Organizations
Keywords
There are no Keywords that match this search
Danish Keywords
There are no Danish Keywords that match this search
Dutch Keywords
Show More Dutch Keywords
German Keywords
There are no German Keywords that match this search
Place Mentioned
There are no Place Mentioned that match this search
Place of Narration
Narrator Gender
Us heit hat it faek hawn oer foartjirmerije. Dan seinen de lju: dêr en dêr komt skielk in hûs to stean. Se ha it timmerjen al heard. Ek seinen se wol: dat hûs mat nochris in kear opbrânne. 't Brânnen is al sjoen woarn. Dat mei it bouwen en timmerjen kaem altyd nei, mar ik kin sa net sizze hokker huzen dat wienen. Yn Garyp gongen dy forhalen.
Heit fortelde...
nl.verhalenbank.31284
Yn Burgum mat it gebeurd wêze, dat guon yn 'e winter mei iis in stim hearden: De tijd is verschenen, de man is der niet. Doe is dêr fuort dêrnei ien op redens yn in wak riden.
nl.verhalenbank.31285
Us mem kom fan Hurdegaryp. Mem fortelde, sy hienen dêr dúdlik it puffen fan 'e trein al heard, fier fantofoaren foardat hy der wie. Krekt deselde lûden.
nl.verhalenbank.27552
Doe't ik noch faem wie moest ik faek oppasse by in minske dat swier siik wie. Der siet ek in kear in frou by. Dy frou sei tsjin my: "Hearst it wol, der tikket hyltyd in horloazje. Nou duorret it net lang mear."
En dochs wie der gjin horloazje. Men neamt dat in wyld horloazje.
Deselde nachts noch is it sike minske stoarn.
nl.verhalenbank.27553
Myn suster en ik binne ris op in nacht tige kjel woarn. De buorlju soenen oan 't forbouwen en hienen de ljedder by ús weihelle. Yn 'e nacht hearden wy, hoe't de ljedder by ús tsjin 'e muorre oan set waerd. Wy tochten: hwat in nuvere tiid, om dat yn 'e nacht to dwaen.
Mar der woarde net in ljedder delset. En doch hearden wy it dúdlik.
It gebeurde de oare...
nl.verhalenbank.38158
Yn it Bûtenfjild is it ris gebeurd dat guon minsken ien roppen hearden om help. Doe't se dêr by kamen, wie der neat to sjen. In dei of hwat letter forsoop dêr ien.
nl.verhalenbank.29653
Alde Tsjibbe Westra wenne op 'e Sumarreheide. Alle jounen hearde hy timmerjen, mar dêr wie neat to sjen.
It wie de Aldegeaster dyk út dêr't er it hearde. In skoft letter waerd dêr in rige huzen set fan 'e woaningbou. It wienen huzen fan 'e gemeente.
nl.verhalenbank.31579
It gebeurde op in winterdei, dat der gjin iis yn 't wetter lei. Ik wie doe noch jong. Doe hearde ik de minsken riden op it iis. Dúdlik hearde ik it streekjen fan 'e redens en de minskestemmen dêrby. En 't wie doe noch iepen wetter.
In dei of hwat letter lei der iis en doe gong 't op in riden.
nl.verhalenbank.29652
Us mem wie tige min, mar sy leefde noch. Doe hearden wy in lûd, krekt as woarde der mei hout tsjin 'e muorre oan skaefd.
Doe't mem in skoftsje letter dea wie, leinen se har yn 'e kiste en doe brochten se dy kiste nei 't sliepkeammerke ta. En doe skaefde dy kiste dêr tsjin 'e muorre oan. Dat wie krekt itselde lûd dat wy tofoaren al heard hienen. Doe wie...
nl.verhalenbank.38159
Op 'e oare ein fan 'e Wâl stie in âld fabryk, dat wie in sûkerijfabryk. Dêr woarde de sûkerij droege.
Jehannes werkte dêr ek.
Op in kear sei ien fan 'e mannen dy't dêr werkte: "Hwat ha 'k in sin oan in hearring."
Fuort dêrnei waerd der bûten roppen: "Haring met kuit!"
"O," sei Jehannes tsjin 'e man, dy't graech hearring ha woe, "dat treft alhielendal."
De...
nl.verhalenbank.29669
Ik ha wolris heard dat der op guon plakken, samar yn 'e iepen loft wijde musyk heard waerd. Dan waerd der letter op sa'n plak in tsjerke boud.
nl.verhalenbank.29655
Wy ha hjir yndertiid in nij bûthús krigen. Fan tofoaren doe ha wy en ús folk it wol timmerjen heard by nacht. Wy ha der wol binaud fan west.
nl.verhalenbank.23608
Ien seach yn 't foarige yn Sumar in pear ljochten skean de heide oer kommen en hy hearde dêr in gerommel by. Dat wie de tram, dy't letter kaem is.
nl.verhalenbank.24614
Us mem gong noch wol gau us to praten nei de Burgumer Nijstêd, dêr't har âlden kwekerije hienen.
Foardat se wer thús wie, hearden wy ús mem har fuotten al yn 'e gong slepen, en op it matsje ôffeijen.
Dan seinen wy: "Dêr is mem ek wer." Mar dan wie 't sa net. In skoft letter kom se earst werom.
nl.verhalenbank.23609
Op 'e helling yn Feanwâldsterwâl hearden se froeger gauris jouns let allegearre leven. Dan gong 't op in timmerjen en skaven. Dan duorre it net lang of it wie dêr allegearre wer wurk.
nl.verhalenbank.29654
Reimerswaal is in forsonken plak yn Sélân. By folle moanne heart men dêr noch it lieden fan 'e klokken.
nl.verhalenbank.31031
Ik haw it wol meimakke dat der by ús ien by de doar kaem. Ik hearde dan oan 'e stap wol hwa't it wie. Ik gong dan nei de doar ta en sei: "Bistû dêr?" Mar dan wie der net ien. In skoftsje letter kaem dan dyselde.
nl.verhalenbank.29656
To Starum hongen de klokken yn 'e toer fan it Sint Odulfuskleaster. Dy wienen net wijd doe't de biskop kaem. Doe forflokte de biskop dy klokken.
Doe lei de boaze der bislach op. De boaze klom yn 'e toer en skuorde de klok der út.
Yn 'e nacht smiet er dy klok nei in neef ( ek in boaze, mar folle jonger) yn Himmelom ta.
Dat gong sa hyltyd hinne en wer yn 'e...
nl.verhalenbank.21951
Myn pake en dy oan memme kant wienen Bosgra's. Hja hienen kwekerije en siedhandel. Dat sied waerd altyd waegen op skealjes en yn pûden oerdien.
Dan gongen de reizgers der mei op stap dy't it ûnderweis forkochten.
Lammert Kromkamp moest it sied altyd wage.
Mem en har suster wienen doe noch bern, mar dy hearden faek fantofoaren hwat der gebeure soe.
Mem...
nl.verhalenbank.23606
Us heit hearde wolris wearwolven yn 't Bûtenfjild.
As der in gûlend gelûd wie, dan sei heit: "Hearst it wol? In wearwolf!"
nl.verhalenbank.31028
