meertens
http://www.verhalenbank.nl/items/show/45788
Sage  
Keywords:
keyword_brand_$
brand
keyword_brand_@lang
nl
keyword_ekster(?)_$
ekster(?)
keyword_ekster(?)_@lang
nl
keyword_hond(?)_$
hond(?)
keyword_hond(?)_@lang
nl
keyword_voorteken_$
voorteken
keyword_voorteken_@lang
nl
Persons:
person_narrator
Huls, G.
person_narrator_gender
male
Narrator
Huls, G. (male)
Narration date
1967-03-03  
Tale type
SINSAG 0486: Andere Todesvorzeichen. 
Places:
place_narration
Veele
Narration Place
Veele 

Dataset extent

Map data © OpenStreetMap contributors

nl.verhalenbank.45788

nl

As ik vrouger as kind bie t heerdvuur zat en lusterde noar de verhoaln van de manlu, dan was k in t leste zo benauwd, dat ik nich meer noar boettn hen dus te pisn. En as k eevn noar dele mus, dan gung t schienvat mit. Kinder binnen eerder slim ploagd mit aal dai vertelsels over heksn en spookn. Man ja, de mensn leufden er aan. Doorum zal ik joe gain foabeltjes verteln, man allennig dingen, dai woar gebeurd binnen.
Wie hadden dan bie ons in hoes n rode kou. Op n nacht was dat baist slim onrustig; hai trok man aan de ketns en bulkte in ain stuk deur. De andere koi-en stunnen gewoon op staal en deden gain biezunders. Wie dochden doadelk, dat door wat achter zat en zo was t.
Ons hoes is n zet loater opbrand. Dai kou, dat kan nich anders, mout door kennis van had hebben. Want daiern waitn asmis dingen veuroet. Wordt op t oognblik wol twiefeld aan zukse dingen, man ik veur mie wait dat sekuur. k Heb meer dan ains zain, dat de eeksters aan t roam pikten bie n zaik mens. Dat was zeker n taikn, dat dai zaike er nich meer deur komen zol. t Kwam voak veur bie mensn, dai nogal wuist leefd harn. Ook zag ik wol es, dat de eeksters nich van t dak of te kriegn warn; anders zitn ze door ja nooit.
En de honden. Ie kunnen dr van denkn wat ie wiln, man honden waitn wat. “Komp non nich meer veur”, zegn mensn, man ook dat is nich woar. Verleden joar heb ik nog n hond ain haile dag jankn heurd en ik zag hum man noar n hoes kiekn. Ie waitn van X. (Dit geval is mij bekend, niet van de hond, maar wel, wat er zich in dat huis heeft afgespeeld F.W.). Ander dag was de hond rustig. Ontken non man es, dat zo’n daier nich wat in de goatn hef.


Created
December 15, 2020, 01:04 (UTC)
Last updated
March 16, 2023, 14:38 (UTC)