Organizations
Keywords
There are no Keywords that match this search
Danish Keywords
There are no Danish Keywords that match this search
Dutch Keywords
Show More Dutch Keywords
German Keywords
There are no German Keywords that match this search
Place Mentioned
There are no Place Mentioned that match this search
Place of Narration
Narrator Gender
Thomas en Klare hienen nei Eastemarre merke ta west, mei de hounekarre mei guod. Werom reizgen se oer de Mûzegroppewei en de Langewyk.
Underweis hipte der in kat by har op 'e karre. Thomas soe dy kat der ôf wippe, mar doe koe syn pols net fierder, 't wie krekt as woarde de hân him stiif.
"Gean wei, Satan", sei er.
Doe woarde er yn 'e wâl smiten.
nl.verhalenbank.23482
To Eastemar oan 'e Swarte wei mat it gebeurd wêze dat Jan Hinses smiten woarn is. Jan Hinses wie in drankman.
Hy mat doe sa hartstikke dronken west ha, dat de duvel him opnom en him oer de dyk hinne smiet. Hy kom yn 't lân fan Sibe de Jong tolânne. Sûnt hat er net wer sûpt.
nl.verhalenbank.33041
Andrys wie in healbroer fan ús heit. It wie in raren en hy wie bot oan 'e drank. Hy dronk de jenever út 'e tsjettel en broude dy jenever sels. Dêrby wied er tige ûnforskillich en rûch yn 't praet. Op in kear doe kom er út 'e kroech. Doe is er ûnderweis opnom woarn en oer de sleat hinne smiten woarn. Se seinen doe, dat hie de duvel dien. Andrys wenne yn 'e...
nl.verhalenbank.35913
Jehannes van der Zee wie fêste arbeider by in dikke boer yn Sumar. Om dêr to kommen moest er de Harste del en dan de lannen troch.
Dy Jehannes van der Zee wie in ûnforskillich meubel en in greaten spotter. Hy leaude oan God noch syn gebod.
Op in moarn by 't tsjuster, doe't er om fjouwer ûre by de boer wêze moest, doe krige er in prûmke út 'e tabaksdoaze...
nl.verhalenbank.33372
Der wie in man dy tocht allinne mar oan jild. Hy mishandele syn wiif, dat altyd sunich wie en hy gunde net in minske hwat. It jild hie him foargoed yn 'e macht.
Op in kear, doe roan er oer de wei, en doe wie er ynienen samar smiten woarn. Tagelyk wie 't allegear jild om him hinne. Mar dat wie it jild fan 'e duvel en hy hie bigrepen dat dit in les foar him...
nl.verhalenbank.27932
In âldomke fan my moest us op in joun let nei 't Fean ta. 't Wie in hiele raren ien, in almachtigen keardel, dy't nergens bang foar wie. "Ik bin foar gjin duvel bang", sei er en hy wie sa ûnforskillich as hwat. Hy soe nei pake ta. Underweis, by de Oene Hindriksreed ûnder 't Fean waerd er samar opnom en in ein fuortsmiten.
't Is jierren lyn, dat dat...
nl.verhalenbank.25411
Der wie in feint, dat wie in spotter en in rarenien. Hy siet op in joun yn selskip mei oaren. Syn suster wie der ek by.
"Wy sitte hjir op in droochje", sei er. Wy matte mar in flesfol ha. Ik lit even ien bringe." Doe die er in briefke oan in lege flesse en sette dy om 't hoekje fan 'e doar. Even letter gong de doar iepen en dêr kaem de folle flesse...
nl.verhalenbank.19845
Oege van Dijk wie timmerman. Hy timmere yn Droegeham. It wie in man dy't leaude oan God noch syn gebot. En hy swearde en swetste om 't leven. De maten dy't him holpen gong it soms to mâl. Op in joun sei in opperman tsjin him, doe't er wer los west hie: "Wy binne ek net gelovich, mar dit giet to rûch." "O ja?" sei er, "my net."
"'t Wurdt aenst donker," sei...
nl.verhalenbank.19847
Piter van der Kloet wenne yn 'e Surhústerfeanster Mieden. It wie hwat in nuvere man. Op in kear hied er nei de froulju ta west yn Greategast. Hy wie al wer by honk. Hy moest oer in barte om op it hiem to kommen. Mar midden op dy barte siet in dikke, grouwe houn. It wie in pûrfremde houn en hy seach Piter mei greate, gleone egen oan. Piter waerd bang en...
nl.verhalenbank.19846
