfgefal."
nl.verhalenbank.27490
Ik wie noch net troud, wy wennen op 'e Boelensloane. It waeide dat it stoarme. It wie yn 'e neinacht. In suster fan my hie mei har man by ús west to praten. Myn faem wie ek by ús. Myn suster en 'e man wennen yn Surhústerfean, dêr moesten se dy nachts wer hinne. Ik en myn faem soenen har in ein bringe. It waeide dat it rikke, it stoarme bytiden, en soms...
nl.verhalenbank.37922
Der giet in paed fan Strobos nei Kollumerpomp. Dat is in rûm ein wei. Dêr seach ik us in kear twa hiele greate balen hea stean. Midden op dy wei. 't Hea stykte boven ta de balen út. Ik fortelde dat oan ien, mar dy lake my út en sei: "Allegear lary.". It wie yn 'e simmer.
Mar doe woarde it hjerst. Ik en myn swager hienen nei myn suster ta west yn...
nl.verhalenbank.17748
In frou fan Haulerwyk sei tsjin har soan: "As 't donker is, mast noait midden op 'e wei lâns gean, omdat der in lykstaesje oan komme kin."
nl.verhalenbank.27067
Der wie in boer, dy siet yn 'e haeijinge. Om healwei ienen harke er nei de birichten oer 't waer foar de radio. Doe woarde der sein: "In 't midden des lands droog weer."
Doe sei de boer tsjin 'e arbeiders: "Nou matte wy sjen dat wy fan 'e middei it hea yn 't midden fan 't lân krije."
Dat krigen se foarinoar.
nl.verhalenbank.33163
Hindrik de Zwart wennet nou oan 'e Mûzegroppewei yn 'e Rotfalle. Hy en myn broer Germ kommen togearre de Mûzegroppewei ris delkuijerjen. 't Wie op in joun. Sy wienen sahwat ta oan it plak dêr't Sytse Batema formoarde is.
Doe sei Hindrik tsjin Germ: "Dû mast rûmte jaen. Even fan 't fytspaed ôf. Der komt in lykstaesje oan."
Sy stapten beide oer de groppe....
nl.verhalenbank.26155
Yn Drachten wenne froeger in man, dy wie mei de helm geboaren. Dat wie Joeke Spûkgûler. Dy sei tsjin 'e minsken: Tink der om, noait midden op 'e wei stappe, oars kinne der spûken op jim takomme.
nl.verhalenbank.36646
Wykstra fan Tolbert trof ik us in kear by Meint de Boer yn 'e kroech to Mearum. Wykstra fortelde:
Ik wie forline wike mei in maet op stap. 't Wie al let op 'e joun. Ik roan midden op 'e wei. Myn maet sei tsjin my: "Kom dêr wei, Wykstra, hwant der komt in lykstaesje oan." Ik gong net fan 'e wei, mar roan troch.
Dêr liz ik - God help my - yn 'e sleat. 'k...
nl.verhalenbank.26069
Yn 'e Wylgen hat in smid wenne, dat wie in sekere Halbe Jorna. Dy hie in feint, dy hiet Wytse v.d. Meulen. Dy feint wie ôfgryslike sterk. Op in moarn krige er rûzje mei de baes ûnder kofjedrinken. Hy gong der út en kom net wer. Doe't syn baes in skoftsje letter yn 'e smidte kom, wie 't ambyld fuort. Dat stie midden op 'e wei. De boeren ha de smid...
nl.verhalenbank.19312
It gebeurde wol dat lju yn 'e nacht samar oan kant set woarden. Dan passearde der in lykstaesje, waerd der sein.
nl.verhalenbank.33704
Froeger hearde ik faek forhalen fan minsken dy't by nacht midden op 'e wei roannen. Dy wienen foar by de lykwein opflein en der achter wer by del knoffele. Wy waerden altyd warskôge: Tink der om, rin by nacht noait midden op 'e wei. Ik rin nòch altyd oan kant.
nl.verhalenbank.36913
