Dataset extent
nl.verhalenbank.34585
Ymke koe alle kunsten. Op in kear doe siet er yn 'e kroech. Hy hie allegear soldaten om him hinne. Hy sei: "Is der ien dy't my even in bûsdoek liene kin?"
"Jawol", sei ien fan 'e soldaten en hy krige dy syn bûsdoek, in reade bûsdoek.
Doe hie Ymke in lúsjefers krige en dy bûsdoek opbrând.
Dêr kom hwat jiske fan. De soldaet, dy syn bûsdoek it wie, hie sneu sjoen.
"Sjoch mar net raer," sei Ymke, "dû krijst de bûsdoek wol wer." Doe hied er hwat jiske pakt yn 'e hân en dêr hwat mei omwreaun. Doe hie 't wer in gewoane reade bûsdoek west.
"Asjeblyft," sei er tsjin 'e soldaet, "hjir hastû dyn bûsdoek wer."