Datasets - ISEBEL

Imke Modder (= I. de Jong) wie in gûchelder. As hy jo frege om in ryksdaelder en hy joech jo dy wer, dan hienen jo him net. As jo him ien ryksdaelder joegen, dan hied er samar in kroadefol ryksdaelders - dan tilde 't fan 'e ryksdaelders.

geld

nl.verhalenbank.28343

Imke Modder (= Imke de Jong) koe soldaetsjes ta de hurddobbe útkomme litte. Heit fortelde, hy hie ris sjoen, dat der him in hiele partij lint ta de hals útkom, der kom suver gjin ein oan. Hy luts mar troch.

eind

nl.verhalenbank.28419

Doe't Imke in great-jonge wie klaeide er him soms spierneaken út en dan fleach er sa de lannen troch, troch sleatten en alles hinne en koe er it net bidjipje, dan swom hy der troch. Hy koe swimme as in fisk en hy koe krekt sa goed dûke as in hearringslynder. (= fuut)

fuut

nl.verhalenbank.28344

Doe't Imke sa'n great-jonge wie, kom er us op 'e merk yn 'e Gordyk. Doe wie dêr in gûchelder, dy liet in slange ta de mouwe út krûpe. Mar Imke seach fuort dat it in roggeier wie, en de man koe neat mear bigjinne salang 't Imke der by wie.

aar

nl.verhalenbank.28346

Doe't er ûnder tsjinst wie sei de kaptein: "Geef acht." Dan sprong Imke yn 'e gracht. Dan bearde er as er fordrinke soe. Dan stuts er de hân út om him to helpen. De iene soldaet nei de oare krige him by de hân om him der út to heljen. Mar Imke luts him der yn. Op 't lêst hied er it hiele regimint yn 'e gracht. Dêr wie 't him krekt om to dwaen. Dan dûkte...

dienst

nl.verhalenbank.28345

Imke koe ek bûksprekke. Op in kear siet der in faem ûnder in koe to melken yn 't lân. Imke hie toarst. "Mei 'k in bytsje molke ha?" frege er. Mar dat doarst dy faem net to dwaen fanwege de boer. Mar doe sei de koe samar ynienen: "Jow dy man hwat molke." De faem woarde sa kjel, dat sy liet de koe yn 'e steek en naeide út.

buikspreken

nl.verhalenbank.28347

Berkeley

Meertens Institute

Sagnagrunnur