Organizations
Keywords
There are no Keywords that match this search
Danish Keywords
There are no Danish Keywords that match this search
Dutch Keywords
Show More Dutch Keywords
German Keywords
There are no German Keywords that match this search
Place Mentioned
There are no Place Mentioned that match this search
Place of Narration
Narrator Gender
Alde Willem Bos fan 'e Harkema wie mei de helm geboaren. Dy moest altyd alles sjen. Nachts moest hy der út. Dan bleau er op 't eigen hiem stean. Dêr seach er de bigraffenis passearen.
Hy hat de bigraffenis fan myn mem sa ek fan tofoaren sjoen.
nl.verhalenbank.25778
Hjir yn 'e Harkema wennen froeger guon dy koenen altyd krekt fantofoaren fortelle as der wer ien stjerre soe.
Dy seagen de bigraffenis al fan tofoaren. Sokken wienen mei de helm geboaren.
nl.verhalenbank.29342
Alde Rapke Wijma fan Surhuzum wie mei de helm geboaren. Dy moest alles sjen, oan 'e lêste ûre fan syn libben ta. De lêste nacht noch, - doe koed er op syn fuotten net mear stean - is er út bêd weiklaud om hwat to sjen. Yn 'e gong is er yn elkoar sakke.
Hy makke soms hiele reizen yn 'e nacht, wolris oan Eastemar ta. Rounom gong er hinne. En 't kom altyd...
nl.verhalenbank.23521
Jille Antsje wenne yn 'e Petten. Dy wie mei de helm geboaren.
It minske seach alles foarút.
nl.verhalenbank.28514
Us mem wie kreamheinster. As der in bern geboaren woarde mei in flues oer de holle, dan luts se dat der foaroer ôf. Die se it achteroer, dan moest dat bern letter alles sjen. Se seinen wol, dat de dokters graech sa'n helm ha woenen en dat se djûr wienen.
nl.verhalenbank.23522
Der binne bern dy wurde geboaren mei in flues om 'e holle.
Sokken, seit men, binne mei de helm geboaren. As se dat flues achteroer lûke matte sokke bern letter alles sjen.
As se it foaroer lûke, dan net. By de Petten yn 'e Harkema hat in frommes wenne dat mei de helm geboaren wie. Dy moest der nachts ôf as der letter in sterfgefal wie.
nl.verhalenbank.33297
Tsjerk Boonstra wenne oan 'e Mûzegroppewei. Dy syn wiif wie èk mei de helm geboaren. Wy kommen dêr ris in kear lâns, doe woarde it minske lulk op my. Sy sei: "Sy ha fannacht de apels by ús stellen." Sy hienen in apelhôf. Doe sei se: "Ik hie 't justernacht wol sjoen."
Ik sei: "Hwerom gongen jo der dan fannacht net hinne to sjen, as jo dat wol wisten, of...
nl.verhalenbank.28798
Yn 'e Petten wenne Jille Antsje (J. Hamstra syn wiif). Dat minske wie mei de helm geboaren, seinen se. Dy wist alles foarút. Hja wenne dêr hiel iensum, mar hja wist krekt hwa't der by har lâns komme soenen. Ik en myn wiif binne der is op in nacht om twa ûre lâns kom. Doe stie hja op 'e daem; krekt as wachte se ús op.
nl.verhalenbank.25907
Wibe Alma ^ fan 'e Harkema wie mei de helm geboaren.
Dy moest alles sjen. As der hwat wie woarde hy der yn 'e nacht útkloppe. Dan mòest er datselde sjen. Hwat er dan seach fortelde er letter. Dan sei er, dy en dy giet èk dea. Dat kom altyd út.
nl.verhalenbank.28602
Skoanheit wie mei de helm geboaren. Dy moest der wol gau us ôf as er op bêd lei. 't Wie hast altyd yn 'e nacht. Dan moest er sjen. Hindrik Pitstra hiet er. Hy wenne oan 'e Langewyk.
nl.verhalenbank.20673
Alde Janke Mozes wie mei de helm geboaren. Dy seach alles foarút. Dy hat ek fantofoaren sjoen dat it hûs, dêr't skoanmem en dy yn wenne ha, opbrânde.
nl.verhalenbank.17395
Der binne minsken, dy kinne net troch in kûgel rekke wurde. Sokke minsken binne kûgelfrij. Hitler wie ek kûgelfrij. As jo mei de helm geboaren binne en jo hâlde dy, dan binne jo èk kûgelfrij en, dan ha jo ek altyd sinten. Mar nachts matte jo der faek ôf. Dan wurde jo der ôfkloppe.
Frijmetselaren binne ek kûgelfrij. Dy ha in forboun mei de duvel. Om de...
nl.verhalenbank.28784
Der wurde wol bern mei de helm geboaren. Dy't sa'n helm hat is kûgelfrij. Dokters binne hyt op sa'n helm. In kaptein op sé, dy't in helm hat, sil syn skip altyd bihâlde.
Frijmitselers binne ek kûgelfrij. Sy ha in forboun mei de duvel. As frijmitselers nei 't café ta geane om even oan to stekken en sy ha gjin jild, dan geane se even yn in hoekje stean en...
nl.verhalenbank.28592
Taeke Postma is jong stoarn. Hy wenne èk yn 'e Bosk. Hy wie mei in helm geboaren. Op in nacht, doe kom der him in bigraffenisstoet tomjitte. Doe gong er gau oerside. Hy sei de oare moarns: "Hjir stjert yn 't koart ien, ik ha de bigraffenis sjoen." Dat is doe sekuer nei kom.
nl.verhalenbank.28797
Lammert Klokmakker fan Eastemar syn broer wie mei de helm geboaren. Hy moest der nachts altiten ôf.
nl.verhalenbank.32484
As fanke gong ik wol mei de klaei op. Yn Uthústermeden wienen wy nachts yn in skuorre. Heit wie dêr keppelbaes. Dêr wie ek in frou by ús, dat wie Durk Mozes syn muoike. Dat minske moest der nachts faek op út. Ik frege heit: "Hwerom docht se dat?"
Heit sei: "Sy is mei de helm geboaren. Sy mat hwat sjen."
nl.verhalenbank.22252
Teake Postma wie mei de helm geboaren. Dy moest alles sjen. Nachts gong hy der ôf en dan seach er lykstaesjes. Hy hat de hiele bigraffenis sjoen fan Lefferts Willemke yn 'e Bosk (yn 'e Harkema).
Fan to foaren hat er de hiele bigraffenis útskildere. Der roan in wyt hynder foar de boerewein. Hy fortelde hwa't de foargong hie, hoefolle man der achteroan...
nl.verhalenbank.15895
Wy mochten froeger noait midden op 'e wei rinne. Alde frou Wobbes (Janke Hollander) sei: Dy't jouns midden op 'e wei rint hat de kâns dat er foar by de lykwein op rint en der achter wer by del falt.
Janke wie nachts altyd op 'e lappen. As wy fan in feestje werom kommen yn 't holst fan 'e nacht, siet hja altyd as in roungear protsje by de hage. 't Wie ús...
nl.verhalenbank.29361
In helm dat is in wyt floers, dat it bern hielendal oer 't gesicht hinne hat, as it geboaren wurdt. Men mat der fluch by wêze, om 't der ôf to heljen, oars smoart it bern. Mem wie kreamheinster. Hja sei, Fokke Witteveen (nou yn Kanada) hie twa bern krigen, dy't allebeide mei de helm geboaren wienen.
nl.verhalenbank.24334
Hjir op 'e buert hat in man wenne, dy wie mei de helm geboaren. Dy moest altyd bigraffenissen fan tofoaren sjen. Dat gebeurde faek by nacht. Hy hat it wol forteld. Dan lei er op bêd, dan woe er wol lizzen bliuwe, mar dat wie in ûnmooglike saek.'t Wie in geheime driuw. Hy mòest der út en sjen. Hie er 't sjoen dan koe er wer nei hûs ta gean.
Hy wist altyd...
nl.verhalenbank.34520
