Dataset extent
nl.verhalenbank.37609
Sjouke Beima wenne froeger yn 'e Harkema, letter yn Eastemar. Doe't er noch yn 'e Harkema wenne gong er ris op in joun nei hûs ta. Hy moest in stikje lân troch. Doe stie dêr in swart hynder by de hekke. Dat hynder roan him nei mei de kop oer syn skouder hinne. Sa roan it mei him it hiele lân troch. En der hie noch noait in hynder yn dat stik lân roan en net ien dy't dêr in swart hynder hie. De oare moarns hie Sjouke sjoen of it hynder dêr noch wie. Gjin spoar fan in hynder.
Sjouke hat it faek forteld. Hwat hat it west? De duvel?