[2026] nicht grugen
De Speuk in‘ne Kirch.
Dor wier mal eins 'n Paster. dei wull den annern Dag ne Beirdigung afhollen. Nu säd hei tau sin Mäten: "Marie, willen Sei nich eins na de Kirch gahn un mi dat Andachtsbauk tau morgen halen, oder sünd Sei bang?" Sei seggt ne un geht jo ok hen. As sei nu na de Kirch rinnerkümmt, seggt sei ehr Gebet un halt dat Bauk. As se nu wedder trügkümmt, geht einer mit en witt Laken up ehr tau. Sei denkt sick dor öwer nicks bi, geht rut ut de Kirch, slütt de Dör achter sick tau un geht wedder tau Hus. Den'n annern Morgen seggt de Paster: “Marie, weiten Sei nich, wo Jehann is?“ “Ja,“ segt sei " wenn ick mi nich irr, is hei gistern in 'ne Kirch west.“ Gaud, de Paster geht na de Kirch hen, slütt up, un dor liggt Jehann ganz terräten, so dat em dei Darm ut de'n Liew kieken.