Organizations
Keywords
There are no Keywords that match this search
Danish Keywords
There are no Danish Keywords that match this search
Dutch Keywords
Show More Dutch Keywords
German Keywords
There are no German Keywords that match this search
Place Mentioned
There are no Place Mentioned that match this search
Place of Narration
Show Only Popular Place of Narration
Narrator Gender
Anders Potsje (= A. Reitsma) fan Jistrum koe de huzaren ta de hurddobbe út marsjeare litte.
nl.verhalenbank.34503
Japik Ingberts hie allerhande kattekwea úthelle. It gerjocht fan Ljouwert socht om him. Doe ried it gerjocht mei in glêzen wein de Grinzer Strietwei del en sa kommen se by it Boskhûs op Burgumerheide.
Doe stie dêr in mantsje op 'e wei, dy frege de koetsier hwer't de reis hinne gong. "Wy sille nei Twizel," seinen se, "hwant wy sille Japik Ingberts sjen to...
nl.verhalenbank.33683
Oene Knoffelder roan mei in kuorke mei snypsnaren by de huzen lâns. Sa moest er oan 'e kost komme. Ik hie ek us in euvel. Oene krige in kopke mei kâld reinwetter, die dêr in bytsje fan oan 'e fingers en struts dêrmei oer it plak hinne. Ik wie klear. Oene hie iiskâlde hannen altyd.
nl.verhalenbank.23123
Sterke Hearke wenne to Droegeham. Hy wie op in kear mei de hynders op 't lân. Hy bistjûrde de ploech.
Doe kom der ien by him, dy moest him ha, mar hy koe him net.
Dy sei: Hwer wennet hjir Sterke Hearke?
Doe hie Hearke de ploech mei ien hân optild en rjochtút stutsen. "Dêr wennet er", hied er sein.
nl.verhalenbank.33456
Sterke Hearke wenne yn Droegeham. Neffens de forhalen mat der noait ien leefd ha dy't sa sterk wie. It gebeurde alris, doe wie er op 't lân oan 't ploeijen. Doe kommen der guon by him, dy fregen him hwer't Hearke wenne.
Doe krige Hearke de ploech beet en stuts him mei de iene hân rjocht foar him út en doe sei er: "Hjir stiet er en dêr wennet er." Hy...
nl.verhalenbank.34488
Hy hat arbeider west by in boer. Der mat it alris gebeurd wêze dat twa sterke hynders in foer dong dat op 'e wein laden wie, net út it skerngat wei krije koenen. Doe hat Hearke de wein der pûr-allinne útlutsen mei dong en al.
nl.verhalenbank.34489
Sterke Hearke wie ris op in kear oan 't ploeijen op it lân. Der kaem in man by him, dy frege him of er ek wiste hwer't Sterke Hearke wenne.
Doe krige Hearke de ploege yn 'e hân, dy stuts er rjochtút en hy sei: "Dêr wennet er en hjir stiet er."
nl.verhalenbank.33443
Der wenne nòch in sterke keardel yn Droegeham. Dat wie Germ de Vries. Dy mjokse mei in houten skytskoffel. Dy die er earst fol stront en dan stuts er him rjochtút.
nl.verhalenbank.33457
Stammerige Harm haw ik skoan kend. Hy wenne yn Twizelerheide en handele yn âld izer, blik, fodden en al sok spul. Alles wie fan syn gading. As der hwat op in hiem lei dat fandele er op. Hy hie yn 'e iene hân in stôk en mei de oare hâldde er in âld sek beet, dy't him oer 't skouder hong. Dêr die er alles yn hwat fan syn gading wie. In hiele bult âld izer...
nl.verhalenbank.34500
In nachtmerje is in minskelik wêzen. Meastal is 't in frommeske, mar soms is 't ek wolris in man. Der wurdt wol biweard dat as der sawn dochters binne dan is ien dêrfan in nachtmerje. In nachtmerje giet de minsken nachts op it boarst sitten.
nl.verhalenbank.37223
Hearke wie sà sterk, as it hynder it net dwaen koe, luts hy allinne de dongwein út it skerngat.
nl.verhalenbank.33444
Hjir op it Hegelân yn Jistrum wenne in koopman. Dat wie ien dy die oars net as sûpe en swetse.
Hy hie nergens earbied foar. Mar op in kear doe't er ûnderweis wie nei hûs ta hat de duvel him opnom en smiten. Doe is er raer thús kom. Letter is er tsjerks woarn.
nl.verhalenbank.23125
Myn frou Baukje Hulsinga har omke dy wenne yn Feanwâlden. It wie in hiele raren-ien yn syn jonge jierren. Hy wie tige rûch yn 'e mûle.
Op in kear, doe hied er nei de faem ta west. Hy wie op wei nei hûs ta. 't Wie yn 'e nacht en hy wie tofoet. Doe't er in ein op stap wie hearde er in karre achter him oan kommen. Hy seach achterom, mar der wie neat to sjen....
nl.verhalenbank.23124
Myn âldomke Atse dy wie ek tige sterk. Dy naem samar in kynsens koer fol jirappels (dêr koe sahwat 35 poun yn) tusken tûme en finger en sa droech er dy koer út it âld skuorke wei troch 't bûthús hinne yn 'e hûs.
nl.verhalenbank.33445
Der wenne yn 't Wêst fan Bûtenpost in sekere Hart Boersma. Syn mem wenne by him yn. Metsje hiet se en syn frou hiet ek fan Metsje.
De jonge frou bihandele 't âld minske tige min. En de man wie ek altyd like hounsk tsjin syn mem. Doe is 't âld-minske dêr weirekke en gauachtich dêrnei stoarn.
Mar doe sweefde se by Hart en Metsje om 'e doarren. Altyd wie se...
nl.verhalenbank.22833
Op in kear ried Atse-om mei in wein mei fiskkoppen oer 't Wyldpaed. Dat wie doe noch in sânpaed. It hynder hie der in fracht oan. Doe rekke de wein by de wei del yn 'e wâl fan 'e sleat. It hynder rekke ûnder fuotten en kom mei de rêch yn 'e goatte to lizzen. It dier koe der út himsels net útkomme.
Atse-om hie in âld huodtsje op, dat hie er op 'e wein...
nl.verhalenbank.33447
Omke Atse hat wenne oan 'e Swâdde yn Twizelerheide. It is al wer lang lyn dat er leefde.
Op in kear doe hienen in stik of hwat feinten fan Twizelerheide hwat útheefd. De plysjes sieten har achternei. By dy feinten wie ek in sikere Eatse, dat wie de heit fan Kij Plantinga. It wie in fint as in reus en izersterk. Greate Eatse waerd er neamd.
Doe't de...
nl.verhalenbank.33446
Sterke Hearke fan de Ham luts in foer stront samar mei de hân út it skerngat wei as er tochte dat de hynders it net dwaen koenen.
nl.verhalenbank.23746
Piter Eekhof, Klaes Glastra en ik kommen us in kear fan 'e Tille en roannen op 'e Ald Dyk. Wy wienen by Douwe Iest op 'e hoeke.
Doe sei Piter: "Sjoch, dêr is in hountsje. Sjogge jimme 't wol?"
"Né," sei 'k, "allegear merakels, ik sjoch net in houn."
De houn bleau mar fóár him en doe wienen we in eintsje de Ald Dyk del, doe sprong der ien achter de hage...
nl.verhalenbank.23747
Myn wiif Hinke kom út 'e Harkema. Sy wie in dochter fan Willem Bos. Dy hie dêr in winkeltsje. Der wenne yn 'e Harkema in timmerman Tseard, en dy kom dêr wol gauris om spikers.
Op in kear doe seach Hinke him yn 'e fierte al wer oankommen. Sy sei: "Hè, dêr komt Tseard ek al wer oan." Doe't Tseard yn 'e winkel stie, sei er tsjin Hinke: "Ja, dêr kom Tseard ek...
nl.verhalenbank.23744
