Organizations
Keywords
There are no Keywords that match this search
Danish Keywords
There are no Danish Keywords that match this search
Dutch Keywords
Show More Dutch Keywords
German Keywords
There are no German Keywords that match this search
Place Mentioned
There are no Place Mentioned that match this search
Place of Narration
Narrator Gender
Frânse Hinke fan 'e Rottefalle wie duvelbanster en wûnderdokter. Sy wenne de kant út nei de boppeste Rot'falle yn 'e buert fan 't earmhûs, oan 'e lofterhân.
Ik wie sa'n fiif en twintich jier âld. 'k Hie 't al in healjier lang tige slim yn 'e draeibonke (kontbonke). Ik koe sitte noch stean en my net forroere. Ik lei altyd en hie in slimme pine. Se fuorren...
nl.verhalenbank.23447
Tsjerke Iebeltsje koe knoffelbân bine. Hja die it foar twa of trije sinten. Hie men de pols of it ankel forknoffele, dan die hja dêr trije triedden omhinne. Dan preuvele se hwat en bitaestte de pols of it ankel. Men moest op snein geboaren wêze om it to kinnen.
nl.verhalenbank.23678
De dokters woenen froeger graech sa'n helm ha. Dy knoffelen se achterút en dan forkochten se him djûr. Dy't sa'n helm yn bisit hie, woarde der sein, wie kûgelfrij.
nl.verhalenbank.25779
By de Rotten op it Wytfean (de famylje Veenstra) woarden twa hynders forkocht foar f600,- oan in Burgumer.
De boer brocht de hynders nei Burgum ta en sette mei it jild werom op hûs ta. Op 'e Sumarre wei tusken Sumar en Eastemar - sjocht er twa man oankommen. Dat liket him net goed ta, dat hy krûpt ûnder in omkearde boat, dy't dêr tsjin in peal oan leit....
nl.verhalenbank.15533
Alde Bouke Schievink rekke in ponge mei jild kwyt. Hy gong nei Antsje Snipel ta, dy seach mear as sljochtwei. Antsje sei: "Dû hoechst net bang to wêzen. Dat jild krije jim troch de bern wol wer."
De maitiids dêroan rekke de dochter oan 't húshimmeljen. Doe kom de ponge mei jild út it strie fan 't bêdsté wer foar 't ljocht.
nl.verhalenbank.17454
In swager fan my, dat wie Remmelt de Haan, dy wenne yn Garyp. Dy kom us by ús op in pinkstermendei mei in wyt hynder foar de wein. De jouns gong er wer fuort. Mar de oare deis, dêr wied er al wer.
"Ha 'k hjir ek in beurs lizze litten?" frege der. "Der siet fjouwerhûndert goune yn. Hy siet yn 'e rjochter jasbûse."
Mar der wie net in beurs. Doe sei heit...
nl.verhalenbank.16950
It is achter Ljouwert gebeurd op 'e klaei. 't Wie op 'e joun. De faem moest op 't hûske. Dat stie bûtendoar. Wylst se dêr siet gongen der guon oer de achterhûsstrjitte. Hja gong hiel sunich oer de achterhûsstrjitte wer ta de achterdoar yn. Doe gong se nei foaren ta en sei: "Tink der om, der binne rovers om 't hûs hinne."
Sy fandelen alle sjitark byelkoar,...
nl.verhalenbank.16954
Imke de Jong wie us in kear op 'e kermis yn Surhústerfean.
Hy hie dêr in pear learzens kocht by de skuonmakker. Doe't de kermis oer wie hied er dy learzens noch net bitelle en hiele Imke wie net mear to sjen. De skuonmakker gong dêr net mei akkoart. Hy joech it oan en doe setten de plysjes op 'e hynders Imke achternei. Doe hellen se him yn, doe wied er al...
nl.verhalenbank.27035
Der wennen frijmetselers yn Stadskanael en omkriten.
Dêr wienen dikke boeren ûnder. Frijmetselers matte om 'e sawn jier ien dea dwaen. Der wurdt om lotte hwa't dat dwaen mat. Gebeurt dat net dan mat dyselde sels stjerre.
Sy ha in forboun mei de kweade. Fan jild ha se noait forlet. Dat is skoan to sjen, hwant it binne allegear rike lju.
Dy't ienkear...
nl.verhalenbank.22207
Hearke wie ek stille plysje. Op in kear moest er mei in protte jild op 'e rêch nei Ljouwert ta.
Underweis kaem der in man by him, dat wie in rover. Dy woe it jild ha en oars soed er Hearke deahouwe. Mar Hearke rêdde mei him. En doe boun er dy rover ek noch it jild op 'e rêch.
"Draech dû dit mar foar my nei Ljouwert ta", sei er.
nl.verhalenbank.20834
Us mem wie kreamheinster. As der in bern geboaren woarde mei in flues oer de holle, dan luts se dat der foaroer ôf. Die se it achteroer, dan moest dat bern letter alles sjen. Se seinen wol, dat de dokters graech sa'n helm ha woenen en dat se djûr wienen.
nl.verhalenbank.23522
Edzer Sint dat wie myn pake.
Hy praette omstrûpt, dat hat er al syn libben dien.
Op in kear wied er ergens oan 't wurk mei Aen klokje. Aen hat it letter forteld.
Dû net wytste hwat ik wol, sei er.
Né, sei Aen, hoe soe ik dat wite kinne, jong.
Ik om in buorrel wol.
Hast dan wol sinten?
Ikke gjin sinten gebrek ha. Doe liet er in ponge mei sinten sjen, it...
nl.verhalenbank.15899
In omkesizzer fan Sterke Hearke, Egbert Witteveen, fan Harkema hie ek hiel hwat yn 'e bouten. Hy wie yn 'e haeijing west achter Ljouwert. De sinten hied er by him yn 'e knikkert. Fan Ljouwert roan er de greate strjitwei del en hy wie sahwat oan Quatrebras ta, doe moete er in ploechje fan trije man.
Hastû der op út west?
Jongeja.
Yn 'e haeijing.
Ja, yn 'e...
nl.verhalenbank.12311
It folgjende woardde my forteld to Tolbert, doe't ik dêr yn 'e ûngetiid wie.
Der wie in roversbinde, dy bistie út seis man. Elkenien dy't de Swarte Wei achter Tolbert lâns roan, wie gefaerlik.
Dy rovers bruiden sa'n ien ôf, of makken him dea, bihalve as er syn beurs oerjaen woe.
As se tofoarskyn kommen, seinen se der in rymke by op:
Wij gaan vanavond met...
nl.verhalenbank.16822
Alde Sije hie him oan 'e duvel forkocht. Hy wenne yn Houtigehage. As er sinten ha moest, dan krige er se.
nl.verhalenbank.25807
Myn âld buorman Ate roan mei Imke de Jong troch Twizel. Doe frege er Ate om in kwartsje.
"Ha 'k net", sei Ate.
Even fierder sei Imke: "Dû seist niis, datst gjin sinten hiest. Hwat is dit dan?" Doe hied er Ate syn jildponkje yn 'e hân.
"Nou soest tinke," forfette er, "Imke de Jong is samar ryk. Mar sa sit it net. Ik kin se net hâlde."
nl.verhalenbank.21650
Myn man syn broer, dy gong finansieel hiel bot foarút. In bulte minsken seinen, hy hie in wikseldaelder.
nl.verhalenbank.21227
Tsjerk Poel wenne yn 'e Harkema. Hy hie him frijwillich oerjown oan 'e tsjinst. Hy wenne yn in hutsje op it plak dêr't nou de herfoarme tsjerke stiet. 't Wie in ûnforskillich meubel. Doe't er ûnder tsjinst rekke moest er nou en dan ek op wacht stean. Der wienen guon dy woenen graech frij fan 'e wacht. Tsjerk nom de wacht dan wol gauris oer. Hy barde dêr...
nl.verhalenbank.26945
Alde Foppe Ophús fan 'e Harkema koe soldaetsjes ta de hurddobbe útkomme litte. Hy hie him oan 'e duvel forkocht en hie in wikseldaelder. Hy wie noait earm. Foppe Sint neamden se him. Hy koe lêze noch skriuwe. Edzer Sint dat wie famylje fan him. Dy hie ek in wikseldaelder.
nl.verhalenbank.20660
Frijmetselders hawwe altyd jild. Dat krije se gratis. Mar dan matte se alle jierren ek hwat bouwe, òf oan 't eigen hûs òf oan dat fan in oar. As se dat nèt dogge, dan wurde se frijmetseler ôf. Sy bouwe eins altyd oan har eigen hûs om.
Guon ha 't jild yn in tabaksdoaze. Dêr bitelje se mei. As se 't hjoed útjown ha, sit itselde bidrach der de oare moarns...
nl.verhalenbank.25730
