Organizations
Keywords
There are no Keywords that match this search
Danish Keywords
There are no Danish Keywords that match this search
Dutch Keywords
Show More Dutch Keywords
German Keywords
There are no German Keywords that match this search
Place Mentioned
There are no Place Mentioned that match this search
Place of Narration
Show More Place of Narration
Narrator Gender
Us heit fortelde, yn 'e Westerein wenne in man, dy siet faek yn 'e kroech. Dan sûpte er him dronken en hie er raer praet dêrby en gong 't op in flokken en kettermintsjen. Op in joun kom er út 'e kroech, doe woarde er ûnderweis troch de duvel keard. Hy mocht net oer 't paed rinne en moest troch de sleat. Dweiltrochwiet is er thúskaem.
nl.verhalenbank.36328
Ien dy't dronken út 'e kroech kaem waerd soms in ein smiten.
nl.verhalenbank.36658
Twa jongemannen sieten yn 'e kroech to Jobbegea. Sy wienen beide oansketten. Sy swetsten en swearden mar raek. Sy woenen dy jouns elk in faem ha. "De earste de bêste dy't ús op side komt, dêr gean wy mei", seinen se.
Doe't se út 'e herberch wienen en in stikhinne ûnderweis, kommen der har guon op side. Mar doe is 't de beide mannen raer ôfgong. It wienen...
nl.verhalenbank.28261
Yn Surhuzum wennen de Kloostermannen. Dat wienen earst rare. Dat wie om 't oare wurd bliksem, duvel, ja en noch folle slimmer. Twa bruorren Kloosterman kommen ris togearre út 'e kroech. 't Wie op in joune let. Sy gongen elk in kant út.
De iene forflokte ûnderweis God en syn gebot. Hy roan in stik lân del om thús to kommen. Doe woarde er ynienen mei syn...
nl.verhalenbank.23861
To Rottum, yn 'e Rotten wenne in feint, dy hiet fan Gerrit de Jong. Dy feint hie forkearing mei in boerefaem, dy wenne by in boer, in sekere Van Es.
Op in joun sit dy feint yn 'e herberch. Hy sûpt in stik of fjouwer buorrels op en dan en lit er him dêr yn 'e herberch ûntfalle dat er dyselde jouns ien fan kant meitsje mat.
Hy giet út 'e herberch wei en...
nl.verhalenbank.27623
Alde Sibe van der Veen dy hie dronken west. Hy kom út 'e kroech. Guon hellen him op, dêr wie ús mem ek by.
Sibe hie hyltyd in pleachbeest op 'e fuotten hawn; it wie in hiele grouwe, swarte houn, dy wie net by him wei wykt.
Mem sei, it wie de duvel.
nl.verhalenbank.27233
Op in kear sieten der guon by har yn 'e kroech, dy seinen it raer op. Doe't se der út gongen woarde ien fan har samar opnom en fuortsmiten. Hy kom wer oerein. Mar doe woarde er dwars troch 't glês hinne smiten. Hy siet ûnder 't bloed, sa bot wie er skopt en slein woarn. Der hie in fremden west dy hie mei him wraksele. Dat wie de kweade. Dy hie him ek wer...
nl.verhalenbank.33534
Yn Tolbert wenne in persoan, dy hiet fan Wykstra. As dy oan 'e buorrel wie, wist er fan gjin ophâlden. Dêryn wied er krekt lyk as ik. Wy sieten wol us togearre yn 'e kroech.
Op in kear trof ik him wer. Ik sei: "Even nei de kroech net?"
Hy sei: "Né, ik drink gjin sterke drank mear. Ik drink allinne mar bier."
Ik sei: "Hoe nou."
Hy sei: "Dat sil 'k dy...
nl.verhalenbank.26061
Krekt sa'n gefal gebeurde der ek op 'e Lange Wyk.
In man kom út 'e kroech. Hy hie in stik yn 'e kraech en sei it raer op. In hiel lyts mantsje nom him op en smiet him yn 'e Lange Wyk. Oan 'e oare kant de feart is er by de wâl opklaud.
nl.verhalenbank.21257
Yn Kollum wie in kroech, dêr gongen jouns wol gauris manlju út 'e omkriten hinne. Dy hienen in klub. De klearmakker dy't fóár ús wenne hearde der ek by.
Dêr gong 't nochal hwat op in sûpen en se kamen faek oansketten thús. Hja kaertspilen dêr meimankoar.
It is ris gebeurd dat der wer in ploechje manlju út Kollum wei kamen dizze kant út, doe woarde ien fan...
nl.verhalenbank.38116
Der wie in man út Feanwâldsterwâl, dy hie yn Hurdegaryp yn 'e kroech sitten. Hy hie 't raer opsein en in goed stik yn 'e kraech. Doe moest er troch de Foksegatten. Doe't er dêr wie, waerd er opnom en oer de beammen hinnesmiten.
Hy wie dêrtroch tige eangstich woarn, hwant dit wie it wurk fan 'e kweade.
Letter wie er dêrtroch aerdich bikom.
nl.verhalenbank.38207
Yn Twizelerheide binne wol guon, dy't ik noch kend ha, smiten woarn, as se in slokje op hienen en it yn 'e kroech raer opsein hienen. Dan strafte de duvel har.
nl.verhalenbank.33811
Der wie in feint dy wie och sa ûnforskillich. Dy koe 't neat skele hwat er sei. Sûpe as in kreupel. Op in kear hied er yn beide herbergen fan Twizel west. Dêr hied er 't raer opsein. Hy wie foar de duvel net bang, sei er en dat wie sweare by dit en by dat.
Doe wied er dêr wei kom en doe hienen se him de oare moarns in pear stikken lân fan 'e wein ôf foun,...
nl.verhalenbank.33436
't Wie yn 'e winter. Twa man fan Aldeboarn kommen de jouns let út 'e kroech. Sy hienen in moai sûpke op. Der lei in lyts bytsje iis oer de âld Boarn. Dêr koe net in roek oer.
In skoftsje letter roannen dy beide kjirrels oan 'e oare kant fan 'e Boarn. Hoe koe dat? Sy mienden sels dat [se] der oer hinne saeid wienen.
nl.verhalenbank.23817
Myn broer Freark meande deis twa pounsmjit ôf.
Hy hie in seine, dy't folle wider wie as in gewoanenien.
Doe't er noch in jonge baes wie gong er us in kear de kant nei Dokkum op. 't Wie op in jountiid. Dat wie nei de kroech ta, oanstekke en sûpe.
Doe kom er mei de rêch tsjin 'e blommen oan to sitten dy't foar 't glês stienen.
De frou sei: "Jo matte...
nl.verhalenbank.23546
Sikke Hoeksma ^ wenne op Mûntsjetille oan it Knjillisdjip, tichte by de Bûtenpostumer Mieden. Myn swager, Douwe Wedzinga, wenne der tichte by. Saterdeijounen gongen se faek togearre nei Twizel ta, nei de kroech. Dan rounen se de âld dyk del.
Dêr yn Twizel seagen se net op ien. Sy kommen der faek dronken wei.
Sa wie 't ek wer ris in kear it gefal, doe...
nl.verhalenbank.28611
To Moarmwâld wenne Japik Keikes, dy hie mar ien foet.
It folgjende hat er my sels forteld. Hy hie yn 'e kroech sitten. 't Wie op in dobbeljen en spyljen gong mei de noadige flokwurden der by. Japik hie om 't hurdste meidien. En in bier dat er opdronken hie!
Doe't er thúskom moest er foar syn mem in fjirdepart roggebrea fan 'e bakker helje. Doe't er op 'e...
nl.verhalenbank.33209
Twa út 'e Koaten, in sekere Piter en Klaes gleske wienen beide mannen fan drank. Sy kommen togearre mei in stik yn 'e kraech út 'e kroech wei. Klaes fortelde: "Dêr woarde Piter ynienen by my weipakt en tsjin 'e muorre oansmiten fan in boereplaets." (Dat is de plaets, dêr't nou Oebele Vries wennet, tsjin 't tsjerkhôf oer.)
nl.verhalenbank.28198
Sterke Hearke siet us in kear mei syn broer ergens by in haven yn 'e polderwurken. Dêr stie in herberch en de kastlein klage syn need us in kear oan Hearke.
"Saterdeijouns," sei er, "dan komme hjir de matroazen fan 'e boaten, en dy slagge hjir altyd alles koart en klien." Doe sei Hearke: "Wy sille jo helpe."
De saterdei-to-jouns dêroan stapten Sterke...
nl.verhalenbank.23634
Twa feinten sieten yn 'e kroech op 'e Foarwei. Hja hienen aerdich hwat hawn en swetsten mar raek. Doe gongen se fuort. Se kamen op 'e Lange Loane. Se moesten beide de Stasjonswei del. Ien fan 'e beiden woarde op 'e Lange Loane opnom en in ein fuortsmiten. De oare kaem neat oer.
Dat wie it wurk fan 'e duvel.
nl.verhalenbank.36576
