Organizations
Keywords
There are no Keywords that match this search
Danish Keywords
There are no Danish Keywords that match this search
Dutch Keywords
Show More Dutch Keywords
German Keywords
There are no German Keywords that match this search
Place Mentioned
There are no Place Mentioned that match this search
Place of Narration
Show More Place of Narration
Narrator Gender
Myn beppe dy wenne op 'e Tike. Dy sei: "It is noait liker as slagge se altyd mar op izer om, krekt as rollet it iene izer oer 't oare hinne." Hja hearde it nachts op bêd. "Toe Teade," sei se dan tsjin pake, "hear dû ek us." Mar pake dy hearde it net.
Letter is de tram dêr lâns kom. Dy hie krekt itselde lûd as dat hja heard hie.
nl.verhalenbank.21090
Us beppe kom op in nacht om in ûre of ien kjel út bêd wei.
't Wie allegear gedinder en lûd, 't hûs hie der fan skodde.
De oare deis sei se: "Nou komt hjir in tram of in trein lâns. Ik ha der klear de lûden fan heard.
Letter is de tram dêr kom.
nl.verhalenbank.26890
In Opende is 't gebeurd dat mensen in de lucht een geluut als van een tram hoorden. Maar die was der toen nog niet. Korte tijd daarna kwàm die tram er.
nl.verhalenbank.27839
Foardat de tram hjir lâns kom ha guon him al heard. Hindrik de Jong wie de earste, dy't de tram roljen en tûtsjen hearde. Sake Elzinga de twadde. In pear jier letter lei de tram der pas.
nl.verhalenbank.23134
Sa'n fyftich à sechstich jier lyn seagen guon út 'e Kompenije fan tofoaren de ljochten en sy hearden de lûden fan 't spoar, dat dêr lâns komme soe. Ek oan 'e Folgerster loane ha guon it wol heard en sjoen. ('t Wie de tram)
nl.verhalenbank.26931
Us heit wenne froeger oan 'e Hearrewei ûnder Sumar.
Faek hat er forteld dat se soms achter hûs lûden hearden; it wie krekt dat der izer oer izer hinne glied.
Al gau dêrnei is de tram dêr kom. Dat ha de lûden doe west fan 'e tram dy't oer de rails glied.
nl.verhalenbank.33848
Foardat de tram der wie, hearden se in gebolder. Dat wie de 'voorklank' fan 'e tram. 'Voorklank' is noait fan 'e wereld.
nl.verhalenbank.12264
Us buorfrou sei us tsjin my: "Hearst it wol, Antsje, hoe'n gerattel as der yn 'e loft is? Soe men der net binaud fan wurde? Hwat is dat nou?"
Hwant der wie neat to sjen.
Letter is de tram dêr kom.
nl.verhalenbank.21903
To Wijnjeterp wie in frou stoarn. De buorlju stienen op it hiem to wachtsjen. 't Wie buorreplicht. Op in stuit hearden se allegear in lûd, dat izer oer izer gong. 't Wie hiel dúdlik. Mar der wie neat to sjen. Letter ried op datselde plak de tram lâns. It wie presys itselde lûd.
nl.verhalenbank.20837
Der binne guon dy ha al fier fan tofoaren it lûd heard fan it lizzen fan 'e rails, doe't de tramwei fan Sumar oanlein woarde. Us mem hat de ljochtsjes fan 'e tram sjoen.
nl.verhalenbank.15708
Us mem is ôfkomstich fan Drachtster Kompenije. Hja hat ús faek forteld, foardat de tram de Folgersterloane lâns ried nei Drachten ta hienen hja de lûden heard dy't de tram makke op 'e rails en ek hyltiten wer toet-toet-toet.
nl.verhalenbank.36674
In man út Sumar, dy't nei Grins west hie foar ûndersyk yn it jier 1887 kom op it Barndelân by de Nije Wei in hiel great munster to sjen mei gleone egen. It wie stil waer, mar it sûze en bearde dêr as stie der in stoarm.
Letter, om 1893, 94 hinne is dêr it tramstasjon boud, en doe wist er, dat it de foarboade fan 'e tram west hie, dy't stoom út 'e masine...
nl.verhalenbank.21794
Bie Snieders in Vlagtwedde heurden ze iedere oavend, as ze net op berre wazzen, n gegier en gekroak veur t huus. Zai dr den of, noar boetn tou om te kiekn. Niks te zain of te doun.
Dat het n haile zet zo goan, tot de tramliene aanlegd is. Toun gung tram dr langs en stopde om n uur of tiene veur heur huus. Den kwam weer datzulfde geluud.
nl.verhalenbank.43714
De tram oer de Sumarreheide ha wy allegear fan tofoaren sjoen.
nl.verhalenbank.15812
Myn pake wenne oan 'e Ielke Boonstrawei, yn in spitkeet.
Op in kear sei er: "Hjir gebeurt hwat." Hy hearde hwat hiel fluch foarby ratteljen. "'t Giet hurd," sei er, "en 't hie twa gleone egen."
15 à 16 jier letter is de tram dêr kaem. Krekt yn 'e bocht hie pake 't sjoen. "'k Seach him dúdlik oankommen", sei er.
nl.verhalenbank.32061
Foardat it spoar hjir wie, ha de minsken it al riden heard, krekt like dúdlik as doe't it der letter wie, sei myn âlde omke.
nl.verhalenbank.28431
Myn skoanheit Sjoerd Kingma wenne op 'e ein fan Garyp yn in lyts húske flak by de oerwei fan Nyegea nei Burgum.
Hy hearde nacht op nacht it fluitsjen fan 'e tram, deunby, wylst der doe noch gjin tram wie. Dy kaem letter pas.
nl.verhalenbank.23028
It is gebeurd yn 1901 of 1902 dat hjir by ús daem twa âlde minsken: Piter Roorda en syn frou troch de tram oerriden woarden. Der wienen hjir lju, dy hienen fan tofoaren it gekjirm fan dy beide âlde minsken al heard.
nl.verhalenbank.33349
Doe't heit in great jonge wie, seach er gleone ljochten oer de heide. En 't wie ek krekt as rattele der hwat oer de heide. Dat wienen foarboaden fan 'e tram dy't dêr letter kaem is.
nl.verhalenbank.32492
Forskate lju ha hjir de tram fan to foaren heard, foardat dy hjir lâns kom.
nl.verhalenbank.21111
