Datasets - ISEBEL

As wy as bern in eintsje tou lizzen seagen, dêr't knopen yn sieten, lieten wy dat lizze. Hwant dêr koe de koarts wolris yn biknope wêze. Hwant de koarts koe men toknoopje.

afblijven

nl.verhalenbank.12489

As men de koarts krige, dan nommen wy in jerntried (stoptried) en leinen dêr trije knopen yn. Dan hienen wy de koarts dêryn biknope. Hoe moaijer tried hoe better. Dy tried leinen wy yn 'e hage. As dan in oar dy tried dêr weikrige, dan hie dy de koarts. Wy mochten noait in tried opkrije of in touke, oars brochten wy de koarts yn 'e hûs.

draad

nl.verhalenbank.12338

Wy hawwe 't meimakke hjir dat der ien op stjerren lei. Mar dyselde koe net stjerre, it hong der hyltyd mar tsjin oan. Doe frege der ien: "Hat er ek hwat oan, dat op snein naeid is?" Doe die bliken, hy hie in oerbaitsje oan, dêr wienen de knopen fan op snein oanset. "Snij dy der mar ôf", sei dyselde. Sy hienen 't net dien of de man wie rêst.

dood

nl.verhalenbank.34588

Yn 'e Harkema wie ien dy lei op 't stjerbêd, mar koe noait stjerre. De klean dy't er droech, dêr sieten knopen oan, dy wienen der op snein oan naeid. Dy moesten der earst ôf, doe koed er dea gean.

aannaaien

nl.verhalenbank.25527

As men op stjerren leit en men hat klean, dy't op snein makke woarn binne, dan kin men net ta stjerren komme. Dan mat men hinne gean en dy klean stikken knippe of de knopen der ôf snije.

afsnijden

nl.verhalenbank.15622

As wy, doe't wy bern wienen, in eintsje tou lizzen seagen, dêr't knopen yn sieten, dan roannen wy dêr mei in greate bocht omhinne. Hwant de koarts koe der wol us yn biknope wêze en kommen wy dêr to ticht by, dan koenen wy de koarts krije.

aanraken

nl.verhalenbank.17544

Berkeley

Meertens Institute

Sagnagrunnur