[2017] nicht grugen
Dor is mal ens 'n Schauster wäst, dei is nich grugelich wäst. Nu hett dat 'ne Werr gull' . He hett bi'n Doden wachen süllt. Dei Dod is öwer lebendig wäst. Dei Schauster hett in de Stuw bi den Doden sin Arbeit wohrt. Nu ward sik mirrn up´e Nacht dei Dod sick son bäten rögen. Dunn ward dei Schauster so lurn. Bald richt dei Dod sick äwer in'n Enn´. Dunn seggt dei Schauster einpor mal. Wer dod is, möt hübsch dod blieben. Dei Dod kümmt äwer ümmer höger. Dunn sleiht dei Schauster em mit'n Hamer öwern Kopp, dunn wier hei dod.